پسند کے لفظ پر شاعری

[شمشاد]

مرے تن برہنہ دشمن، اسی غم میں گھل رہے ہیں​

کہ مرے بدن پہ سالم، یہ لباس ہے تو کیوں ہے​

(اعتبار ساجد)​

 

[احمد علی]

تیرے غم کو جاں کی تلاش تھی تیرے جاں نثار چلے گئے
تیری رہ میں کرتے تھے سر طلب، سرِ رہگزار چلے گئے

 

[شمشاد]

دودھ کی نہر نکالی ہے غموں سے ہم نے​

ہم بتا سکتے ہیں کیا کوہ کنی ہوتی ہے​

(عباس تابش)​

 

[احمد علی]

فطرت کے مقاصد کی کرتا ہے نگہبانی

یا بندہ صحرائی یا مرد کہستانی

 

[شمشاد]

میری فطرت کا مقصد ہے تغیّر آشنا رہنا​

نہ غم ہی مستقل میرا، نہ راحت دیرپا میری
(فیض احمد فیض)

 

[احمد علی]

اور بھی دکھ ہیں زمانے میں محبت کے سوا
راحتیں اور بھی ہیں وصل کی راحت کے سوا

 

[شمشاد]

شب وصل کي بےخودي چھارہي ہے​

کہوتو ستاروں کي شمعيں بجھاديں
(اختر شیرانی)

 

[احمد علی]

وہ فراق اور وہ وصال کہاں​

وہ شب و روز و ماہ و سال کہاں​

 

[شمشاد]

تا عمر قربتوں کو تو امکان ہی ناں تھا​

آنکھیں فراقِ یار کا غم کس لئے کریں
(اعتبار ساجد)

 

[احمد علی]

رُخِ یار پہ یہ زلفیں یوں بکھر رہی ہیں گویا
کبھی دن نکل رہا ہے کبھی شام ڈھل رہی ہے

 

[شمشاد]

چہرے پہ مرے زُلف کوپھیلاؤ کسی دن
کیا روز گرجتے ہو برس جاؤ کسی دن
(امجد اسلام امجد)

 

[احمد علی]

برسا بھی تو کس دشت کے بے فیض بدن پر​

اک عمر میرے کھیت تھے جس ابر کو ترسے​

 

[شمشاد]

ہائے یہ حُسنِ نظر، وائے یہ رعنائیِ فن​

ہم تو بھوکے ہیں، مگر کھیت ہے شاداب اپنا
(احمد ندیم قاسمی)

 

[احمد علی]

جس کھیت سے دہکاں کو میسر نہ ہو روزی​

اس کھیت کے ہر خوشۂِ گندم کو جلا دو​

 

[شمشاد]

دہقان تو مر کھپ گیا اب کس کو جگاؤں
ملتا ہے کہاں خوشہءگندم کہ جلاؤں
شاہین کا ہے گنبدِ شاہی پہ بسیرا
کنجشک فرومایہ کو اب کس سے لڑاؤں

اقبالؒ! تیرے دیس کا کیا حال سناؤں​

 

[احمد علی]

پرندوں کی دنیا کا درویش ہوں میں​

کہ شاہیں بناتا نہیں آشیا نہ​

 

[شمشاد]

کچھ دور نہیں ہے وہ زمانہ
بجلی ہوگی نہ آشیانہ
(ساغر نظامی)

 

[احمد علی]

شاید کہ زمانہ اُنھیں پُوجنے لگے
کُچھ لوگ اس خیال سے پتھر کے ہو گئے

 

[شمشاد]

کیا منزلت ہے اپنی سرِ آستانِ دوست
جیسے ہو راہ میں کوئی پتھر پڑا ہوا
(حزیں صدیقی)

 

[احمد علی]

جب سے چلا ہوں میری منزل پہ نظر ہے
آنکھوں نے کبھی میل کا پتھر نہیں دیکھا