ہجائی ترتیب کے مطابق بیت بازی (صرف مرزا اسد اللہ خان غالب کے اشعار)

[محمد خلیل الرحمٰن]

صد جلوہ رُو برُو ہے جو مژگاں اُٹھائیے
طاقت کہا ں کہ دید کا احساں اُٹھائیے

 

[شمشاد]

ضعف مشغول ہے بیکار بہ سعئ بیجا​

کرچکا جوشِ جنوں اب تو اشارہ ہم کو

 

[محمد اسامہ سَرسَری]

ہماری دانست میں تو حضرت غالب 'ث ' سے کوئی شعر نہیں کہے ہیں

سب سے معذرت کے ساتھ، اگرچہ باری ”ط“ کی ہے۔ مگر ”ث“ چھوٹ گیا تھا۔

ثابت ہوا ہے گردنِ مینا پہ خونِ خلق​

لرزے ہے موجِ مے تری رفتار دیکھ کر​

 

[محمد اسامہ سَرسَری]

طاؤس در رکاب ہے ہر ذرّہ آہ کا
یا رب نفس غبار ہے کس جلوہ گاہ کا؟

 

[محمد خلیل الرحمٰن]

ظلمت کدے میں میرے شبِ غم کا جوش ہے
اِک شمع ہے دلیلِ سحر سو خموش ہے

 

[محمد اسامہ سَرسَری]

علاوہ عید کے ملتی ہے اور دن بھی شراب
گدائے کوچہ مے خانہ نامراد نہیں

 

[مہ جبین]

غم اگرچہ جاں گسل ہے پہ بچیں کہاں کہ دل ہے
غمِ عشق گر نہ ہوتا غمِ روز گار ہوتا

 

[محمد اسامہ سَرسَری]

فوج کی گرد راہ مشک فشاں
رہروؤں کے مشام عطر آگیں

 

[شمشاد]

قاصد کے آتے آتے خط اک اور لکھ رکھوں​

میں جانتا ہوں جو وہ لکھیں گے جواب میں

 

[محمد اسامہ سَرسَری]

کوئی دن گر زندگانی اور ہے
اپنے جی میں ہم نے ٹھانی اور ہے

 

[شاہ بخاری]

گھات میں تھا قتل کی وہ اور اسے سمجھے بغیر
لا ابالی ، بے خبر، نا مہرباں کہتا تھا میں

 

[شمشاد]

لو، وہ بھی کہتے ہیں کہ ’یہ بے ننگ و نام ہے‘​

یہ جانتا اگر، تو لُٹاتا نہ گھر کو مَیں
(چچا)

 

[محمد اسامہ سَرسَری]

مرا شمول ہر اک دل کے پیچ و تاب میں ہے
میں مدعا ہوں تپش نامۂ تمنا کا

 

[شمشاد]

نالہ جُز حسنِ طلب، اے ستم ایجاد نہیں​

ہے تقاضائے جفا، شکوۂ بیداد نہیں
(چچا)

 

[محمد اسامہ سَرسَری]

وعدۂ سیر گلستان ہے خوشا طالع شوق
مژدۂ قتل مقدر ہے جو مذکور نہیں

 

[مہ جبین]

ہے مجھ کو تجھ سے تذکرہء غیر کا گِلہ
ہر چند برسبیلِ شکایت ہی کیوں نہ ہو

 

[الف عین]

یاد تھیں ہم کو بھی رنگا رنگ بزم آرائیاں
وہ بھی اب نقش و نگار طاق نسیاں ہو گئیں

 

[مہ جبین]

ابھی ہم قتل گاہ کا دیکھنا آساں سمجھتے ہیں
نہیں دیکھا شناور جوئے خوں میں تیرے توسن کو

 

[سید شہزاد ناصر]

بوئے گُل نالہِ دل دودِ چراغ محفل
جو تری بزم سے نکلا سو پریشاں نکلا

 

[شمشاد]

پوچھ مت رسوائیِ اندازِ استغنائے حسن
دست مرہونِ حنا، رخسار رہنِ غازہ تھا