میرے پسندیدہ اشعار

[مومن فرحین]

محبت بری ہے بری ہے محبت
کہے جا رہے ہیں کیے جا رہے ہیں

جون

 

[سیما علی]

اور بھی دکھ ہیں زمانے میں محبت کے سوا
راحتیں اور بھی ہیں وصل کی راحت کے سوا

فیض صاحب

 

[Ali Baba]

کسی نے مخبری کر دی ہے ان کی
مرے سب دوست اندر ہوگئے ہیں
کچھ ان پھولوں کے بارے میں بتائیں
جو مرجھانے سے بہتر ہوگئے ہیں
علی زریون

 

[سیما علی]

میں دل کے داغ دکھاؤں کہ زخم سر ان کو
جو پوچھتے ہیں کہ مفہوم دوستی کیا ہے!!!!!

پیرزادہ قاسم

 

[Ali Baba]

ہم فقیروں سے دوستی کر لو۔۔
گُر سکھا دیں گے بادشاہی کے

 

[ڈاکٹر عظیم سہارنپوری]

اس کے جانے کا کب ملال ہے مجھ کو
دکھ تو یہ ہے وہ مرا پرس لے کے بھاگی ہے

عظیم

 

[ڈاکٹر عظیم سہارنپوری]

چائے والا ہے رہ نما یاں کا
وہ بھی کہتا فقیر ہے خود کو

عظیم

 

[شمشاد]

اور کیا اس سے زیادہ کوئی نرمی برتوں
دل کے زخموں کو چھوا ہے ترے گالوں کی طرح
(جاں نثاراختر)

 

[ڈاکٹر عظیم سہارنپوری]

اس کے لب ہیں کہ شبنم میں بھیگا گلاب
اور تپش وہ کہ جلتا ہوا آفتاب

عظیم

 

[سیما علی]

آج سب ہیں بے قیمت گریہ بھی تبسم بھی
دل میں ہنس لیا جائے دل میں رو لیا جائے

ڈاکٹر پیرزادہ قاسم

 

[عطاء اللہ جیلانی]

‏کرتی ہے مجھے قتل مرے یار کی تلوار
تلوار کی تلوار ہے رفتار کی رفتار

امام بخش ناسخ

 

[شمشاد]

کوئی پابند محبت ہی بتا سکتا ہے
ایک دیوانے کا زنجیر سے رشتہ کیا ہے
(فنا نظامی کانپوری)

 

[عطاء اللہ جیلانی]

‏یہ سوچ کے ماں باپ کی خدمت میں لگا ہوں
اس پیڑ کا سایا مرے بچوں کو ملے گا

منور رانا

 

[سیما علی]

نہ صاحبانِ جنوں ہیں نہ اہل کشف وکمال
ہمارے عہد میں آئیں کثافتیں کیسی

عبید اللہ علیم

 

[سیما علی]

چہرے بدل بدل کر مل رہے ہیں لوگ
اتنا برا سلوک میری سادگی کے ساتھ

محسن نقوی

 

[سیما علی]

میں تو اک گونج میں زندہ ہوں سرِ ِ بزم رضی
جن کو ہونا تھا یہاں نغمہ سرا ہو بھی چکے


خواجہ رضی حیدر

 

[سیما علی]

لے دے کے اب یہی ہے نشانِ ضیا قتیل
جب دِل جلے تو اُس کو دیا کہہ لیا کرو

قتیل شفائی

 

[سیما علی]

کچھ اور بھی ہیں کام ہمیں اے غم جاناں
کب تک کوئی الجھی ہی زلفوں کو سنوارے


حبیب جالب

 

[سیما علی]

جتنی دیر ملوں میں اس سے
اتنی دیر تو یوں لگتا ھے
سمے سے لے کے کرانت سمے تک
سارا جیون میرے پاس

عبید اللہ علیم

 

[سیما علی]

دشمن ہے ایک شخص بہت ایک شخص کا
ہاں عشق ایک نام کو ہے ایک نام سے



"رئیس فروغ"