چِڑچِڑے اشعار :)

[محمد عبدالرؤوف]

ماروگے کس کو جی سے کس پر کمر کسی ہے
پھرتے ہو کیوں پیارے تلوار ڈھال باندھے
اس سے بھلا کون یاد آیا؀
روفی بھیا

کوئی یاد نہیں آ رہا آپا

 

[محمد عبدالرؤوف]

دل جو ہے آگ لگا دوں اس کو
اور پھر خود ہی ہوا دوں اس کو

تجھ گماں پر جو عمارت کی تھی
سوچتا ہوں کہ میں ڈھا دوں اس کو

جون ایلیا

 

[علی وقار]

اچھا ! یہ کیفیات بھی بسا اوقات آپس میں بہت الجھی ہوئی ہوتی ہیں۔ اداسی، پریشانی، چڑاچڑاپن۔ اور کبھی ہم جس کو ایک کیفیت سمجھ رہے ہوتے ہیں، وہ دوسری ہوتی ہے۔ یا کئی کیفیات کا شیک۔

ایجی ٹیشن شیک، یومیہ، ایک گلاس۔دائمی چڑچڑے پن کے لیے باقاعدگی سے استعمال کریں۔

 

[عامر گولڑوی]

پڑا فلک کو ابھی دل جلوں سے کام نہیں
جلا کہ راکھ نہ کر دوں تو داغ نام نہیں
داغ دہلوی

 

[فرخ منظور]

وہ تجھے بھول گئے، تجھ پہ بھی لازم ہے امیر
خاک ڈال ، آگ لگا، نام نہ لے، یاد نہ کر
امیر مینائی

 

[جاسمن]

تلخ لہجہ ہے، چڑچڑا پن ہے
دل کی دنیا پہ چھا گیا آٹا

کل پہ رکھتے ہیں پیار کی باتیں
آج چلتے ہیں، آ گیا آٹا

چار لقمے ہی توڑے تھے عابی
میرا بچپن ہی کھا گیا آٹا
عابی مکھنوی

 

[جاسمن]

گو ہم سے تم ملے نہ تو ہم بھی نہ مر گئے
کہنے کو رہ گیا یہ سخن دن گزر گئے

 

[جاسمن]

عہد کیے جاؤں ہوں اب کی آخر مجھ کو غیرت ہے
جو بھی منانے آوےگا تو ساتھ نہ تیرے جاؤں گا
میر

 

[عامر گولڑوی]

تردامنی پہ شیخ ہماری نہ جائیو
دامن نچوڑ دیں تو فرشتے وضو کریں

 

[عامر گولڑوی]

کیا حسن نے سمجھا ہے کیا عشق نے جانا ہے
ہم خاک نشینوں کی ٹھوکر میں زمانہ ہے

جگر مرادآبادی

 

[فرخ منظور]

کیا حسن نے سمجھا ہے کیا عشق نے جانا ہے
ہم خاک نشینوں کی ٹھوکر میں زمانہ ہے

جگر مرادآبادی

تعلی اور چڑچڑے پن میں زمین آسمان کا فرق ہے۔

 

[علی وقار]

چچا غالب

دل ہی تو ہے نہ سنگ و خشت درد سے بھر نہ آئے کیوں
روئیں گے ہم ہزار بار ۔۔۔۔۔۔ کوئی ہمیں ستائے کیوں !

 

[سید عاطف علی]

تہذیب نو کے منہ پہ وہ تھپڑ رسید کر
جو اس ح۔م ز۔ی کا حلیہ بگاڑ دے
مولانا ظفر علی خان

 

[علی وقار]

تہذیب نو کے منہ پہ وہ تھپڑ رسید کر
جو اس ح۔م ز۔ٰی کا حلیہ بگاڑ دے
مولانا ظفر علی خان

یعنی کہ، خالی جگہ ہم خود پُر کر لیں۔

 

[سید عاطف علی]

یعنی کہ، خالی جگہ ہم خود پُر کر لیں۔

اشارے اسی لیے تو دیئے ہیں۔امید ہے کافی ثابت ہوں گے۔

 

[علی وقار]

اشارے اسی لیے تو دیئے ہیں۔امید ہے کافی ثابت ہوں گے۔

کیا آپ ہمیں بدذوق سمجھتے ہیں؟ کافی ہیں قبلہ۔

 

[فرخ منظور]

کیا آپ ہمیں بدذوق سمجھتے ہیں؟ کافی ہیں قبلہ۔

کیا اعلیٰ ذوق پایا ہے۔

 

[محمداحمد]

تہذیب نو کے منہ پہ وہ تھپڑ رسید کر
جو اس ح۔م ز۔ی کا حلیہ بگاڑ دے
مولانا ظفر علی خان

اچھا شعر ہے۔
کسی نے ریٹنگ نہیں دی۔

 

[فرخ منظور]

اچھا شعر ہے۔
کسی نے ریٹنگ نہیں دی۔

میرا خیال ہے ظفر علی خان اور شاید عاطف بھائی کی ذاتی رائے ہے۔

 

[فرخ منظور]

دل جو ہے آگ لگا دوں اس کو
اور پھر خود ہی ہوا دوں اس کو

تجھ گماں پر جو عمارت کی تھی
سوچتا ہوں کہ میں ڈھا دوں اس کو

جون ایلیا

ویسے جون ایلیا کی نوے فیصد شاعری چڑچڑی ہی ہے۔