"یاد" کے موضوع پر اشعار!

[عمر سیف]

یہ میرے چاروں طرف کس لیے اجالا ہے
یہ تیری یاد ہے کہ دن نکلنے والا ہے
یقیں مانو میں کب کا بکھر گیا ہوتا
تمھاری یاد نے اب تک مجھے سنبھلا ہے

 

[عیشل]

دل میں تیری یاد کے نشتر اتر گئے
کتنے ستارے آنکھوں سے ٹوٹ کر بکھر گئے
آجاؤ اب کہ ترسے ہے یہ نظر
دیکھا نہیں تمہیں بہت دن گذر گئے

 

[نوید ملک]

کیسے بھر آئیں سرِ شام کسی کی آنکھیں
کیسے تھرائی چراغوں کی ضیا یاد نہیں

 

[عمر سیف]

گھیر لیتے ہیں مجھے رستے تیری یادوں کے
جب بھی کرتا ہوں ترے بعد سفر شام کے بعد

 

[عیشل]

قہقہے ٹوٹ کر اشکوں میں بدل جاتے ہیں
وقت کی آنچ میں پتھّر بھی پگل جاتے ہیں
عمر بھر کون کسے یاد کیا کرتا ہے
وقت کے ساتھ خیالات بھی بدل جاتے ہیں

 

[عمر سیف]

تو نے وش کارڈ بھیج کر
یاد کتنے دلا دیئے موسم
فرق باقی نہیں رکھا تو نے
موسموں میں ملا دیئے موسم

 

[عیشل]

میری محبت کے دونوں عالم تمام روشن تمام محکم
میں یاد کرنا بھی جانتا ہوں میں یاد آنا بھی جانتا ہوں
نظر نظر میں ہے کامرانی،قدم قدم پہ ہے کامیابی
مگر کوئی مسکرا کے دیکھے تو ہار جانا بھی جانتا ہوں

 

[حجاب]

سرخ پھولوں سے مہک اُٹھتی ہیں دل کی راہیں
دن ڈھلے یوں تیری آواز بلاتی ہے ہمیں
یاد تیری کبھی دستک کبھی سرگوشی سے
رات کے پچھلے پہر روز جگاتی ہے ہمیں۔​

 

[عمر سیف]

کسی نامہرباں کی یاد کا جب سلسلہ ٹھہرے
عجب بےنام سے کچھ موسموں سے رابطہ ٹھہرے
نجانے سانحہ کیسا تھاچل پتھر ہوا میرا
یہ آنکھیں ٹوٹ کر برسیں تو کوئی معجزہ ٹھہرے

 

[عیشل]

تعلق بعد میں تبدیل ہو کے جو بھی رہ جائے
محبت میں وہ پہلا مسکرانا یاد رہتا ہے
کسی کی لاکھ باتیں ایک پل میں بھول جاتی ہیں
کسی کا ایک ہی جملہ پرانا یاد رہتا ہے

 

[نوید ملک]

یاد بھی ہیں اے منیر اس شام کی تنہائیاں
ایک میدان ، اک درخت اور تو خدا کے سامنے

منیر نیازی

 

[عیشل]

آئی مجھے انکی یاد میرا دل ٹھہر گیا
دعوی غم ِ فراق کا باطل ٹھہر گیا

 

[عمر سیف]

تاروں کا گو شمار میں آنا محال ہے
لیکن کسی کی یاد ستائے تو کیا کروں

 

[عیشل]

تیری یاد کی برف باری کا موسم
سُلگتا رہا دل کے اندر اکیلے
ارادہ تھا جی لوں گا تجھ سے بچھڑ کر
گذرتا نہیں اک دسمبر اکیلے

 

[عمر سیف]

رات لغاتِ عمر سے میں نے چُنا تھا ایک لفظ
لفظ بہت عجیب تھا، یاد نہیں رہا مجھے

 

[عیشل]

اداسیوں کی یہ شام اور یادوں کا یہ سماں
اپنی پلکوں پہ ہرگز ستارے نہ لائیں گے

 

[عمر سیف]

اگر بتیاں سی مجھ میں سلگتی ہیں وصی
تمھاری یاد نے مہکا دیا جلا بھی دیا

 

[عیشل]

عام دنوں تو کا چلو حساب رہنے دو
یہ بتاؤ عید پر مجھے یاد کیا تھا تم نے

 

[فرحت کیانی]

[align=justify:0f5ec43e3b]یادوں کے اضطراب نے ریکھائیں کھینچ دیں
ورنہ میرے سکُون کا کاغذ سفید تھا!!!![/align:0f5ec43e3b]

 

[حجاب]

تمہاری یاد میں ہم
موسمِ گُل میں
جہاں بھی کہیں پھول آتے ہیں
جمع کرتے ہیں اُنہیں
اور وہیں بھول آتے ہیں۔
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪​