"و" کے ذریعے تشکیل پانے والے مرکبات

[شمشاد]

کبھی کبھار اشعار بھی آ جائیں تو کوئی مضائقہ نہیں۔

سعود بھائی آپ اپنا مقام و تاریخ پیدائش سے مطلع کریں۔

 

[ابن سعید]

تو یوں کہیں ناں کہ اپنا تاریخ و جغرافیہ بتا دوں۔

 

[شمشاد]

دل و جان سے منتظر ہیں۔

 

[ابن سعید]

سوچتا ہوں کہ دن و تاریخ ماہ و سال تو وقت کی گردش کا نتیجہ ہیں ان سے اپنا رشتہ و ناطہ کیا جوڑوں۔ پھر سوچتا ہوں کہ گردش کا شکار تو میں بھی ہوں۔

 

[شمشاد]

بےکیف و بے نشاط نہ تھی اس قدر حیات

ناصر کاظمی نے یہ مصرعہ شاید آپ کے لیے ہی کہا تھا۔

 

[تفسیر]

جی تفصیر صاحب میں نے بھی ایک صلاح دی تھی کوئی قید و بند نہیں لگائی۔
در آسل اس ٹاپک کی شروعات خالص عطفی مرکبات سے ہوئی، پھر اعجاز چاچو نے اسے حروف تہجی کی ترتیب میں چاہا پر شرکاء کی تعداد گھٹنے کے خوف سے یہ صلاح بغیر کچھ کہے سنے تہوں میں دب گئی۔ پھر شمشاد بھائی نے اسے تکلم کی شکل دے دی۔ اب مجھے لگا کہ اگر اس میں شاعری کا تجربہ کیا گیا تو پھر سے شرکاء کی تعداد اثر انداز ہوگی۔ اس ناطے میں نے یہ بات کہی تھی۔

اس کے علاوہ کوئی شک و شبہہ ہو یا شکوہ و شکایت ہو تو ضرور عرض کیجئے گا۔

کبھی کبھار اشعار بھی آ جائیں تو کوئی مضائقہ نہیں۔

میں تو شمشاد بھائی کو دیکھ کر ایسا کر رہا تھا۔ اور تفسیر کو " تقصیر" لکھنے کی کیا ضرورت تھی ؟ میں نے آپ کوکب دکھ پہنچایا
چلیں جانے دیں۔

 

[شمشاد]

تفسیر بھائی انہوں نے تقصیر (ت ق ص ی ر) تو نہیں لکھا، تفصیر (ت ف ص ی ر) لکھا ہے۔ بس س کی جگہ ص لکھا گیا کہ شفٹ والی کنجی دبی رہ گئی ہو گی۔

 

[تفسیر]

شکریہ شمشاد بھائی

ابن سعید بھائی ۔ میری آنکھ جواب دے رہی ہیں

 

[ابن سعید]

اتنی لغزش تو ہر خاص و عام سے ہو جاتی ہے۔ میں تو پھر بھی حقیر و پر تقصیر ہوں

 

[تفسیر]

رحم و کرم ۔۔۔

 

[شمشاد]

آنکھوں کی خیر ہے، بس نظر برقرار رہنی چاہیے۔

 

[ابن سعید]

تو ظلم و ستم کون کر رہا ہے۔

 

[الف عین]

تفسیر کا تاریخ و جغرافیہ بھی آج کل الٹا ہو رہا ہے اس لئے ان سے بھی کچھ مزید صرف و نحو کی غلطیاں ممکن ہیں!1

 

[شمشاد]

میرے تو وہم و گمان بھی نہیں اور نوبت یہاں تک آ پہنچی۔

 

[ابن سعید]

نقد و تبصرہ اور ترمیم و اضافے کی ایک ٹیم تشکیل دے لینی چاہئے اس محفل میں۔

 

[شمشاد]

نغمہ و ساز کی محفل کے بارے میں کیا خیال ہے؟

 

[ابن سعید]

یوں تو تزئین و آرائش کا کام بھی کچھ احباب کو سونپ دینا چاہئے

 

[الف عین]

اردو محفل ہے تو شعر و شاعری کی ہونی چاہئے کہ نغمہ و ساز کی!!۔ تنقید و تحقیق ہو یا کتب و رسائل کی باتیں۔

 

[ابن سعید]

میں تو بھائی خود نہ ہوتے ہوئے بھی اہل دانش و بینش کا بڑا قدر دان ہوں

 

[سیدہ شگفتہ]

نباتات و جمادات