کلاسیکی شعرا کے کلام سے انتخاب

[فرخ منظور]

ہو گیا نامۂ شوق اُن کو سب ازبر میرا
کھا گئے ذبح جو وہ کر کے کبوتر میرا

(استاد ابراہیم ذوقؔ)​

 

[فرخ منظور]

شبِ ہجراں بسر نہیں ہوتی
نہیں ہوتی، سحر نہیں ہوتی

(ذوقؔ)​

 

[چودھری مصطفی]

تصوّر ہر نفس ہے پیشِ چشم اس روئے روشن کا
نگہباں برق کو میں نے کیا ہے اپنے خرمن کا

(آتش)

کیا یہ پوری غزل مل سکتی ہے

 

[فرخ منظور]

کسی نے مول نہ پوچھا دلِ شکستہ کا
کوئی خرید کے ٹوٹا پیالہ کیا کرتا
(آتشؔ)

 

[فرخ منظور]

کیا یہ پوری غزل مل سکتی ہے

معذرت اب یاد نہیں کہ یہ شعر کہاں سے انتخاب کیا تھا۔ کلیات میں ایک نظر ڈالنے سے یہ غزل مجھے نہیں مل سکی۔ شاید میاں حسان خان آپ کی مدد کر سکیںِ

 

[حسان خان]

معذرت اب یاد نہیں کہ یہ شعر کہاں سے انتخاب کیا تھا۔ کلیات میں ایک نظر ڈالنے سے یہ غزل مجھے نہیں مل سکی۔ شاید میاں حسان خان آپ کی مدد کر سکیںِ

مجھے بھی تلاش کے باوجود یہ غزل کلیاتِ آتش میں نہ مل سکی۔

 

[فرخ منظور]

باقی ہے شیخ کو ابھی حسرت گناہ کی
کالا کرے گا منہ بھی، جو داڑھی سیاہ کی
(شیخ ابراہیم ذوقؔ)​

 

[سید عاطف علی]

جب آپ روٹھتے ہیں تو مشکل سے منتے ہیں
اچھا سوار ہو جئے ، ہم اونٹ بنتے ہیں
شاہ نصیر(شاید)

 

[ظہیراحمدظہیر]

جب آپ روٹھتے ہیں تو مشکل سے منتے ہیں
اچھا سوار ہو جئے ، ہم اونٹ بنتے ہیں
شاہ نصیر(شاید)

عاطف بھائی ۔ اگر یادداشت دھوکہ نہیں دے رہی تو یہ ایک مرثیے کا شعر ہے اور شاید انیس یا دبیر میں سے کسی کا ہے ۔ یہ شعر اُس واقعہ کی طرف اشارہ کرتا ہے جو بقول شاعر ننھے منھے حسین رضی اللہ عنہ اور رسول اللہ صلی اللہ علیہ وسلم کے درمیان ہوا ۔ اور بقول شاعر یہ کلام آنحضرت کی طرف سے حسین کے لئے ہے کہ جب وہ ان کو اپنی پیٹھ پر سواری کرارہے تھے ۔ اگر کسی دوست کے علم میں ہو تو اس کی توثیق یا تصحیح کردے۔

 

[سید عاطف علی]

عاطف بھائی ۔ اگر یادداشت دھوکہ نہیں دے رہی تو یہ ایک مرثیے کا شعر ہے اور شاید انیس یا دبیر میں سے کسی کا ہے ۔ یہ شعر اُس واقعہ کی طرف اشارہ کرتا ہے جو بقول شاعر ننھے منھے حسین رضی اللہ عنہ اور رسول اللہ صلی اللہ علیہ وسلم کے درمیان ہوا ۔ اور بقول شاعر یہ کلام آنحضرت کی طرف سے حسین کے لئے ہے کہ جب وہ ان کو اپنی پیٹھ پر سواری کرارہے تھے ۔ اگر کسی دوست کے علم میں ہو تو اس کی توثیق یا تصحیح کردے۔

مجھے یاد پڑتا ہے کہ آزاد کی آب حیات میں پڑھا تھا ۔ اچھی طرح البتہ یاد نہیں ۔

 

[فرخ منظور]

قصۂ شوق کہوں، درد کا افسانہ کہوں
دل ہو قابو میں تو اس شوخ سے کیا کیا نہ کہوں

خود ہے اقرار انہیں اپنی ستمگاری کا
پھر بھی اصرار ہے مجھ سے کہ میں ایسا نہ کہوں

آپ بیٹھیں تو سہی آ کے مرے پاس کبھی
کہ میں فرصت میں حدیثِ دلِ دیوانہ کہوں

(حسرت موہانی)​

 

[میاں وقاص]

نہ ملیں، گرچہ ہجر میں مر جائیں
عاشقوں کا وصال ہے کچھ اور
__
میر

 

[میاں وقاص]

ہے تن میں ریشہ ہائے نئے خشک استخواں

کیوں کھینچتا ہے کانٹوں میں اے ضعفِ تن مجھے
شیخ ابراہیم ذوق

 

[میاں وقاص]

‏اے دل تمام نفع ہے سوداے عشق میں
اک جان کا زیاں ہے، سو ایسا زیاں نہیں
مفتی صدرالدین آزردہ

 

[میاں وقاص]

‏کیوں پٹکتا ہے سر سنگ سے جی جلا ڈھنگ سے...
دل ہی بن جائے گا خود صنم صبر کر صبر کر
― ناصر کاظمی

 

[فرخ منظور]

‏کیوں پٹکتا ہے سر سنگ سے جی جلا ڈھنگ سے...
دل ہی بن جائے گا خود صنم صبر کر صبر کر
― ناصر کاظمی

ناصر کاظمی جدید شاعر ہیں۔ کلاسیکی شعرا کے زمرے میں نہیں آتے۔

 

[فرخ منظور]

گردُوں کو آنکھ اُٹھا کے نہیں دیکھتے ہیں ہم
اِس جامِ بے شراب کی مٹی خراب ہے
(اسِیرؔ)​

 

[فرخ منظور]

شبہ ناسخؔ نہیں کچھ میر کی استادی میں
آپ بے بہرہ ہے جو معتقدِ میر نہیں​

(شیخ امام بخش ناسخؔ)​

 

[سید عاطف علی]

ناخن نہ دے خدا تجھے اے پنجہء جنوں
دے گا تمام عقل کے بخیے ادھیڑ تو۔
شیخ ابراہیم ذوق

 

[محمد ریحان قریشی]

زمانے کو بهلا سودا کوئی کس طرح پہچانے
کہ اس ظالم کی کچه سے کچه ہے ہر اک آن میں صورت