-
مَنْ صَمَتَ نَجَا۔ ۔۔
جو خاموش ہو گیا، وہ نجات پا گیا۔۔۔(سنن ترمذی و مسند امام احمد)
آقا علیہ الصلاۃ والسلام کا یہ فرمان جوامع الکلم سے ہے۔ ۔۔
موتیوں جیسے ان تین الفاظ پر کتابیں لکھی جا سکتی ہیں۔ ایک عام آدمی بھی اس پہ تھوڑا غور و فکر کرے تو اس کی برکتوں سے محروم نہیں رہے گا۔۔۔
وباللہ التوفیق۔۔۔
دل سے ہر وقت کوئی کہتا ہے
میں نہیں تجھ سے جدا، غور سے سُن!
صلُّو علٰی الحبیب۔۔۔
صل اللہ تعالٰی علٰی سیدنا محمد،
صل اللہ علیہ وآلہ وسلم۔۔۔
جنت کے بالا خانے۔۔۔
اہل جنت ایک دوسرے کے بالا خانوں کو اس طرح دیکھیں گے جس طرح تم آسمان پر چمکتے ستاروں کو دیکھتے ہو۔ (یعنی درجات کے تفاوت کی وجہ سے اتنے دور نظر آئیں گے، اور ایک درجے کا دوسرے درجے سے فاصلہ زمین و آسمان کے درمیانی فاصلے جیسا ہو گا)
(بخاری ، مسلم، مسند احمد، سنن دارمی،ابن حبان)
فلیتنافس المتنافسون۔ تو کوشش کرنے والوں کو اس کے لیے کوشش کرنی چاہیے۔۔۔
وچھوڑے دے میں صدمے روز جھلّاں یا رسول اللہ
کراں میں تیریاں دن رات گلّاں یا رسول اللہ
ہوائے وگدی اے لے جا مدینے اتھرو میرے
تے آکھیں ہور کی میں نذر گھلّاں یا رسول اللہ
(محمد علی ظہوری)
ہجرت کرنا سنت ہے لیکن دین وایمان کی حفاظت کے لیے، ناکہ اپنے اور اپنی نسلوں کے دین وایمان کو داؤ پر لگانے کے لیے۔ ۔۔
صل اللہ علیہ وسلم !
مختصر ترین درود شریف ہے،
اپنی زبان کو اس سے تروتازہ رکھیں۔۔۔
بیٹیاں ، جنت کی ٹکٹیں!!!
رسول اللہ ﷺ نے فرمایا: ”جس نے دو لڑکیوں کی پرورش وتربیت کی یہاں تک کہ وہ بالغ ہو گئیں تو وہ روز قیامت اس حال میں آئے گا کہ میں اور وہ ان دو انگلیوں کی طرح (قریب قریب) ہوں گے“۔ (یہ کہہ کر) آپ ﷺ نے اپنی انگلیوں کو آپس میں ملا لیا۔(صحیح مسلم و سنن ترمذی)۔
گویا بیٹیاں جنت کی ٹکٹیں ہیں، جو اچھی تربیت اور حسن سلوک سے کنفرم ہو جاتی ہیں۔۔۔سبحان اللہ۔
اتَّقُوا النَّارَ وَلَوْ بِشِقِّ تَمْرَةٍ، فَمَنْ لَمْ يَجِدْ فَبِكَلِمَةٍ طَيِّبَةٍ ".
