پسند کے لفظ پر شاعری

[شمشاد]

لال ڈورے تری آنکھوں میں جو دیکھے تو کھُلا​

مئے گُل رنگ سے لبریز ہیں پیمانے دو
(سیاح)

 

[احمد علی]

کون ہے جس نے مئے نہیں چکھی کون جھوٹی قسم اُٹھاتا ہے؟
مئے کدے سے جو بچ نکلتا ہے تیری آنکھوں میں ڈوب جاتا ہے

 

[شمشاد]

اس جانِ مے کدہ کی قسم‘ بارہا جگر! ​

کل عالمِ بسیط پہ میں چھا کے پی گیا

(جگر مراد آبادی)​

 

[عمر سیف]

کتنی بےصبر ضرورت تھی کہ اس کے گھر کے لوگ
بیج آئے ہیں شجر کاٹ کے پھل سے پہلے​

 

[شمشاد]

سہمے ہوئے نکلے ہیں پرندے بھی میرے ساتھ
آندھی سے میرے گھر کا شجر ٹوٹ رہا ہے
(نامعلوم)

 

[عمر سیف]

پھر اس کی یاد میں دل بے قرار ہے ناصر
بچھڑ کے جس سے ہوئی شہر شہر رسوائی

 

[شمشاد]

پہلے پہل کا عشق ابھی یاد ہے فراز​

دل خود یہ چاہتا تھا کہ رسوائیاں بھی ہوں
(فراز)

 

[عمر سیف]

بھولے سے لکھ دیا تھا ترا نام جس جگہ
اب تک وہاں اُترتے ہیں خوشبو کے قافلے​

 

[شمشاد]

محبت ایک خوشبو ہے ہمیشہ ساتھ چلتی ہے​

کوئی انسان تنہائی میں بھی تنہا نہیں رہتا
(بشیر بدر)

 

[احمد علی]

انساں کے کسی رُوپ کی تحقیر نہ کرنا
پھرتا ہے زمانے میں خُدا بھیس بدل کر

 

[شمشاد]

اس دل کے جھروکے میں اک روپ کی رانی ہے​

اس روپ کی رانی کی تصویر بنانی ہے
(ابن انشاء)

 

[احمد علی]

تصویر بناؤں تو بگڑ جاتی ہے مُجھ سے
ایسا نہیں بننا مجھے ویسا نہیں بننا

 

[شمشاد]

ہمیں دکھاؤ زرد چہرا ، لیے یہ وحشت کی گرد چہرا
رہے گا تصویر درد چہرا جو روگ ایسے لگا کے بیٹھو
(ابن انشاء)

 

[احمد علی]

اس طرح کے لب کون تراشے گا دوبارہ؟
اس طرح کا چہرہ تو کسی کا نہیں بننا

 

[شمشاد]

یوں ہی سا اک چہرہ کہ دیکھا تھا سرسری​

اب کھل رہا ہے مجھ پہ کرامات کی طرح
(عباس تابش)

 

[احمد علی]

یوں تو سیّد بھی ہو، مرزا بھی ہو، افغان بھی ہو
تُم سبھی کُچھ ہو، بتاؤ تو مُسلمان بھی ہو؟

 

[شمشاد]

تيغ و تفنگ دست مسلماں ميں ہے کہاں ​

ہو بھي، تو دل ہيں موت کي لذت سے بے خبر
(علامہ)

 

[احمد علی]

دل ہی تو ہے نہ سنگ و خشت درد سے بھر نہ آئے کیوں
روئیں گے ہم ہزار بار کوئی ہمیں ستائے کیوں

 

[شمشاد]

بہزاد ہر ایک جام پہ ایکسجدہء مستی​

ہر ذرے کو سنگِ درِ جاناںنہ بنا دے
(بہزاد لکھنوی)

 

[محمد بلال اعظم]

واقعی علامہ اقبال کا شعر ہے ؟ تصدیق چاہئے

نہیں۔ علامہ اقبال رحمۃ اللہ علیہ کا تو نہیں ہے۔