"یاد" کے موضوع پر اشعار!

[ہما]

ہے دعا یاد مگر حرفِ دعا یاد نہیں
میرے نغمات کو انداز ِ نوا یاد نہیں

 

[شمشاد]

یادوں کے سہارے ہی زندہ ہے دل ویراں
یادوں سے ادھر کیا ہے؟اک شہر خموشاں ہے
(سرور)

 

[عمر سیف]

ہجر کی اک لمبی منزل کو جانےوالا ہوں
اپنی یادوں کے کچھ سائے میرے ساتھ کر دو

 

[نوید صادق]

ہوں وہ خود رفتہ کہ کب جانے کہاں دل کھویا
یاد آتا ہے تو اتنا کہ نہیں یاد مجھے

شاعر: سالک

 

[عمر سیف]

روٹھا تھا جس غرور سے وہ بھی تو یاد کر
آنکھوں میں تیری آج نہ آنسو فضول ہیں

 

[نوید صادق]

یاد کرنا ہر گھڑی تجھ یار کا
ہے وظیفہ مجھ دلِ بیمار کا

شاعر: ولی

 

[عمر سیف]

اس طرح دل کے زرد آنگن میں
تیری یادوں کے داغ جلتے ہیں
جیسے آندھی میں ٹوٹی قبروں پر
سہمے سہمے چراغ جلتے ہیں۔

 

[نوید صادق]

جس روز کسی اور پہ بیداد کرو گے
یہ یاد رہے ہم کو بہت یاد کرو گے

شاعر: سودا

 

[شمشاد]

یادوں کے سہارے ہی زندہ ہے دل ویراں
یادوں سے ادھر کیا ہے؟اک شہر خموشاں ہے
(سرور)

 

[نوید صادق]

بھولا اگر، تو بھول گیا سب غمِ حیات
یاد آئی تو ہر ایک جفا یاد آ گئی

شاعر: رام ریاض

 

[شمشاد]

آئی بھی اگر یاد تو ڈرتی ہوئی آئی
ایسا تو کبھی موسمِ ہجراں نہیں دیکھا
(سرور)

 

[عمر سیف]

سینے میں خنجر کی نوک چبھوتی ہیں
کچھ یادیں بھی کتنی ظالم ہوتی ہیں
بچپن میں یہ بات مجھے معلوم نہ تھی
میں جب ہنستا ہوں، یہ آنکھیں روتی ہیں

 

[شمشاد]

وہ صبحِ امید اور یہ راتوں کی سیاہی
انجام پہ یاد آگئیں آغاز کی باتیں
(سرور)

 

[عیشل]

میں کیوں نہ پھروں تپتی دوپہروں میں ہراساں
پھرتی ہیں تصّور میں کھلے سر تیری یادیں
جب تیز ہوا چلتی ہے بستی میں سرِ شام
برساتی ہیں اطراف سے پتھّر تیری یادیں​

 

[شمشاد]

منکسر ایسے طبیعت کے کہ اللہ اللہ
لوگ اک بیتے ہوئے عہد کے یاد آتے ہیں
(سرور)

 

[عمر سیف]

تیرے ہونے سے میرے دل میں ہے، یادوں کی چمک
چاند بجھ جائے، اگر سورج میں تابانی نہ ہو

 

[نوید صادق]

برسوں گزرے اور ابھی جانے کب تک یاد آئیں گے
اس کا خوشبو کا دروازہ اور اس کی دربان ہوا

شاعر: رام ریاض

 

[شمشاد]

ڈوبتا ہے دل کلیجہ منھ کو آیا جائے ہے
ہائے یہ کیسی قیامت یاد تیری ڈھائے ہے
(سرور)

 

[تیشہ]

تیری یادوں سے لپٹ کر سوگئی
اپنے بستر میں سمٹ کر سوگئی
اس طرف سے یاد ِماضی نے چھواُ
اس طرف کروٹ پلٹ کر سوگئی ۔۔۔
چھوڑ دی خالی جگہ تیرے لئیے
اور ادھر تھوڑا سا ہٹ کر سوگئی
تھا خیالِ یار کا حملہ
ڈھیٹ تھی میں بھی کہ ڈٹ کر سوگئی
چاندنی راتیں، ادھر وہ، ادھرِ ِ میں
کیا کہوں ٹکڑوں میں بٹ کر سوگئی
ماہ رخ موت آگئی ہے بے وقت کیوں
میں جہاں والوں سے کٹ کر سوگئی ۔

 

[شمشاد]

واہ واہ کیا غزل ہے۔ بہت خوب۔