پانی

[ہما]

رو لیا پھوٹ کے سینے میں جلن اب کیوں ہے
آگ پگھلا کے نکا لا ہے یہ جلتا پانی

 

[شمشاد]

ضعف سے گریہ مبدّل بہ دمِ سرد ہوا
باور آیا ہمیں پانی کا ہوا ہو جانا
(چچا)

 

[ہما]

پتھر کے جگر والو! غم میں وہ روانی ہے
خود راہ بنا لے گا بہتا ہوا پانی ہے

 

[شمشاد]

آگ سے پانی میں بجھتے وقت اٹھتی ہے صدا
ہر کوئی در ماندگی میں نالے سے ناچار ہے
(چچا)

 

[نوید صادق]

پانی کی ایک بوند سی کھڑکی سے گر پڑی
اب کے کمال سایہء دیوار کر گیا

شاعر: بیدل حیدری

 

[شمشاد]

مجھ کو وہ دو کہ جسے کھا کے نہ پانی مانگوں
زہ۔۔ر کچھ اور س۔۔ہی، آبِ بق۔۔۔ا اور س۔۔۔۔۔۔ہی
(چچا)

 

[عیشل]

محسن غریب لوگ تو تنکوں کا ڈھیر ہیں
ملبے میں دب گئے،کبھی پانی میں بہہ گئے​

 

[شمشاد]

زمانہ دیکھ کر ہے دنگ اندازِ قمر نقوی
وہ سج دھج ہے کہ گویا آگ پانی میں لگانی ہے
(سرور)

 

[نوید صادق]

گر تیرے تشنہ کام کو دے خضر مرتے دم
پانی ہو خشک چشمہء آبِ حیات کا

شاعر: شیفتہ

 

[شمشاد]

میں اب بھی گرتے ہوئے پانیوں کی قید میں ہوں
اک آبشار میرے چار سو ابھی تک ہے
(فرحت عباس شاہ)

 

[نوید صادق]

پانی وضو کو لاؤ، رخِ شمع زرد ہے
مینا اٹھاؤ ، وقت اب آیا نماز کا

شاعر: شیفتہ

 

[شمشاد]

درد میں کوئی موسم پیارا نہیں ہوتا
دل ہو پیاسا تو پانی سے گزارہ نہیں ہوتا

 

[نوید صادق]

لکیریں پانی پہ کھینچتا ہوں

حیات کی شرح لکھ رہا ہوں

شاعر: صادق اندوری

 

[شمشاد]

اُسےجو دھوپ لئےدل کےگاؤں میں اترا
رہٹ سے،چاہَ ، کا پانی پلانے والی ہوں
(نیناں)

 

[نوید صادق]

تم بھی لکھنا تم نے اس شب کتنی بار پیا پانی
تم نے بھی تو چھجّے اوپر دیکھا ہوگا پورا چاند

شاعر: ندا فاضلی

 

[شمشاد]

دل کو اشکوں کی روانی سے نکالا جائے
ڈوبتے شخص کو پانی سے نکالا جائے

 

[نوید صادق]

میں کمینِ توبہ میں ہوں آپ ، لیکن کیا کروں
منہ میں بھر آتا ہے پانی جام و مینا دیکھ کر

شاعر: شیفتہ

 

[شمشاد]

تم تو ٹہرے رہے جھیل کے پانی کی طرح
دریا بنتے تو بہت دور نکل سکتے تھے

 

[نوید صادق]

لوگ کیا کیا نہ ہمیں کہتے تھے
ہم ہی پانی کی طرح بہتے تھے


شاعر: رام ریاض

 

[شمشاد]

پسِ نگاہ بہت آنسوؤں کا شور ہے رام
کسی جگہ تو یہ پانی ضرور مرنا ہے
(رام ریاض)