جس ملک میں چیف جسٹس پاکستان رنگے ہاتھوں شراب کی بوتلیں پکڑے اور بعد میں نمونے بدل کر ملزم کو چھوڑ دیا جائے۔ وہاں قومی چور کی طبی رپورٹس میں رد و بدل کرکے ملک سے فرار کروانا کونسا مشکل کام تھا؟
انصافین گنڈاپور کی شراب کی بوتلیں بھول گئے جنھیں بعد میں شہد کی بوتلیں ظاہر کرکے ایک شرابی کو کور دیا گیا۔
گنڈاپور کونسا مریخ سے اترے ہیں۔ وہ بھی پاکستانی ہی ہیں۔ اپنا اثر رسوخ استعمال کرکے مرضی کی رپورٹیں بنوا لی ہوں گی۔
جیسے جج شواہد دیکھ کر فیصلہ کرتا ہے ویسے ہی ڈاکٹر طبی رپورٹیں دیکھ کر رائے دیتے ہیں۔ آپ لیبارٹری سے موصول ہونے والی طبی رپورٹیں مینج کر لیں۔ میڈیا کو خرید کر ہمدردانہ کوریج حاصل کریں تاکہ جج اور حکومت دباؤ پڑے۔ اور وہ انسانی ہمدردی و طبی ایمرجنسی کی بنیاد پر مجرم کو ملک سے باہر جانے دے۔
بھٹو خاندان 1970 اور شریف خاندان 1980 سے پاکستانیوں کو بیوقوف بنا رہا ہے۔ عمران خان کو تو ابھی بیوقوف بناتے ہوئے جمعہ جمعہ آٹھ دن ہوئے ہیں۔
اتنا ہی سادہ یہ مسئلہ ہوتا تو کوئی بات نہ تھی۔ نیازی صاحب (بے شک، نہ چاہتے ہوئے بھی) اس سازش میں شریک تھے۔ تبھی نواز شریف کے ملک سے جاتے ہی تین دن اٹواٹی کھٹواٹی لے کر گھر میں پڑے رہے۔ مان لیجیے کہ ان ہی سازش تھی۔
یہ عمران خان کا کرکٹ کے زمانہ سے وطیرہ رہا ہے۔ شکست کے فورابعد کچھ دن تک موصوف اخبارپڑھنا، لوگوں سے ملنا جلنا تک چھوڑ دیتے ہیں۔ اور اس دوران اکیلے میں اپنا تزکیہ کرتے ہیں کہ ان سے کہاں پر غلطی ہوئی۔ آپ کو یہ بھی یاد ہو گا کہ تین دن بعد واپس آکر انہوں نے پوری عدلیہ پر چڑھائی کی تھی۔ جس کی سزا اعلیٰ عدلیہ نے فورا ہی آرمی چیف کی ایکسٹینشن معطل کرکے دے دی۔
آپ نے پچھلے دنوں کہیں اردو محفل پر لکھا تھا کہ آپ جمہوریت پسند ہیں۔ یہ تو بالکل غلط بات دکھائی دیتی ہے۔ آپ کے مراسلوں سے اس کے برعکس یہ تاثر ملتا ہے کہ آپ جمہوریت مخالف اور آمریت پسند ہیں۔ ہمارے اس براہِ راست تبصرے پر ہمیں معاف فرمائیے لیکن یہ آپ کے خلاف نہیں آپ کے تبصروں کے بارے میں ہے۔ بھٹو خاندان گزشتہ کئی دہائیوں سے پاپولر ووٹ لے کر آرہا ہے۔ نواز شریف بھی پاپولر ووٹ لےکر آتا رہا ہے۔ اب بھی اس کی جڑیں عوم میں ہیں۔ نیازی صاحب اس کے برعکس سیلیکٹ ہوکر آئے ہیں۔ بائیس سال جمہوری جد وجہد کی، کچھ سال اور کرلیتے تو عوم کے ووٹ سے اقتدار میں آتے ، تب انہیں این آر او نہ دینا پڑتا نواز شریف اور زرداری کو۔
پاکستان میں پاپولر ووٹ ملتا نہیں بکتا ہے۔ پنجاب میں آج بھی برادری اور سندھ میں وڈیروں کے نام پر ووٹ ڈالا جاتا ہے۔ جو حکومت بنانے کا خواہشمند ہے وہ یہ چند گنے چنے اشرافیہ خاندان خرید لے یا محکمہ زراعت کا استعمال کرکے ان کو اپنے ساتھ ملا لے تو اگلا وزیر اعظم بن سکتا ہے۔ یہ کوئی راکٹ سائنس نہیں ہے۔
