جنگل بُک: رڈیارڈ کپلنگ کی کہانی پر نظم: از محمد خلیل الرحمٰن

[سید عاطف علی]

واہ۔کئی ماہ بعد قسط نکالی ہے خلیل بھائی۔
ویسے یہ بھگیرا اصل میں کیا ہوتا ہے۔
کیا ٹائیگر کو کہتے ہیں۔

 

[محمد خلیل الرحمٰن]

واہ۔کئی ماہ بعد قسط نکالی ہے خلیل بھائی۔
ویسے یہ بھگیرا اصل میں کیا ہوتا ہے۔
کیا ٹائیگر کو کہتے ہیں۔

بگھیرا اصل میں رڈیارڈ کپلنگ کی کہانی میں اس کالے تیندوے کا نام ہے۔

 

[نایاب]

لاجواب ۔۔۔۔۔۔۔۔ بلاشبہ
بہت مزیدار رواں دواں نظم کی ہے کہانی
اب بٹیا رانی کو سناؤں گا ۔ دل اس کا بہلاؤں گا ۔
بہت سی دعاؤں بھری داد

 

[قیصرانی]

واہ۔کئی ماہ بعد قسط نکالی ہے خلیل بھائی۔
ویسے یہ بھگیرا اصل میں کیا ہوتا ہے۔
کیا ٹائیگر کو کہتے ہیں۔

میرا خیال ہے کہ اصل لفظ بگھیرا ہے، جو تیندوے کو کہا جاتا ہے۔ اکثر دیسی حروف انگریزی میں ایچ کا مقام بدل دیتے ہیں۔ جیسے دہلی یا دلی کو انگریزی میں ڈیلہی لکھا جاتا ہے۔ تاہم یہ میرا خیال ہی ہے

 

[سید عاطف علی]

میرا خیال ہے کہ اصل لفظ بگھیرا ہے، جو تیندوے کو کہا جاتا ہے۔ اکثر دیسی حروف انگریزی میں ایچ کا مقام بدل دیتے ہیں۔ جیسے دہلی یا دلی کو انگریزی میں ڈیلہی لکھا جاتا ہے۔ تاہم یہ میرا خیال ہی ہے

میں سمجھتا تھا کہ تیندوے کی موجودگی میں بگھیرے کا لفظ اضافی ہے سو یہ ٹائیگر کے لیے ہوگا۔کیوں کہ ٹائیگر کے لیے عموماَ استعمال شیرکر لیا جاتا ہے لیکن عام لوگوں کو ٹیکسانومی اور ان کی نومن کلیچر کا شعور نہ ہونے کی وجہ سے زیادہ پہچان بھی نہیں ہوتی۔اور شیر تو لائن کے لیے ہے۔
لیکن پھر ایک اور کنفیوژن ہوتی ہے کہ اگر شیر لائن ہو تو ببر شیر کیا ہے ؟

 

[قیصرانی]

میں سمجھتا تھا کہ تیندوے کی موجودگی میں بگھیرے کا لفظ اضافی ہے سو یہ ٹائیگر کے لیے ہوگا۔کیوں کہ ٹائیگر کے لیے عموماَ استعمال شیرکر لیا جاتا ہے لیکن عام لوگوں کو ٹیکسانومی اور ان کی نومن کلیچر کا شعور نہ ہونے کی وجہ سے زیادہ پہچان بھی نہیں ہوتی۔اور شیر تو لائن کے لیے ہے۔
لیکن پھر ایک اور کنفیوژن ہوتی ہے کہ اگر شیر لائن ہو تو ببر شیر کیا ہے ؟

بگھیرا شاید کشمیر یا اس سے ملحقہ علاقے کی زبان کا لفظ ہے۔ ٹائیگر کو شیر جبکہ لائن کو ببر شیر یا محض ببر کہتے ہیں

 

[محمد خلیل الرحمٰن]

1. BAGHEERA (1 p. 20) is Hindustani for a panther or leopard. It is a sort of diminutive of BAGH, which is Hindustani for `Tiger'. Pronounced Bug-eer-a (accent on the eer).

لفظ باگ تو سنا ہوا ہے۔

 

[سید عاطف علی]

1. BAGHEERA (1 p. 20) is Hindustani for a panther or leopard. It is a sort of diminutive of BAGH, which is Hindustani for `Tiger'. Pronounced Bug-eer-a (accent on the eer).

لفظ باگ تو سنا ہوا ہے۔

اچھا۔۔۔ تو پھر لگتا ہے کہ۔ باگ یا باگھ ۔ سے اسم تصغیر بنا لیا گیا ہے۔بگھیرا۔۔۔۔یعنی چھوٹو ٹایئگر۔ویسے اچھا بنایا ہے اگر یہی ہے تو۔

 

[محمد خلیل الرحمٰن]

اپنے پچھلے مراسلےمیں ہم نے اس ویب صفحے کا لنک بھی دے دیا ہے جہاں پر رڈیارڈ کپلنگ کے جنگل بک میں رکھے ہوئے تمام ناموں کی لسٹ اور ان کے بارے میں مختصر تبصرہ بھی موجود ہے۔جیسے
؎
طباقی
گیدڑ لوگ
شیر خان
لنگڑی اور
اکیلا وغیرہ

 

[قیصرانی]

1. BAGHEERA (1 p. 20) is Hindustani for a panther or leopard. It is a sort of diminutive of BAGH, which is Hindustani for `Tiger'. Pronounced Bug-eer-a (accent on the eer).

