"یاد" کے موضوع پر اشعار!

[سیما علی]

تیری یاد آگئی غم خوشی میں ڈھل گئے
اک چراغ کیا جلا سو چراغ جل گئے

 

[سیما علی]

زندگی یوں بھی گزر ہی جاتی
کیوں ترا رہ گزر یاد آیا
(غالب)

 

[سیما علی]

دانا کبھی دریا کو سمندر نہیں کہتے
بھٹکے ہوئے اِنساں کو قلندر نہیں کہتے
بت خانہ جہاں یاد خُدا آئے کسی کو
بھولے سے بھی یارو اُسے مندر نہیں کہتے

(حسین محی الدین قادری)

 

[سیما علی]

آؤ اک سجدہ کر لیں عالم مدہوشی میں
لوگ کہتے ہیں کہ ساغر کو خدا یاد نہیں

 

[سیما علی]

چہرہ و نام ایک ساتھ آج نہ یادآ سکے
وقت نے کس شبیہہ کو، خواب و خیال کر دیا

پروین شاکر

 

[طاہر شیخ]

نہ بھولے گا ہماری داستاں تو بھی قیامت تک
دلائیں گے ہماری یاد تیرے رہ گزر تجھ کو

حبیب جالب

 

[شمشاد]

یاد آئی ہے تو پھر ٹوٹ کے یاد آئی ہے
کوئی گزری ہوئی منزل کوئی بھولی ہوئی دوست
احمد فراز

 

[گُلِ یاسمیں]

یادِ ماضی عذاب ہے یا رب
چھین لے مجھ سے حافظہ میرا

 

[لاريب اخلاص]

کتنے ناداں ہیں ترے بھولنے والے کہ تجھے

یاد کرنے کے لیے عمر پڑی ہو جیسے
احمد فراز

 

[لاريب اخلاص]

زندگی یوں بھی گزر ہی جاتی
کیوں ترا راہ گزر یاد آیا
مرزا غالب

 

[لاريب اخلاص]

جو تیری راہ گزر میں چبھا تھا خار مجھے

سفر کی یاد دلاتا ہے بار بار مجھے
شارق بلیاوی

 

[گُلِ یاسمیں]

وہی پھر مجھے یاد آنے لگے ہیں
جنہیں بھولنے میں زمانے لگے ہیں

 

[حسرت جاوید]

مر کے یاد آئے مزے دنیا کے
گھر سے نکلے تھے کہ گھر یاد آیا

جلیل مانک پوری

 

[حسرت جاوید]

یاد کے خوش نما جزیروں میں
دل کی آوارگی سی رہتی ہے

ماہ طلعت زاہدی

 

[حسرت جاوید]

نئے چراغ جلا یاد کے خرابے میں
وطن میں رات سہی روشنی منایا کر

ساقی فاروقی

 

[حسرت جاوید]

دیکھیے اب نہ یاد آئیے آپ
آج کل آپ سے خفا ہوں میں

امۃ الرؤف نسرین

 

[حسرت جاوید]

مجھے یاد کرنے سے یہ مدعا تھا
نکل جائے دم ہچکیاں آتے آتے

داغؔ دہلوی

 

[گُلِ یاسمیں]

یاد آؤں تو بس اتنی سی عنایت کرنا
اپنے بدلے ہوئے لہجے کی وضاحت کرنا

تم تو چاہت کا شاہکا ر ہوا کرتے تھے
کس سے سیکھا ہے الفت میں ملاوٹ کرنا

 

[سیما علی]

تم نے کیا نہ یاد کبھی بھول کر ہمیں
ہم نے تمہاری یاد میں سب کچھ بھلا دیا

 

[سیما علی]

کریں گے نباہیں گے بات مانیں گے
تمہیں بھی یاد ہے کچھ یہ کلام کس کا تھا