"یاد" کے موضوع پر اشعار!

[طاہر شیخ]

لیجئے سنئے اب افسانۂ فرقت مجھ سے
آپ نے یاد دلایا تو مجھے یاد آیا

داغؔ دہلوی

 

[رفعت رضا_]

آؤ ماضی کو کھینچ لاتے ہیں!!!!!
حال میں کچھ کمی سی لگتی ہے!!!!!

 

[رفعت رضا_]

دنیا بھر کی یادیں ہم کو ملنے آتی ہیں

شام ڈھلے اس سونے گھر میں میلہ لگتا ہے

بہت خوبصورت شعر

 

[جاسمن]

جسے بچھڑنے کا ہلکا سا بھی ملال نہیں
اب ایسے شخص کو یک طرفہ یاد کیا کرنا

 

[مومن فرحین]

یاد آتی ہے تو اک شمع جلا جاتی ہے
درد اٹھتا ہے تو تحفے میں غزل دیتا ہے

 

[محمد آصف میؤ]

تم نے کیا نہ یاد کبھی بھول کر ہمیں
ہم نے تمہاری یاد میں سب کچھ بھلا دیا
بہادر شاہ ظفر

 

[مومن فرحین]

یاد آئے ہیں عہد جنوں کے کھوئے ہوئے دلدار بہت
ان سے دور بسائی بستی جن سے ہمیں تھا پیار بہت

 

[محمد آصف میؤ]

وہی پھر مجھے یاد آنے لگے ہیں

جنہیں بھولنے میں زمانے لگے ہیں

خمار بارہ بنکوی

 

[محمد آصف میؤ]

یاد رکھنا ہی محبت میں نہیں ہے سب کچھ
بھول جانا بھی بڑی بات ہوا کرتی ہے
جمال احسانی

 

[عبدالصمدچیمہ]

دل دھڑکنے کا سبب یاد آیا
وہ تری یاد تھی اب یاد آیا

 

[عبدالصمدچیمہ]

وفا کریں گے نباہیں گے بات مانیں گے
تمہیں بھی یاد ہے کچھ یہ کلام کس کا تھا

داغؔ دہلوی

 

[ام عبدالوھاب]

یاد ماضی عذاب ہے یارب
چھین لے مجھ سے حافظہ میرا

 

[ام عبدالوھاب]

یاد جاتی نہیں ہے دل سے اسکی
وقت رخصت لگا گیا دھیان کا بیج
(از قلم ام عبدالوھاب)

 

[ام عبدالوھاب]

خانہء دل میں یاد ِ ماضی کے خزانے جاگے
پھر تیری یاد آئی پھر درد پُرانے جاگے

 

[ام عبدالوھاب]

سوچ سمجھ کر دنیا کی، نظروں سے چھپا کر رکھا تھا
میں نے تو اس یاد کو، اپنے لیے بچا کر رکھا تھا

 

[شمشاد]

یاد تو حق کی تجھے یاد ہے پر یاد رہے
یار دشوار ہے وہ یاد جو ہے یاد کا حق
عبدالرحمان احسان دہلوی

 

[شام تنہائی]

شام بھی تھی دھواں دھواں حسن بھی تھا اداس اداس

دل کو کئی کہانیاں یاد سی آ کے رہ گئیں

فراق گورکھپوری

 

[شام تنہائی]

‏تُجھ سے تعبیر نہیں مانگی مگر یاد تو کر
تُو نے اِن آنکھوں کو اِک خُواب دِکھایا تھا کبھی

محمد ندیم بھابھہ

 

[سیما علی]

تم نے کیا نہ یاد کبھی بھول کر ہمیں
ہم نے تمہاری یاد میں سب کچھ بھلا دیا

بہادر شاہ ظفر

 

[سیما علی]

کیا ستم ہے کہ اب تری صورت
غور کرنے پہ یاد آتی ہے
جون ایلیا