لفظ باگ تو سنا ہوا ہے۔

جی، مختلف شکاریوں کی تحریر کردہ تصانیف میں دیہاتیوں کی زبانی لفظ باگھ شیر کے لئے اور بگھیرا تیندوے کے لئے مستعمل دیکھا ہے۔ تیندوے کی تین مبینہ اقسام برصغیر میں ملتی ہیں۔ انہیں بعض مقام پر بور بچہ (جمع بور بچے) بھی کہا جاتا ہے

 

[محمد خلیل الرحمٰن]

 

[محمد علم اللہ]

با ب ہفتم کاانتظار ہے
مزا آیا پڑھکر

 

[عزیزامین]

میری ملاقات آج فنکار خلیل صآحب سے ہو رہی ہے ما شاآللہ بہت خوب

 

[محمد خلیل الرحمٰن]

میری ملاقات آج فنکار خلیل صآحب سے ہو رہی ہے ما شاآللہ بہت خوب

جی نہیں اس میں کوئی فنکاری نہیں۔ والٹ دزنی کمپنی کی تصویر نیٹ سے لے کر استعمال کرلی ہے

 

[محمد خلیل الرحمٰن]

اس کہانی کی پی ڈی ایف یہاں سے ڈاؤن لوڈ کریں

 

[محمد خلیل الرحمٰن]

باب ہفتم: موگلی کا بچپن


یہ سننا تھا کہ باچھیں کھِل گئیں رنجور ماما کی
سبھی ڈر اور سبھی فکریں ہوئیں اب دور ماما کی

وہ اپنے سارے بچوں کو جلو میں لے چلی اپنے
بنا جب موگلی اپنا ، ہوئے پورے سبھی سپنے

غرض اب موگلی کی داستاں یوں آگے چلتی ہے
اس انسانوں کے بچے کی عجب قسمت بدلتی ہے

اسے دس سال تک ماما نے اپنے بھَٹ میں یوں پالا
اسے جنگل کا اِک ننھا سا باسی ہی بنا ڈالا

بچاکر موگلی کو خوش تھے بھالو اور بگھیرا بھی
کہ اُس کی زندگانی ان کی ہی مرہونِ منت تھی

یہی دونوں جنھوں نے موگلی کو یوں سدھایا تھا
انہوں نے ہی اسے جنگل کا ہر رستہ دکھایا تھا

بگھیرا نے درختوں پر اسے چڑھنا سکھایا تھا
تو بھالو نے اسے کُشتی کا ہر اِک گُر بتایا تھا

یونہی دس سال گزرے اور بہت تبدیلیاں آئیں
اکیلا کو بڑھاپے میں وہ یوں کچھ کھینچ کر لائیں

کبھی طاقت سے وہ اس جھنڈ کا سردار ہوتا تھا
مگر اب رفتہ رفتہ اپنی وہ قوت کو کھوتا تھا

یہی دن تھے کہ اس جنگل میں پھر سے شیر خان آیا
اور اس کے ساتھ ہی جنگل میں اس کا خوف بھی چھایا

وہی سب بھیڑیے جو موگلی کو بھائی کہتے تھے
وہی بھائی مگر اب شیر سے یوں ڈرتے رہتے تھے

کہیں سے شیر آجائے گا ، ان کو پھاڑ کھائے گا
اور ان کی ہڈیوں سے بھوک وہ اپنی مٹائے گا

×××
باب ششم : سیونی جھُنڈ
باب ہشتم : دیس نکالا​

 

[bilal260]

ٹوٹے ٹوٹے بھی ٹھیک ہے۔ یہ مواد جاری ہے ۔سسپنس۔

 

[محمد خلیل الرحمٰن]

ٹیگ نامہ
سید عاطف علی ، الف عین ، محمد یعقوب آسی، سید شہزاد ناصر، عزیزامین، محمدعلم اللہ اصلاحی ، محمود احمد غزنوی ملائکہ ، محمد اسامہ سَرسَری ، فرحت کیانی

 

[محمد یعقوب آسی]

آپ کا موگلی ٹھیک چل رہا ہے،
تاہم مجھے رڈیارڈ کپلنگ کی کہانی میں ایک خاص مقصدیت دکھائی دیتی ہے جو بہت اچھی نہیں ہے۔
یہ ضرور دھیان میں رکھئے گا کہ ذہن سازی کا وہی خاص مقصد جو رڈیارڈ کے پیشِ نظر تھا، آپ بھی اسی کے مبلغ تو نہیں بن رہے؟

 

[سید عاطف علی]

آپ کا موگلی ٹھیک چل رہا ہے،
تاہم مجھے رڈیارڈ کپلنگ کی کہانی میں ایک خاص مقصدیت دکھائی دیتی ہے جو بہت اچھی نہیں ہے۔
یہ ضرور دھیان میں رکھئے گا کہ ذہن سازی کا وہی خاص مقصد جو رڈیارڈ کے پیشِ نظر تھا، آپ بھی اسی کے مبلغ تو نہیں بن رہے؟

خلیل بھائی آسی بھائی کا مطلب ہے کہ" ربودم دانہ و دامش گسستم " کا خیال رکھیں ۔