محمد تابش صدیقی
ٹھیک ہے جناب۔ جیسے آپ کی مرضی۔ بس کچھ سوالات کے جوابات واضح کر دیجیے تاکہ آئندہ ان کا خیال رکھ لیا کروں۔
- اگر فورم پر کوئی سخت اور تضحیک آمیز زبان کا استعمال کر رہا ہے تو کیا کسی مدیر کے علاوہ کسی کا اسے ٹوکنا درست سمجھا جائے گا یا غلط؟
- اگر کسی ایسے شخص کے متعلق بری زبان استعمال ہو رہی ہے جو فورم کا رکن نہیں ہے یا بری زبان استعمال کرنے والے کا براہ راست مخاطب نہیں ہے تو کیا ایسی زبان کو غلط سمجھا جائے گا یا نہیں؟
- کیا کسی ایسے شخص کو اعتراض کرنے کا حق ہو گا یا نہیں جس کے اپنے متعلق بری زبان استعمال نہیں کی گئی؟
- اگر کسی رکن کو مستقل، ہر کسی کے متعلق، تضحیک آمیز زبان استعمال کرنے کا عادی پایا گیا ہے تو کیا اس کو ٹوکنا، موضوع کو بدلنا تصور کیا جائے گا یا نہیں؟
- اگر وہی رکن پھر الٹا دوسروں پر ذاتی حملوں کا الزام لگائے تو کیا اس کو جھوٹا الزام اور فورم کے قواعد کے خلاف تصور کیا جائے گا یا نہیں؟
- اگر کوئی رکن ذاتی پیغامات میں "تنبیہات" دیتا ہے کہ اس کے جواب میں بحث کرنا آپ کی شخصیت کو نقصان پہنچا سکتا ہے تو کیا اسے دھمکی سمجھا جا سکتا ہے یا نہیں؟
- جب مدیران ایک گفتگو کا حوالہ دے کر اس پر تبصرہ کرتے ہیں تو کیا accountability کو ممکن بنانے کے لیے اس گفتگو کو باقی رکھنا چاہیے یا نہیں؟
شکریہ۔
محترم بھائی، کاش آپ میرے کمنٹس کو تحمل سے پڑھ کر یہ سمجھ جاتے کہ آپ دونوں کو مخاطب اس لیے کیا گیا کہ جب آپ دونوں عام انداز میں الفاظ میں طنز ملائے بغیر ایک دوسرے سے بات نہیں کر سکتے تو بہتر ہے کہ بات ہی نہ کریں۔ ورنہ ہر بات اسی طرح مزید تلخیوں میں ہی جائے گی۔
آپ کے جس مراسلے کی طرف میں نے اشارہ کیا، وہ کیوں ابھی تک موجود ہے؟
کیونکہ بظاہر اس میں کوئی قابلِ گرفت بات نہ تھی۔ مگر بالخصوص آپ دونوں کے تعلق میں جب پہلے بھی اسی طرح کے رویوں پر بات انتظامیہ تک آ چکی ہے تو ایسا لہجہ اپنانے سے گریز ضروری ہے۔ ورنہ اتظامیہ کا یہی کام رہ گیا ہے کہ آپ لوگوں کو رنگ میں بھیج کر 24 گھنٹے تماشہ دیکھتی رہے۔
جو مراسلے حذف ہوئے، وہ اسی لیے حذف ہوئے کہ ان میں نامناسب الفاظ کا استعمال تھا۔ اور ایسا کوئی بھی مراسلہ حذف ہونے کی صورت میں اس سے متعلقہ گفتگو بھی حذف کی جاتی ہے۔ یہ پہلی دفعہ نہیں ہوا۔
ایک دفعہ پھر بتا دوں کہ دونوں سے صرف درخواست کی ہے کہ بغیر طنز کے عمومی گفتگو کرنی ہے تو کیجیے، ورنہ پرہیز بہتر ہے۔
اگر کوئی بات غلط لگتی ہے یا فورم کے ضوابط کے منافی لگتی ہے تو اس کے لیے رپورٹ کا آپشن موجود ہے۔ منتظمین اور مدیران 24 گھنٹے ہر لڑی پر نظر نہیں رکھ سکتے۔ اور نہ ہی لڑی میں ٹیگ کر کے انتظامیہ کو کسی انتظامی امر کی جانب توجہ دلانا درست طریقہ ہے۔ رپورٹ کا فیچر اسی کام کے لیے ہے، تاکہ کوئی بھی مدیر جب متعلقہ رپورٹ دیکھے تو مناسب ایکشن لے۔
معذرت کے ساتھ وقت کی قلت اور کچھ صحت کے مسائل کی سبب ہر نکتہ پر الگ سے جواب نہ دے سکا۔ امید ہے کہ سمجھ پائیں گے۔
جزاک اللہ خیر
