گُلِ یاسمیں
لائبریرین
السلام علیکم
ذہانت لئے ہوئے ذہین لوگ بکھرے پڑے ہیں اس محفل میں۔ تو کیوں نا تھوڑا ہلا گلا ہو جائے۔ اور کھیل کھیل میں ہی سب سے ذہین بندے کو کھوجا جائے۔ کسی کو کچھ زیادہ مشقت نہیں کرنی۔ بس ہم ہلکے پھلکے سے سوال دیتے جائیں گے، آپ جلدی جلدی جواب دیتے جائیے گا اور اپنا رپورٹ کارڈ بھرتے جائیے گا۔
آپ سوچ رہے ہوں گے کہ سوال کیسے ہوں گے۔۔۔ ہر گز ہر گز مشکل نہیں ہوں گے۔ جیسے کہ ہم پوچھیں
پانچ رنگوں کے نام بتا دیجئیے۔
تو جو سب سے پہلے مراسلہ میں نام لکھے گا،اور جواب درست ہو گا، اسے محمد عبدالرؤوف بھائی کی طرف سے 5 نمبر مل جائیں گے۔ نہیں نا مشکل سوال؟ بس جواب دینے میں جلدی کرنی ہے۔ تدوین کی بالکل اجازت نہیں ہے۔
کسی سوال میں کوئی محاورہ بھی دیا جا سکتا ہے جس کی وضاحت کرنی ہو گی۔
بس اس طرح کے چھوٹے چھوٹے سوال۔۔ کچھ اوٹ پٹانگ والے بھی ہو سکتے ہیں ۔
سوال ہر بار جب گھڑی کی بڑے سوئی 12 کے ہندسے پہ پہنچے گی، نیا سوال آ جائے گا۔
پاکستان کے وقت کے مطابق صبح کے نو سے لے کر رات بارہ بجے تک یہ سلسلہ چلتا رہے گا۔
یوں تو ہر سوال میں سب سے پہلا درست جواب ہی 5 نمبر حاصل کر پائے گا۔ لیکن کبھی کوئی سوال ایسا بھی ہو گا، جس میں پہلے جواب پر 5، دوسرے پر 3 اور تیسرے پر 2 نمبر دئیے جائیں گے۔
محفلین میں سے اگر کوئی مدد کے لئے ساتھ ہونا چاہے تو خوش آمدید۔ اس گیم میں روؤف بھائی ہمارے ساتھ ہیں۔
فی الحال ججز میں سید عاطف علی بھائی اور عثمان بھائی ہیں۔ ایک نام مزید شامل کیا جائے گا جن کی "ہاں" کا انتظار ہے۔
اس لڑی میں صرف گیم کھیلی جائے گی۔ تبصرہ جو بھی کھیل کے بارے میں ہو گا۔۔ نیچے والے ربط میں ہو گا۔
آخری تدوین:
