"یاد" کے موضوع پر اشعار!

[عمر سیف]

متاع ِ شام ِ سفر بستیوں میں چھوڑ آئے
بجھے چراغ ہم اپنے گھروں میں چھوڑ آئے
بچھڑ کے تجھ سے چلے ہم اب کے یوں بھی ہوا
کہ تیری یاد کہیں راستوں میں چھوڑ آئ

 

[شمشاد]

گھر کو بنانے والا تو کوئی مٹی میں سو گیا
حصّے جو بٹ گئے تو کوئی یاد آگیا
(فاخرہ بتول)

 

[محمد وارث]

مجھے تو ہم مکتبی کے دن یاد آگئے ہیں
کہ میں اسے پڑھ رہا ہوں اور وہ کتاب دیکھے

(فراز)

 

[شمشاد]

پرانی یادوں کو ڈھونڈتا ہوں، میں ریگ زارِ جنوں میں سرور
یہیں کہیں میرا قصرِ دل تھا، جہاں کوئی اب نشاں نہیں ہے
(سرور)

 

[عمر سیف]

مسرور یادِ یار ہے کیا تری سادگی
اے دل یہ شامِ ہجر ہے عشرت کی شب نہیں

 

[شمشاد]

دل نے دہرائے کتنے افسانے
یاد کیا آ گیا خدا جانے
(سرور)

 

[عمر سیف]

یہ کچھ دن ہیں کہ اس کو یاد ہر اک شام کرنا ہے
پھر اپنے دل کی بستی میں اسے گمنام کرنا ہے

 

[شمشاد]

آئ۔ی بھ۔۔ی اگ۔ر یاد ت۔و ڈرت۔ی ہ۔وئ۔ی آئ۔ی
ایسا تو کبھی موسمِ ہجراں نہیں دیکھا
(سرور)

 

[عیشل]

ہماری روح پہ جب بھی عذاب اتریں گے
تمہاری یاد کو اس دل کی ڈھال ہونا ہے

 

[شمشاد]

اس عمر میں ہم یادِ خدا خاک کریں گے
دل جیسا تھا ویسا ہی صنم خانہ رہے گا
(سرور)

 

[عمر سیف]

یاد کرتا ہے تمھیں تنہائی میں
دل ڈوبا ہے غموں کی گہرائی میں
ہمیں مت ڈھونڈنا دنیا کی بھیڑ میں
ہمیں ملیں گے تمھیں تمھاری پرچھائی میں

 

[شمشاد]

بات انوکھی ہے یہ کیسی کوئی تو مجھ کو سمجھائے
جتنا بھولنا چاہوں اس کو اتنا ہی وہ یاد آئے
(سرور)

 

[عمر سیف]

جب اٹھاتا ہوں نگاہیں کسی اور چہرے کی طرف
دل میں اک طوفان اٹھا دیتی ہیں یادیں اس کی

 

[شمشاد]

تم سے ملنے کا مزا اپنی جگہ پر خوب تھا
بات ہی کچھ اور ہے لیکن تمہاری یاد کی
(سرور)

 

[عمر سیف]

اک یاد ہے کہ دامن دل چھوڑتی نہیں
اک بیل ہے کہ لپٹی ہوئی ہے شجر کے ساتھ

 

[شمشاد]

جوشِ یادِ نغمۂ دمسازِ مطرب سے اسد
ناخنِ غم بر سرِ تارِ نفس مضراب تھا
(چچا)

 

[عیشل]

یادوں کی آگ میں میری آنکھیں سلگ اٹھیں
راتوں کو سوچنے کی عادت نہ تھی مجھے
شاید وہ میرے عشق کی اک انتہا ہی تھی
کہ تیرے ہمسفر سے رقابت نہ تھی مجھے

 

[شمشاد]

پرانی یادوں کو ڈھونڈتا ہوں، میں ریگ زارِ جنوں میں سرور
یہیں کہیں میرا قصرِ دل تھا، جہاں کوئی اب نشاں نہیں ہے
(سرور)

 

[عمر سیف]

یہ کیسا درد ہے پل پل ہمیں تڑپائے رکھتا ہے
تمھاری یاد آتی ہے تو پھر سو بھی نہیں سکتے

 

[شمشاد]

یاد ہیں وہ زخم دل، زخم جگر، وہ زخم جاں؟
ہاں وہی جو میری بربادی کا عنواں ہو گئے!
(سرور)