‘زلف‘

[سیما علی]

بہت مشکل ہے دنیا کا سنورنا!!!!
تری زلفوں کا پیچ و خم نہیں ہے

اسرار الحق مجاز

 

[سیما علی]

جب یار نے اٹھا کر زلفوں کے بال باندھے۔۔۔۔
تب میں نے اپنے دل میں لاکھوں خیال باندھے

محمد رفیع سودا

 

[سیما علی]

اجازت ہو تو میں تصدیق کر لوں تیری زلفوں سے
سنا ہے زندگی اک خوبصورت دام ہے ساقی

عبد الحمید عدم

 

[شمشاد]

اس زلف کے پھندے سے نکلنا نہیں ممکن
ہاں مانگ کوئی راہ نکالے تو نکالے
(جلیل مانک پوری)

 

[زوجہ اظہر]

کون سا غم ہے جو یہ حال بنا رکھا ہے
نہ تو میک اپ ہے نہ بالوں کو سجا رکھا ہے
خوامخواہ چھیڑتی رہتی ہیں یہ رخساروں کو
تم نے زلفوں کو بہت سر پہ چڑھا رکھا ہے

خوامخواہ

 

[شمشاد]

سرک کر آ گئیں زلفیں جو ان مخمور آنکھوں تک
میں یہ سمجھا کہ مے خانے پہ بدلی چھائی جاتی ہے
نشور واحدی

 

[سیما علی]

کون سا غم ہے جو یہ حال بنا رکھا ہے
نہ تو میک اپ ہے نہ بالوں کو سجا رکھا ہے
خوامخواہ چھیڑتی رہتی ہیں یہ رخساروں کو
تم نے زلفوں کو بہت سر پہ چڑھا رکھا ہے

خوامخواہ

واہ واہ

 

[شمشاد]

غوث خامخواہ کی غزل کے باقی اشعار مندرجہ ذیل ہیں :

مسکراتے ہوئے اس نے یہ کہا شوخی سے
ایک دیوانے نے دیوانہ بنا رکھا ہے

جیب غائب ہے تو نیفا ہے بٹن کے بدلے
تم نے پتلون کا پاجامہ بنا رکھا ہے

مشرقی رہن سہن چال و چلن مغرب کا
ہم نے تہذیب کا شیر خرمہ بنا رکھا ہے

گر صلہ دو گے مجھے میری وفاؤں کے عوض
مانگ لوں گا تمہیں انعام میں کیا رکھا ہے

جو سبھی دیکھ چکے ہم وہ نہیں دیکھیں گے
وہ دکھاؤ ہمیں جو سب سے چھپا رکھا ہے

ان کو اغیار محبت سے لگاتے ہیں گلے
مجھ کو اپنوں نے بھی بیگانہ بنا رکھا ہے

زندگی موت کی تمہید ہے پر لوگوں نے
مختصر بات کا افسانہ بنا رکھا ہے

لوگ بھولیں نہ کبھی ایسا تخلص رکھیے
نام تو نام ہے بس نام میں کیا رکھا ہے

قافیے اور ردیفوں و تخلص کے سوا
ؔخواہ مخواہ آپ کے اشعار میں کیا رکھا ہے

 

[شمشاد]

تمہاری زلف دل خود مانگ لے گی
یہ چوٹی کس لیے پیچھے پڑی ہے
نامعلوم

 

[گُلِ یاسمیں]

ہٹا کر زلف چہرے سے، نہ شام کو چھت پر آنا
کہیں کوئی عید نہ کر لے ، ابھی رمضان باقی ہے

 

[شمشاد]

حاتمؔ اس زلف کی طرف مت دیکھ
جان کر کیوں بلا میں پھنستا ہے
شیخ ظہور الدین حاتم

 

[گُلِ یاسمیں]

تیری زلفیں ہیں کہ سایہ ہے رات کا
تُو اگر ٹنڈ کرا لے تو سویرا ہو جائے

 

[شمشاد]

رات کہتے ہیں تیری زلف گرہ گیر کو لوگ
تو اگر سر منڈھا لے تو اُجالا ہو جائے

 

[گُلِ یاسمیں]

الجھا ہے پاؤں یار کا زلفِ دراز میں
لو آپ اپنے دام میں صیاد آ گیا

 

[گُلِ یاسمیں]

جب اس کی زلف میں پہلا سفید بال آیا
تب اس کو پہلی ملاقات کا خیال آیا

 

[گُلِ یاسمیں]

بکھری ہوئی وہ زلف اشاروں میں کہہ گئی
میں بھی شریک ہوں تیرے حالِ تباہ میں

 

[شمشاد]

اپنے سر اک بلا تو لینی تھی
میں نے وہ زلف اپنے سر لی ہے
جون ایلیا

 

[گُلِ یاسمیں]

پوچھا جو ان سے چاند نکلتا ہے کس طرح
زلفوں کو رخ پہ ڈال کے جھٹکا دیا کہ یوں

آرزو لکھنوی

 

[شمشاد]

ہم اس کی زلف کی زنجیر میں ہوئے ہیں اسیر
سجن کے سر کی بلا آ پڑی ہمارے گلے
ولی عزلت

 

[گُلِ یاسمیں]

‏پہلے زلف دی "ف" توں لگے فتوے
ول نین دے "ن" تے بس ہو گئی
اساں "د" توں سکھی دلبر پڑھیا
ساڈی عشق دی "ع" تے بس ہو گئی