"یاد" کے موضوع پر اشعار!

[حسرت جاوید]

اے جانِ نغمگی انہیں اب یاد بھی نہ کر
وہ راگ آگ ہو گئے، وہ ہونٹ جل گئے

جون ایلیا

 

[حسرت جاوید]

اک سفینہ ہے تری یاد اگر
اک سمندر ہے مری تنہائی

احمد ندیم قاسمی

 

[حسرت جاوید]

میں فقط ایک خواب تھا تیرا
خواب کو کون یاد رکھتا ہے

عبد العزیز خالد

 

[حسرت جاوید]

یہ اداسیوں کے موسم یونہی رائیگاں نہ جائیں
کسی یاد کو پکارو، کسی درد کو جگاؤ

یہ جدائیوں کے رستے بڑی دور تک گئے ہیں
جو گیا وہ پھر نہ آیا، مری بات مان جاؤ

احمد فراز

 

[حسرت جاوید]

درد وہ ہے کہ جہاں کو تہ و بالا کردوں
اس پہ یہ لطف کہ نالہ نہ ہو فریاد نہ ہو

ایک مدّت سے تری بزم سے محروم ہوں میں
کاش وہ چشمِ عنایت بھی تری یاد نہ ہو

اصغر گونڈوی

 

[حسرت جاوید]

اس کی پائل اگر چھنک جائے
گردشِ آسماں ٹھٹھک جائے

ہائے اس مہ جبیں کی یاد عدم
جیسے سینے میں دم اٹک جائے

عبدالحمید عدم

 

[حسرت جاوید]

ہے ضرورت بہت توجہ کی
یاد آؤ تو کم نہ یاد آؤ

چاہیے مجھ کو جان و دل کا سکوں
میرے حق میں عذاب بن جاؤ

جون ایلیا

 

[حسرت جاوید]

جوانی کے زمانے یاد آئے
محبت کے فسانے یاد آئے

بھلانے پر بھی ان کی یاد آئی
مجھے وہ ہر بہانے یاد آئے

صوفی تبسم

 

[گُلِ یاسمیں]

یاد آؤں گی تجھے اچھے دنوں کی صورت
میں مکمل تیری تنہائی نہ ہونے دوں گی

 

[گُلِ یاسمیں]

زندگی جس کے دم سے ہے ناصر
یاد اس کی عذابِ جاں بھی ہے

 

[گُلِ یاسمیں]

پھر ساون رُت کی پون چلی تم یاد آئے
پھر پتوں کی پازیب بجی، تم یاد آئے

 

[حسرت جاوید]

کوئی یادوں سے جوڑ لے ہم کو
ہم بھی اک ٹوٹتا سا رشتہ ہیں

بشر نواز

 

[گُلِ یاسمیں]

اب کے تجدیدِ وفا کا نہیں امکاں جاناں
یاد کیا تجھ کو دلائیں ترا پیماں جاناں
فراز

 

[حسرت جاوید]

نہ تیری یاد، نہ دنیا کا غم، نہ اپنا خیال
عجیب صورتِ حالات ہو گئی پیارے

حبیب جالب

 

[گُلِ یاسمیں]

اٹھ گئی ہیں سامنے سے کیسی کیسی صورتیں
روئیے کس کے لیے کس کس کا ماتم کیجئے

حیدر علی آتش

 

[سیما علی]

خُدا جانے کیوں
تیری یاد بہت بیمار تھی گزشتہ رات
ساری رات اُس کے ماتھے پر
ٹھنڈے پانی کی پٹی رکھ کر
پاوٴں دبا کر، ہاتھ سہلا کر
سینے کی گرمائش پہنچا کر
بُوسہ دے کر، ماتھا چُوم کر
بہت کوشش کی زندہ رکھنے کی
لیکن! رخصت ہونے سے پہلے
آخری ہچکی لے کر یوں خاموش ہوئی
کہ جیسے مجھ سے آشنا ہی نہیں
مرزا عبدالعلیم بیگ

 

[سیما علی]

رات کے دشت میں پھول کِھلے ہیں، بھولی بسری یادوں کے
غم کی تیز شراب سے ان کے تیکھے نقش مٹاتے رہنا!!!!!!!!

منیر نیازی
۔۔۔۔

 

[سیما علی]

یاد کرنا ہر گھڑی تجھ یار کا
ہے وظیفہ مجھ دلِ بیمار کا

ولی دکنی
۔۔۔

 

[سیما علی]

وں وہ خود رفتہ کہ کب جانے کہاں دل کھویا
یاد آتا ہے تو اتنا کہ نہیں یاد مجھے

عبد المجید سالک

 

[سیما علی]

برسوں گزرے اور ابھی جانے کب تک یاد آئیں گے
اس کا خوشبو کا دروازہ اور اس کی دربان ہوا

رام ریاض