کلاسیکی شعرا کے کلام سے انتخاب
- صاحب لڑی فرخ منظور
- تاریخ ابتداء
-
- ٹیگ
- مصحفی میر تقی میر
فرخ منظور
لائبریرین
دل کریگا نہ خیالِ رُخِ جاناں خالی
کبھی اس گھر کو نہ چھوڑے گا یہ مہماں خالی
روز و شب لاکھوں ہی ارمان بھرے رہتے ہیں
حسرتوں سے نہیں ہوتا دلِ ناداں خالی
باغ میں دیکھ کے تیرے رُخِ رنگیں کی بہار
ہوگئے رنگ سے گُلہائے گلستاں خالی
وصل کا روز میسر نہیں ہوتاآبادؔ
گھر ہمارا نہیں کرتی شبِ ہجراں خالی
( آبادؔ لکھنوی)
کبھی اس گھر کو نہ چھوڑے گا یہ مہماں خالی
روز و شب لاکھوں ہی ارمان بھرے رہتے ہیں
حسرتوں سے نہیں ہوتا دلِ ناداں خالی
باغ میں دیکھ کے تیرے رُخِ رنگیں کی بہار
ہوگئے رنگ سے گُلہائے گلستاں خالی
وصل کا روز میسر نہیں ہوتاآبادؔ
گھر ہمارا نہیں کرتی شبِ ہجراں خالی
( آبادؔ لکھنوی)
ادب دوست
معطل
فرخ منظور
لائبریرین
لاتا ہے کوئے دوست میں مجھ کو ہزار بار
سچ پوچھیے تو دل بھی عجب حیلہ ساز ہے
واعظ سے اتنا سنتے ہی کیا خوش ہوئے ہیں رند
جب تک کھلی ہے آنکھ، درِ توبہ باز ہے
ہم مر گئے مگر نہ ملا اس کا کچھ پتا
گیسوئے دوست یا شبِ فرقت دراز ہے
محشرؔ وداعِ صبر کا ہنگام آ گیا
وہ شوخ آج کھینچے ہوئے تیغِ ناز ہے
(محشرؔ لکھنوی)
سچ پوچھیے تو دل بھی عجب حیلہ ساز ہے
واعظ سے اتنا سنتے ہی کیا خوش ہوئے ہیں رند
جب تک کھلی ہے آنکھ، درِ توبہ باز ہے
ہم مر گئے مگر نہ ملا اس کا کچھ پتا
گیسوئے دوست یا شبِ فرقت دراز ہے
محشرؔ وداعِ صبر کا ہنگام آ گیا
وہ شوخ آج کھینچے ہوئے تیغِ ناز ہے
(محشرؔ لکھنوی)
ادب دوست
معطل
فرخ منظور
لائبریرین
قطعہ
مے کدے میں وہ بتِ بدمست اے پیرِ مغاں
گردشِ چشم اپنی دکھلانے کبھو گر آئے گا
دیکھنا کیا ہو گی کیفیت کہ زیرِ پائے خُم
شیشہ لَوٹے گا پڑا، چکّر میں ساغر آئے گا
بے طرح دل پنجۂ مژگانِ چشمِ یار میں
جا پھنسا ہے دیکھیے کیوں کر تڑپ کر آئے گا
جان تب آوے گی اپنی جانِ محزوں میں کہ جب
چُنگلِ شہباز سے چھُٹ کر کبوتر آئے گا
(شاہ نصیرؔ)
مے کدے میں وہ بتِ بدمست اے پیرِ مغاں
گردشِ چشم اپنی دکھلانے کبھو گر آئے گا
دیکھنا کیا ہو گی کیفیت کہ زیرِ پائے خُم
شیشہ لَوٹے گا پڑا، چکّر میں ساغر آئے گا
بے طرح دل پنجۂ مژگانِ چشمِ یار میں
جا پھنسا ہے دیکھیے کیوں کر تڑپ کر آئے گا
جان تب آوے گی اپنی جانِ محزوں میں کہ جب
چُنگلِ شہباز سے چھُٹ کر کبوتر آئے گا
(شاہ نصیرؔ)
فرخ منظور
لائبریرین
میرے کوچے میں عدو مضطر و ناشاد رہا
شب خدا جانے کہاں وہ ستم ایجاد رہا
اُس روانی سے ذرا خنجرِ بے داد رہا
بارے اِک دم اثرِ نالہ و فریاد رہا
بے کسی نے نہ دیا ہائے تہِ خاک بھی چین
تا قیامت المِ گریۂ جلّاد رہا
نقدِ جاں تھا نہ سزائے دیت، عاشق حیف
خونِ فرہاد سرِ گردنِ فرہاد رہا
لذتِ جور سے دم لینے کی فرصت نہ رہی
کیا اثر منتظرِ دعوتِ فرہاد رہا
(حکیم مومن خان مومنؔ)
شب خدا جانے کہاں وہ ستم ایجاد رہا
اُس روانی سے ذرا خنجرِ بے داد رہا
بارے اِک دم اثرِ نالہ و فریاد رہا
بے کسی نے نہ دیا ہائے تہِ خاک بھی چین
تا قیامت المِ گریۂ جلّاد رہا
نقدِ جاں تھا نہ سزائے دیت، عاشق حیف
خونِ فرہاد سرِ گردنِ فرہاد رہا
لذتِ جور سے دم لینے کی فرصت نہ رہی
کیا اثر منتظرِ دعوتِ فرہاد رہا
(حکیم مومن خان مومنؔ)