کون ہے جو محفل میں‌آیا 9

[عمار ابن ضیا]

فعال رکن۔۔۔۔۔۔ یعنی کہ ہم۔۔۔۔۔
سلامِ مسنون۔۔۔۔
ابھی دوسرا کوئی ایسا رکن موجود نہیں جو یہاں کا چکر لگائے۔۔۔ ہاں شاید عادل منہاج آجائیں!

 

[محمد وارث]

السلام علیکم

عمار صاحب، عادل صاحب تو نہیں آئے، ہاں یہ غیر فعال رکن حاضر ہوگیا۔

 

[عمار ابن ضیا]

وعلیکم السلام۔۔۔ آپ اور غیر فعال رکن؟؟؟ اگر ایسا ہے تو پھر ہمارا شمار غائب ارکان میں سے ہوگا؟؟؟
کوئی نیا کلام تو پیش کریں!

 

[محمد وارث]

شکریہ عمار بھائی

کلام والی بات آپ نے میرے منہ سے چھین لی، میں بھی آپ سے یہی کہنے والا تھا۔

آمد آج کل قطعاً بند ہے، ایک مصرع کچھ دن پہلے ذہن میں آیا تھا لیکن منحوس سمجھ کے چھوڑ دیا ہے۔

 

[عمار ابن ضیا]

بس۔۔۔ کچھ یہی حال میرا بھی ہے۔۔۔ ایک آدھ مصرع سے آگے نہیں بڑھ پاتا اور پھر تنگ آکر چھوڑ دیتا ہوں۔۔۔!
دعا کریں!

 

[محمد وارث]

ضرور، آپ کوشش جاری رکھیں۔

 

[عمار ابن ضیا]

السلام علیکم پاکستانی بھائی! کیسے مزاج ہیں؟

(وارث بھائی! ذہن میں کوئی مصرع ہو تو بتایئے گا۔۔۔۔)

 

[محمد وارث]

مصرع تو ہے عمار بھائی، وہی منحوس

یہ موت کی آہٹ ہے کہ دل میرے کی دھڑکن

 

[فاتح]

السلام علیکم!
کیسے مزاج ہیں وارث اور عمار صاحبان؟

 

[عمار ابن ضیا]

واہ واہ! بہت خوب۔۔۔۔! واقعی یہ پہلا مصرع ہی اتنے اعلیٰ پائے کا ہے کہ آگے کیا لکھا جائے۔۔۔۔۔۔
سوچتا ہوں میں۔۔۔۔

 

[محمد وارث]

وعلیکم السلام فاتح صاحب۔

اللہ کا شکر ہے، امید ہے آپ کے مزاج بھی بخیر ہونگے۔

 

[فاتح]

الحمد اللہ! کرم ہے مالک کا۔
آج پاکستان میں تو چھٹی کا دن نہیں ہے شاید
آپ کا مصرع پڑھ کر ایک مصرع ذہن میں آیا ہے اگر پسند ہو تو تحفۃً آپ کی نذر:

یہ موت کی آہٹ ہے کہ دل میرے کی دھڑکن
خاموشی میں اک شور قیامت کا بپا ہے​

 

[محمد وارث]

شکریہ فاتح صاحب، بہت شکریہ آپ کے تحفے کا، زہے عز و شرف

پاکستان میں آج چھٹی نہیں ہے، لیکن مجھے چھٹی پر ہی سمجھیں، بیمار ہوں، نمونیا بھگت رہا ہوں۔

 

[فاتح]

وارث صاحب! اللہ تعالیٰ جلد از جلد آپ کو صحت کاملہ و عاجلہ عطا فرمائے۔ آمین!
نمونیا میں آرام بہت فائدہ مند ہوتا ہے اور کمپیوٹر اگر بستر کے ساتھ رکھا ہے اور کسی غیر آرام دہ حالت میں اسے استعمال نہیں کر رہے تب تو ٹھیک ہے لیکن اگر کرسی پر بیٹھ کر اسے استعمال کر رہے ہیں تب چند روز کے لیے میرا مشورہ ہے کہ اس سے گریز ہی کریں۔
اور کسی کتاب کا مطالعہ کر لیں، وہ آرام اور صحتیابی کے لحاظ سے سود مند ثابت ہو گا۔

اللہ تعالیٰ آپ کو "ٹھیک" یعنی "ٹھیک ٹھاک" کر دے۔ آمین!

 

[محمد وارث]

شکریہ فاتح صاحب، آپ کی نیک تمناؤ٘ں کیلیے۔

 

[شمشاد]

میری حاضری لگا لیں، بس اتنی ہی دیر کو آیا تھا،

پھر ملاقات ہو گی۔

 

[فاتح]

حاضری ہو گئی جناب!
اور میں بھی چلا۔ اب انشاء اللہ بعد از نماز جمعہ ملاقات ہو گی سب سے۔
اللہ حافظ!

 

[شمشاد]

دعاؤں میں یاد رکھیئے گا۔

 

[الف عین]

کیا اب تک جمعے کی نماز نہیں ہوئی؟؟ اب تک یہں کسی نے کلک رنجہ نہیں فرمایا؟
ماسوا شمشاد کے۔ اس لئے اب پھر شمشاد۔۔

 

[شمشاد]

اعجاز بھائی میں بھی ابھی تھوڑی دیر پہلے ادھر جھانک کر چلا گیا تھا کہ ادھر تو آیا ہی کوئی نہیں۔

یہ سب کے سب آج کدھر رہ گئے؟