ہندوستان میں بھی تو یہی جمہوریت ہے لیکن کیا وجہ ہے کہ وہاں کجریوال عام آدمی پارٹی بناکر بڑی پارٹیوں کو شکست دینے میں کامیاب ہوا؟ وجہ ہماری دانست میں تو یہی بنتی ہے کہ وہاں جمہوریت کو پنپنے دیا گیا ، بار بار شب خون مارکر اس کا حلیہ خراب نہیں کیا گیا۔ ملک کی عمر کے آدھے وقت آمریت چھائی رہی۔ بنیادی جمہوریت اور نان پارٹی الیکشن کے نام پر عوام کے حقوق پر ڈاکہ ڈالا گیا۔ ایسے میں جمہوریت کا یہی حال ہوگا۔ جمہوریت یکدم نہیں آجاتی۔ اسے وقت دیجیے۔ پانچ دس سال بعد ہی قبضہ کرکے فیصلہ سنانے نہ بیٹھ جائیے۔
متفق اور سب سے اہم بات کہ مقتدر حلقوں کو جمہوری حکمرانوں کی سلیکشن اور ججمنٹ کا کوئی اختیار نہیں ہے۔ جب چاہا سلیکٹ کر کے اقتدار سونپ دیا اور جب چاہا سزا دے کر باہر نکال دیا۔ یہ ملک اس قسم کے مزید تجربات کا متحمل نہیں ہو سکتا۔
زبردست! یعنی ہم امید رکھیں کہ آپ ایک ٹاؤٹ کی حمایت چھوڑکر جمہوریت پسندی کی طرف لوٹ آئیں گے؟ آپ نواز شریف کی مخالفت کرتے ہیں، درست! آپ زرداری کی مخالفت کرتے ہیں۔ درست! لیکن ان کے مقابلے میں جو جمہوری طور پر ووٹ لے کر آتے ہیں آپ جب ایک ٹاؤٹ کی حمایت کرتے ہیں تو شاید اتنا درست نہیں بھی ہوتا۔ جمہوریت پسند بن جائیے!
ٹاؤٹ کی حمایت شاید ان کی سیکولر یا مذہبی مجبوری ہو۔ معذرت چاہوں گا، صرف ایک اندازہ ہے۔ یا شاید وزن کسی ایک پلڑے میں ہر صورت ڈالنا ہے۔
ایسی کوئی مجبوری نہیں ہے۔ ٹاؤٹ نے ہی نواز شریف کو ایک اور ڈیل دے کر ملک سے باہر بھیجا ہے۔ جس پر تحریک انصاف کے حامی ان سے سخت نالاں ہیں۔
ثبوت بھی منظر عام پر آجائے گا۔ فی الحال تو اس ڈیل کے بدلے تمام نونیوں نے جنرل باجوہ کی ایکسٹینشن کیلئے ووٹ ڈالا ہے۔ وہی ایکسٹینشن جس کے بارہ میں شور ڈالا ہوا تھا کہ اگر نواز شریف وزیر اعظم ہوتے تو کبھی نہ دیتے
چلیے بحث برائے بحث یہ مانے لیتے ہیں کہ ڈیل ہوئی۔ اب سوال یہ پیدا ہوتا ہے کہ اس ڈیل میں نیازی صاحب کہاں کھڑے ہیں۔ کیا وہ اتنے معصوم ہیں کہ نواز شریف کے ملک سے نکل جانے کے بعدد انہیں پتہ چلا کہ ہاتھ ہوگیا یا وہ خود، ان کے رفقائے کار، ان کے ڈاکٹرز ، کراچی کے ڈاکٹر شمسی یہ سب افراد اس سازش میں شریک تھے؟ جب خود اس سازش میں شریک تھے اور ڈیل یہ تھی کہ آپ کو وزیرِ اعظم کے طور پر برقرار رہنا ہے تو نواز شریف کو باہر نکالنا ہوگا۔ تبھی تو تین دن اٹواٹی کھٹواٹی لیے گھر پڑے رہے۔ شیشے کے گھر میں بیٹھ کر کوئی بھی سنگ زنی نہیں کرسکتا۔ آپ کی اپنی حالت یہ ہے کہ آپ کو اقلیتی پارٹی ہونے کے باوجود پلیٹ میں رکھ کر لوٹوں اور چھوٹی پارٹیوں سمیت مختلف ڈیلیں کرکے حکومت دی گئی، اب آپ اپنی من مانی نہیں کرسکتے۔ثبوت بھی منظر عام پر آجائے گا۔ فی الحال تو اس ڈیل کے بدلے تمام نونیوں نے جنرل باجوہ کی ایکسٹینشن کیلئے ووٹ ڈالا ہے۔ وہی ایکسٹینشن جس کے بارہ میں شور ڈالا ہوا تھا کہ اگر نواز شریف وزیر اعظم ہوتے تو کبھی نہ دیتے
اسی لئے تو یہ کڑوا گھونٹ پی کر خاموش ہیں۔ باقی جہاں نواز شریف 1999 میں دو تہائی اکثریت لینے کے باوجود اپنی من مانی کرنے پر فارغ کر دئے گئے تھے تو وہاں اتحادیوں کے سہارے کھڑے عمران خان کی کیا اوقات۔۔۔