"یاد" کے موضوع پر اشعار!

[نوید ملک]

میں وہ دماغ ہوں کہ جسے یاد کچھ نہیں
تو وہ خیال ہے کہ بھلایا نہ جائے گا

(سید مبارک شاہ)

 

[عمر سیف]

آتی رہیں گی یاد ہمیشہ یہ صحبتیں
ڈھوندا کریں گے ہم تجھے فصلِ بہار میں

 

[نوید ملک]

آنکھ برسی ہے ترے نام پہ ساون کی طرح
جسم سلگا ہے تری یاد میں ایندھن کی طرح

 

[عمر سیف]

یاد آئے تیرے پیکر کے خطوط
اپنی کوتاہیِ فن یاد آئی
ٕ( احمد ندیم قاسمی )

 

[نوید ملک]

آنکھ بے وجہ نم نہیں ہوتی
کچھ نہ کچھ تو سبب رہا ہو گا
یا کوئی چیز پڑ گئی ہو گی
یا کوئی یاد آ گیا ہو گا

 

[عمر سیف]

اس قدر پیار سے، اے جانِ جہاں رکھا ہے
دل کے رُخسار پہ اس وقت تری یاد نے ہات
یوں گماں ہوتا ہے، گرچہ ہے بھی صبحِ فراق
ڈھل گیا ہجر کا دن، آ بھی گئی وصل کی رات

 

[نوید ملک]

نام بھی اچھا سا تھا چہرہ بھی تھا ماہتاب سا
ہاں ہمیں کچھ یاد ہوتا ہے مگر اک خواب سا

 

[عمر سیف]

تمھیں بھلانے کی کوشش کروں گا
یہ وعدہ کرو تم نہ تم یاد آنا

 

[تیشہ]

کروں نہ یاد مگر کس طرح بھلاؤں اسے
غزل بہانہ کروں اور گنگناؤں اسے ۔

 

[نوید ملک]

فراق میرا عصا یاد میری بینائی !
تو آکے دیکھ کہ میں اب بھی چلتا پھرتا ہوں

 

[عمر سیف]

ہر یاد کو یوں زخم بناتے نہیں دل کا
ہر تیر کو پیوستِ رگِ جاں نہیں کرتے

 

[نوید ملک]

مری طرح سے کوئی ہے جو زندگی اپنی
تمہاری یاد کے نام انتساب کر دے گا

 

[تیشہ]

دھڑکینیں بند تکلف سے ذرا آزاد کر
برملا ممکن نہیں، دل میں کسی کو یادکر

زندگی اک دوڑ ہے تو سانس پھولے گی ضرور
یا بدل مفہوم اسکا، یا نہ پھر فریاد کرو

ہر خزاں کی کوکھ سے ہوتی ہے پیدا نو بہار
دامن ِ امید میلا اور نہ دل ناشاد کر ،

 

[پاکستانی]

آگیا گر وصل کی شب بھی کہیں ذکرِفراق
وہ تیرا رو رو کے مجھ کو بھی رلانا یاد ہے

 

[عمر سیف]

دل میں سو غم ہیں تیری یاد ہے تنہا تنہا
اِک اُجلی سی پری پھرتی ہے بیماروں میں

 

[پاکستانی]

تجھے مجھ سے مجھ کو تجھ سے جو بہت ہی پیار ہوتا

نہ تجھے قرار ہوتا نہ مجھے قرار ہوتا

تیرا ہر مرض الجھتا مری جانِ ناتواں سے

جو تجھے زکام ہوتا تو مجھے بخار ہوتا

جو میں تجھ کو یاد کرتا تجھے چھینکنا بھی پڑتا

مرے ساتھ بھی یقیناً یہی بار بار ہوتا

کسی چوک میں لگاتے کوئی چوڑیوں کا کھوکھا

ترے شہر میں بھی اپنا کوئی کاروبار ہوتا

غم و رنجِ عاشقانہ نہیں کیلکولیٹرانہ

اسے میں شمار کرتا جو نہ بے شمار ہوتا

وہاں زیرِ بحث آتے خط و خال و خائے خوباں

غمِ عشق پر جو انور کوئی سیمینار ہوتا


انور مسعود

 

[عمر سیف]

خوب۔

 

[پاکستانی]

زندگی جبرِ مسلسل کی طرح کاٹی ہے
جانے کس جرم کی پائی ہے سزا یاد نہیں

میں نے پلکوں سے درِ یار پہ دستک دی تھی
میں وہ سائل ہوں جسے کوئی سدا یاد نہیں

آؤ اک سجدا کریں عالمِ مدہوشی میں
لوگ کہتے ہیں کہ ساغر کو خدا یاد نہیں

 

[نوید ملک]

گم سم کھڑی ہیں دونوں جہاں کی حقیقتیں
میں ان سے کہ رہا ہوں مجھے یاد کیجئے

ساغر صدیقی

 

[عمر سیف]

جب تیری یاد میں مصرع کوئی لکھنے بیٹھے
میں نے کاغذ پر چھالوں کا گلستاں دیکھا