‘زلف‘

[پاکستانی]

زلف دا کُنڈل کھلے نا

جی ‘زلف‘ کو موضوع پر ایک نیا سلسلہ، جس میں صرف زلف کو موضوع پر شعر شامل کئے جائیں گے۔

پوچھا جو اُن سے چاند نکلتا ہے کس طرح
زلفوں کو رُخ پہ ڈال کر جھٹکا دیا کہ یوں
​

 

[جیہ]

فرمودہ غالب

منہ نہ کھلنے پرہے وہ عالم کہ دیکھا ہی نہیں
زلف سے بڑھ کر نقاب اُس شوخ کے منہ پر کھلا

 

[عمر سیف]

پریشاں رہی عمر بھر پر نہ چھوڑا
تیری زُلف نے کج ادائی کا دھندا
(ظفر گورکھپوری)

 

[عمر سیف]

چھیڑتی ہے کبھی لب کو کبھی رخساروں کو
تم نے زُلفوں کو بہت سر پہ چڑھا رکھا ہے

 

[جیہ]

اس زلف کو پھبتی کہ شبِ دیجور کی سوجھی
اندھے کو اندھیرے میں بڑی دور کی سوجھی

 

[عمر سیف]

اس زلف کو پھبتی کہ شبِ دیجور کی سوجھی
اندھے کو اندھیرے میں بڑی دور کی سوجھی

یہ میں سوچ کے آیا تھا کہ لکھوں گا۔ پر اب کوئی اور تلاش کرنا پڑے گا۔

 

[جیہ]

قید میں ہے ترے وحشی کو وہی زلف کی یاد
ہاں! کچھ اک رنجِ گرانباریِ زنجیر بھی تھا

غالب

 

[عیشل]

اتنی بے رحم نہ تھی زیست کی دوپہر کبھی
ان خوابوں میں کہیں سایہ ء گیسو بھی نہیں
موج در موج تیرے غم کی شفق کھلتی ہے
مجھ کو اس سلسلہء رنگ پہ قابو بھی نہیں

 

[نوید ملک]

بھلا کیوں کر نہ ہوں راتوں کو نیندیں بے قرار اُسکی
کبھی لہرا چکی ہو جس پہ زلفِ مشک بار اُسکی

(اختر شیرانی)

 

[عیشل]

الُجھا ہے پاؤں یار کا زلفِ دراز میں
لو آپ اپنے دام میں صیاد آگیا

 

[عمر سیف]

دلِ ناداں تجھے ہوا کیا ہے
آخر اس درد کی دوا کیا ہے
شکن زلف عنبریں کیوں ہے
نگہ چشم سرمہ سا کیا ہے

 

[عیشل]

یاں تلک میری گرفتاری سے وہ خوش ہے کہ میں
زلف گر بن جاؤں تو شانے میں الجھا دے مجھے

 

[عمر سیف]

زُلف راتوں سی ہے، رنگت ہے اجالوں جیسی
پر طبیعت ہے وہی بھولنے والوں جیسی

 

[نوید ملک]

چھلکتے ہوئے تھے جام پریشاں تھی زلفِ یار
کچھ ایسے حادثات سے گھبرا کے پی گیا

 

[عمر سیف]

زلف برہم ہے، دل آشفتہ، صبا آوارہ
خوابِ ہستی سا نہیں خوابِ پریشاں کوئی

 

[wahab49]

میری یادوں میں اب تک پیار کی وہ شام باقی ھے
اسکے مے خانے کی باتیں وہ مے اور جام باقی ھے
ھوئی ھے رات پھیلا ھے اندھیرا ھر طرف ھر سو
نور مطلوب ھے اور زلفوں کا اک دام باقی ھے

میری اپنی غزل سے۔۔۔۔۔۔۔۔۔۔۔

 

[عیشل]

عشق گیسو کو دی جگہ دل میں
سانپ کو آستیں میں پالا

 

[عمر سیف]

پریشاں رہی عمر بھر پر نہ چھوڑا
تیری زُلف نے کج ادائی کا دھندا

 

[محب علوی]

تیری زلف میں پہنچی تو حسن کہلائی
وہ تیرگی جو مرے نامہ اعمال میں تھی

 

[نوید ملک]

زلف و رخسار کے تصور میں
حسن و ناز و ادا کی بات کریں