"یاد" کے موضوع پر اشعار!

[عمر سیف]

سانس لینے ہی نہیں دیتا یہ وقفہ کام کا
کچھ ذرا فرصت ملے تو یاد آئے یار بھی

 

[شمشاد]

نہیں ہے فرق محبت میں اورعبادت میں
نہ ہوتی یاد تری تو خدا خدا کرتے!
(سرور)

 

[عیشل]

ہماری روح پی جب بھی عذاب اُتریں گے
تمہاری یاد کو اس دل کی ڈھال ہونا ہے

 

[فرخ منظور]

دل گرفتہ ہی سہی، بزم سجا لی جائے
یادِجاناں سے کوئی شام نہ خالی جائے

 

[عمر سیف]

بھلا بیٹھے ہیں وہ ہر بات اس گزرے زمانے کی
مگر قصے کچھ اس موسم کے ان کو یاد بھی ہونگے

 

[شمشاد]

میں تو آج بہت رویا ہوں
تو بھی شاید رویا ہوگا

ناصر تیرا میت پرانا
تجھ کو یاد تو آتا ہوگا
(ناصر کاظمی)

 

[نوید صادق]

اب یاد کبھی آئے تو آئینے سے پوچھو
محبوب خزاں شام کو گھر کیوں نہیں جاتے

شاعر: محبوب خزاں

 

[شمشاد]

ی۔ادِ م۔ژگاں ب۔۔ہ نش۔ت۔۔ر زارِ صح۔۔رائے خیال
چاہیے بہرِ تپش یک دست صد پہلو مجھے
(چچا)

 

[نوید صادق]

دل میں ذوقِ وصل و یادِ یار تک باقی نہیں
آگ اس گھر میں لگی ایسی کہ جو تھا جل گیا

شاعر: غالب

 

[شمشاد]

پھر مجھے دیدۂ تر یاد آیا
دل، جگر تشنۂ فریاد آیا
(چچا)

 

[تیشہ]

میں بھی تمھاری یاد کو رکھوں گا پیار سے
رکھنا میرے خیال کو تم بھی سنبھال کے ۔

 

[شمشاد]

کم نہیں وہ بھی خرابی میں، پہ وسعت معلوم
دشت میں ہے مجھے وہ عیش کہ گھر یاد نہیں
(چچا)

 

[عیشل]

کیفیت ِ چشم مجھے اسکی یاد ہے سودا
ساغر کو میرے ہاتھ سے لینا کہ چلا میں​

 

[شمشاد]

اب اپنی حقیقت بھی ساغر، بے ربط کہانی لگتی ہے
دنیا کی حقیقت کیا کہیے، کچھ یاد رہی کچھ بھول گئے
(ساغر نظامی)

 

[ہما]

کیسے بھر آئیں‌ سرِ‌شام کسی کی آنکھیں
کیسے تھرائی چراغوں کی ضیاء یاد نہیں

 

[شمشاد]

زندگی اپنی جب اس شکل سے گزری غالب
ہم بھی کیا یاد کریں گے کہ خدا رکھتے تھے
(چچا)

 

[ہما]

حالِ دل ہم بھی سُناتے لیکن
جب وہ رُخصت ہو تب یاد آیا
بیٹھ کر سایہْ گُل میں‌ناصر
ہم بُہت روئے وہ جب یاد آیا

 

[شمشاد]

روزوشب،شام و سحر ایک ہی غم ایک ہی یاد
شوق ناکام نے کیا جانئے سوچاکیا ہے؟
(سرور)

 

[ہما]

نغموں کی ابتدا تھی کبھی میرے نام سے
اشکوں کی انتہا ہوں مجھے یاد کیجیئے

 

[شمشاد]

بتاؤ سرور حزیں،تمہیں سکون کیوں نہیں؟
کٹی کسی کی یاد میں تمھاری ساری رات کیا؟
(سرور)