پسندیدہ اقوال زرّیں، سنہری باتیں۔۔سید لبید غزنوی

[سید لبید غزنوی]

کسی معمولی نظر آنے والے انسان کی عزت کرنا آپ کی شرافت کا ثبوت ہے ۔کسی معمولی نظر آنے والے انسان کو ذلیل کرنا آپ کے پست ہونے کا ثبوت ہے ۔​

 

[سید عمران]

کیا یہ لڑی نری ون مین شو ہے۔۔۔
یا کوئی دیدہ و دانستہ دخل در معقولات نہیں کررہا؟؟؟

 

[سید لبید غزنوی]

جب عام آدمیوں کے قاتل نہ پکڑے جائیں تو خاص لوگوں کی ہلاکت کا سانحہ پیش آجاتاہے ۔اور جب خاص آدمیوں کے قاتل نہ پکڑے جائیں تو قوم کی ہلاکت کا سانحہ پیش آجاتاہے ۔​

 

[سید لبید غزنوی]

جب عام آدمیوں کے قاتل نہ پکڑے جائیں تو خاص لوگوں کی ہلاکت کا سانحہ پیش آجاتاہے ۔اور جب خاص آدمیوں کے قاتل نہ پکڑے جائیں تو قوم کی ہلاکت کا سانحہ پیش آجاتاہے ۔​

 

[سید لبید غزنوی]

زندگی کے سفر میں آنے والا اندھیرا غار کا نہیں سرنگ کا ہوتاہے جس کے اگلے سرے پر ہمیشہ روشنی ہوتی ہے مگر یہ بات حوصلے کے ساتھ چلتے رہنے والے ہی جان سکتے ہیں مایوس ہو کر بیٹھ جانے والے نہیں۔​

 

[سید لبید غزنوی]

کسی فرد یا کسی قوم کو ہلاک کرناہے تو اس کی امید کو مار ڈالیے۔ اور اگر اسے تعمیر کرنا ہے تو اس کی امید کو زندہ رکھیے۔​

 

[سید لبید غزنوی]

وہ آدمی نادان ہے جوماضی سے نہیں سیکھتا اور باربار پرانی غلطیاں دہراتا ہے مگر وہ آدمی زیادہ نادان ہے جو ماضی سے سیکھتاہے اور ہر دفعہ نئی غلطی کرتاہے ۔​

 

[سید لبید غزنوی]

زندگی کی دوڑ میں دوسروں سے آگے نکلنے کے لیے تیز چلنا ضروری نہیں بلکہ ہر رکاوٹ کے باوجود چلتے رہنا اور مسلسل چلتے رہناضروری ہے ۔​

 

[سید لبید غزنوی]

منفی انسان کو ہر موقع میں ایک مشکل نظر آتی ہے ۔مثبت انسان ہر مشکل میں ایک موقع دیکھتا ہے۔​

 

[سید لبید غزنوی]

آنے والا کل اس شخص کا ہوتاہے جو اس کے لیے تیاری آج کے دن سے شروع کردے۔​

 

[سید لبید غزنوی]

زندگی میں پیش آنے والے ناگوار حالات روزے دار کے ایک سخت دن کی طرح آخر کار گزر جاتے ہیں۔یہی رمضان کا اصل سبق ہے ۔​

 

[سید لبید غزنوی]

جن معاملات میں آپ کچھ نہیں سکتے ان کے لیے پریشان ہونا نادانی ہے ۔اور جن معاملات میں آپ کچھ کر سکتے ہیں ان کے لیے پریشان ہوتے رہنا زیادہ بڑی نادانی ہے ۔​

 

[سید لبید غزنوی]

لوگ اس لیے پریشان رہتے ہیں کہ ان کے مرنے کے بعد اولاد کا کیا ہو گا جبکہ لوگوں کو پریشان اس لیے ہونا چاہیے کہ اولاد کے مرنے کے بعد اولاد کا کیا ہوگا۔​

 

[سید لبید غزنوی]

اس دنیا میں سب کچھ کرنے کا وقت کسی کے پاس نہیں ہوتا لیکن اہم ترین کام کرنے کا وقت ہر ایک کو دیاگیا ہے ۔​

 

[سید لبید غزنوی]

جو وقت کو برباد کرتاہے وقت اسے برباد کردیتاہے ۔​

 

[سید لبید غزنوی]

خواب وہ نہیں ہوتے جو آپ نیند میں دیکھا کرتے ہیں بلکہ خواب وہ ہوتے ہیں جن کے لیے آپ نیند قربان کردیتے ہیں ۔​

 

[سید لبید غزنوی]

جب آپ کو ہر شخص سے شکایت ہونے لگے تو دیکھ لیجیے کہ خرابی کہیں آپ ہی کے اندر ہی تو نہیں۔​

 

[سید لبید غزنوی]

انسانوں کے آدھے مسائل عقل حل کرتی ہے باقی آدھے مسائل کا حل مضبوط شخصیت ہے جو مسائل کے ساتھ جینا سکھا دیتی ہے ۔​

 

[سید لبید غزنوی]

بس آپ امید کی شاہراہ کو اختیار کر لیجیے کامیابی کا راستہ اسی سے نکلتا ہے۔​

 

[سید لبید غزنوی]

آپ اس رائے کے زمہ دار نہیں جو لوگ آپ کے بارے میں قائم کرتے ہیں مگر اس رویے کے زمہ دارضرور ہیں جس کی بنا پر یہ رائے قائم کی جاتی ہے ۔​