الحمدللہ
یوں تو گرو گرنتھ صاحب گورمکھی رسم الخط میں لکھا گیا ہے اور اس کے مذہب کے ماننے والے اس رسم الخط میں پڑھتے ہیں لیکن تقسیم پنجاب سے پہلے اس کے بہت سے حصوں (مثلاّ جپ جی کا) کا اردو ترجمہ بھی کیا گیا تھا۔ پرانے فارسی رسم الخط میں بھی پورا گرو گرنتھ صاحب لدھیانہ سے شائع کیا گیا تھا جو کچھ سال پہلے تک دستیاب تھا۔(چند سال پیشتر مکمل کلام نانک مع معنی اور تفسیر لاہور سے شائع ہوا اور دستیاب ہے۔)
فارسی اُس دور کی علمی و ادبی زبان تھی اور ہر صاحبِ علم فارسی کا عالم بھی ہوتا تھا۔ سکھوں کے دسویں اور آخری گرو، گرو گوبند سنگھ صاحب نے اورنگ زیب عالمگیر کو ایک خط لکھا تھا "ظفر نامہ" یہ منظوم فارسی میں ہے یعنی شاعری ہے۔ سکھوں کے مذہبی لٹریچر میں اس ظفر نامہ کا بھی خاص مقام ہے اور اس کو کماحقہ سمجھنے کے لیے سکھ عالم اب بھی فارسی سیکھتے ہیں۔
گرنتھ صاحب تو مغلوں کے لیے نہیں لکھی گئی تھی؟ فارسی تو اُس میں بھی ہے۔ درست ہے کہ فارسی اس وقت سرکاری دفتری زبان تھی لیکن علم و ادب کی زبان بھی تھی، یہ جو اتنے ہندو اور سکھ فارسی گو شاعر گذرے ہیں وہ صرف بادشاہوں کو سنانے کے لیے نہیں لکھتے تھے۔
