میرے پسندیدہ اشعار

[شمشاد]

قدم مے خانہ میں رکھنا بھی کار پختہ کاراں ہے
جو پیمانہ اٹھاتے ہیں وہ تھرایا نہیں کرتے
نشور واحدی

 

[شمشاد]

وفا کریں گے نباہیں گے بات مانیں گے
تمہیں بھی یاد ہے کچھ یہ کلام کس کا تھا
داغؔ دہلوی

 

[شمشاد]

خود کو بکھرتے دیکھتے ہیں کچھ کر نہیں پاتے ہیں
پھر بھی لوگ خداؤں جیسی باتیں کرتے ہیں
افتخار عارف

 

[شمشاد]

ساقی ہمیں قسم ہے تری چشم مست کی
تجھ بن جو خواب میں بھی پئیں مے حرام ہو
(ولی اللہ محب)

 

[سیما علی]

میں نہیں ہوں نغمۂ جاں فزا مجھے سن کے کوئی کرے گا کیا
میں بڑے بروگ کی ہوں صدا میں بڑے دکھی کی پکار ہوں

نہ میں مضطرؔ ان کا حبیب ہوں نہ میں مضطرؔ ان کا رقیب ہوں
جو بگڑ گیا وہ نصیب ہوں جو اجڑ گیا وہ دیار ہوں
(مضطر خیر آبادی)

بہت عمدہ۔

 

[سیما علی]

محبت رنگ دے جاتی ہے جب دل دل سے ملتا ہے
مگر مشکل تو یہ ہے دل بڑی مشکل سے ملتا ہے
(جلیل مانک پوری)

عشق میں دنیا گنوائی ہے نہ جاں دی ہے فراز
پھر بھی ہم اہلِ محبت کی مثالوں میں رہے!!
احمد فراز

 

[سیما علی]

محبت رنگ دے جاتی ہے جب دل دل سے ملتا ہے
مگر مشکل تو یہ ہے دل بڑی مشکل سے ملتا ہے
(جلیل مانک پوری)

آدمی آدمی سے ملتا ہے!!!
دل مگر کم کسی سے ملتا ہے

جگر مراد آبادی

 

[سیما علی]

محبت رنگ دے جاتی ہے جب دل دل سے ملتا ہے
مگر مشکل تو یہ ہے دل بڑی مشکل سے ملتا ہے
(جلیل مانک پوری)

جو بھی ہے اس نظرؔ کا گرویدہ
دل مرا بس اسی سے ملتا ہے

نظر لکھنوی

 

[مومن فرحین]

محبت رنگ دے جاتی ہے جب دل دل سے ملتا ہے
مگر مشکل تو یہ ہے دل بڑی مشکل سے ملتا ہے
(جلیل مانک پوری)

ملاتے ہو اسی کو خاک میں جو دل سے ملتا ہے
میری جاں چاہنے والا بڑی مشکل سے ملتا ہے

 

[سیما علی]

ملاتے ہو اسی کو خاک میں جو دل سے ملتا ہے
میری جاں چاہنے والا بڑی مشکل سے ملتا ہے

بہت کمال

غضب ہے داغؔ کے دل سے تمہارا دل نہیں ملتا
تمہارا چاند سا چہرہ مہ کامل سے ملتا ہے!!!!!!!!!!

 

[شمشاد]

ملاتے ہو اسی کو خاک میں جو دل سے ملتا ہے
میری جاں چاہنے والا بڑی مشکل سے ملتا ہے

یہ بات ہے تو پھر :

کون ہے ہم سا چاہنے والا
اتنا بھی اب دل نہ دکھاؤ
ابن صفی

 

[مومن فرحین]

بہت کمال

غضب ہے داغؔ کے دل سے تمہارا دل نہیں ملتا
تمہارا چاند سا چہرہ مہ کامل سے ملتا ہے!!!!!!!!!!

ہم اپنے چہرے سے پردہ ہٹا تو دیں لیکن
غریب چاند ستاروں کا حال کیا ہوگا

 

[مومن فرحین]

یہ بات ہے تو پھر :

کون ہے ہم سا چاہنے والا
اتنا بھی اب دل نہ دکھاؤ
ابن صفی

تم زمانے کی راہ سے آئے
ورنہ سیدھا تھا راستہ دل کا

باقی صدیقی

 

[شمشاد]

ہم اپنے چہرے سے پردہ ہٹا تو دیں لیکن
غریب چاند ستاروں کا حال کیا ہوگا

ظاہر ہے کہ ڈوب جائیں گے، اس لیے پردہ پڑا ہی رہنے دیں۔

 

[شمشاد]

تم زمانے کی راہ سے آئے
ورنہ سیدھا تھا رستہ دل کا

یہ باقی صدیقی کا شعر ہے۔

دوسرے مصرعے میں "رستہ" نہیں "راستہ" ہے۔

ورنہ سیدھا تھا راستہ دل کا

 

[شمشاد]

تم زمانے کی راہ سے آئے
ورنہ سیدھا تھا راستہ دل کا

تم زمانے کے ہو ہمارے سوا
ہم کسی کے نہیں تمہارے ہیں
مہتاب عالم

 

[مومن فرحین]

یہ باقی صدیقی کا شعر ہے۔

دوسرے مصرعے میں "رستہ" نہیں "راستہ" ہے۔

ورنہ سیدھا تھا راستہ دل کا

اچھا بہت بہت شکریہ

 

[ڈاکٹر عظیم سہارنپوری]

تم زمانے کے ہو ہمارے سوا
ہم کسی کے نہیں تمہارے ہیں
مہتاب عالم

عمر بھر ان سے ہمارا یہ رہا ہے رشتہ
ہم رہے ان کے لیےاور وہ زمانے کے لیے
عظیم

 

[شمشاد]

کون بتوں سے رشتہ جوڑے
نام بڑے اور درشن تھوڑے
(شاد عارفی)

 

[ڈاکٹر عظیم سہارنپوری]

رس گلوں کی پوری پیٹی
روز چڑھائی ھاتھ بھی جوڑے
جانے کیسے بت ہیں لیکن
پھر بھی ہم سے منھ ہیں موڑے

عظیم سہارن پوری