اللہ کے رسول صلی اللہ علیہ وآلہ وسلم نے فرمایا
جہنم کی آگ سے بچو، خواہ کھجور کا ایک ٹکڑا دے کر ہی سہی، اور اگر یہ بھی نہ ملے تو اچھی بات کے ذریعے۔۔۔
(متفق علیہ)
"عَنِ ابْنِ مَسْعُوْدٍ قَالَ، قَالَ رَسُوْلُ اﷲِ صلی اللہ علیہ وسلم اَوْلَی النَّاسَ بِی یَوْمَ الْقِیَامَۃِ اَکْثَرُ ھُمْ عَلَیَّ صَلَاۃً". (رواہ الترمذی)
حضرت عبداللہ ابن مسعود (رضی اللہ عنہ) راوی ہیں کہ رحمت عالم ﷺ نے فرمایا قیامت کے دن لوگوں میں سب سے زیادہ مجھ سے قریب وہ لوگ ہوں گے جو مجھ پر کثرت سے درود پڑھتے ہوں گے۔۔۔
(سنن ترمذی)
میرے رسول کہ نسبت تجھے اجالوں سے
میں تیرا ذکر کروں صبح کے حوالوں سے
نہ میری نعت کی محتاج ذات ہے تیری
نہ تیری مدح ہے ممکن مرے خیالوں سے
واہ، احمد فراز۔ اللہ عزوجل ان اشعار کو آپ کی مغفرت کاملہ کا ذریعہ بنائے۔آمین۔۔۔
اے مدینے کے تاجدار تجھے اہل ایماں سلام کہتے ہیں
تیرے عشاق تیرے دیوانے جان جاناں سلام کہتے ہیں
صل اللہ علی النبی الامی وآلہ صل اللہ علیہ وسلم۔۔۔
ام المؤمنین حضرت عائشہ صدیقہ رضی اللہ عنہا فرماتی ہیں کہ ایک دن رسول اللہ صل اللہ علیہ وآلہ وسلم گھر میں داخل ہوئے تو روٹی کا ایک ٹکڑا زمین پر پڑا دیکھا۔ آپ نے اسے اٹھایا ، صاف کیا اور کھا لیا۔ پھر آپ نے فرمایا، اے عائشہ اللہ کی نعمتوں کا اکرام کرنا چاہیے، کیونکہ یہ کم ہی کسی گھر سے نکل کر واپس آتی ہیں۔۔۔
(سنن ابن ماجہ)
درود شریف اللہ کی تمام معلوم و نامعلوم رحمتوں نوازشوں میں سب سے بڑی رحمت و نوازش ہے جس کو دائمی تسلسل کے ساتھ جاری رکھنا اللہ کو محبوب ہے۔ اس سے بڑھ کر ہماری کیا کامیابی ہو گی کہ اللہ کی سب سے بڑی رحمت جو ایک نورانی دھارے کی طرح ابد تک رسول اللہ ﷺ کی طرف رہے گی ، اس کی ایک بوند میں بھی بن جاؤں اور وہ ایک بوند بننے کا موقع اللہ نے مجھے ایک حکم کی طرح دیا ہے۔ یہ بہت فخر، بہت اطمینان اوربہت شکر کی بات ہے۔
(احمد جاوید)
یاد دہانی!!!
جمعہ کا دن باقی دنوں کا سردار ہے۔ اس دن کی برکتوں اور رحمتوں سے حصہ پانے کا ایک بہترین طریقہ درود شریف کی کثرت ہے۔ اس لیے آج کے دن اپنے لبوں کو نبئ رحمت صل اللہ علیہ وآلہ وسلم پر درود شریف کی کثرت سے تر رکھیے۔ اللہ عزوجل آپ کا حامی و ناصر ہو۔۔۔
اللٰھم صل وسلم وبارک علٰی محمد وعلٰی آل محمد کما صلیت وسلمت وبارکت علٰی ابراہیم وعلٰی آل ابراہیم انک حمید مجید۔۔۔
فی زمانہ الحادی یلغار اور ہماری کمزور ایمانی حالت، باطنی ایمان کا فقدان ، دنیا کی محبت، اخلاقی پستی، اللہ عزوجل سے غیر معیاری تعلق، اس کی وجوہات، اور ان سب کا علاج بذریعہ محبت رسول صل اللہ علیہ وآلہ وسلم اور اس میں درود شریف کا کردار، درود کا مطلب، درود شریف کی تاثیر اور اس کی معنویت کے حوالے سے دل کے دروازے کھولنے والا ، احمد جاوید صاحب کا ایک نہایت ہی دلنشیں بیان۔۔۔
یاد دہانی!!!
جمعہ کا دن باقی دنوں کا سردار ہے۔ اس دن کی برکتوں اور رحمتوں سے حصہ پانے کا ایک بہترین طریقہ درود شریف کی کثرت ہے۔ اس لیے آج کے دن اپنے لبوں کو نبئ رحمت صل اللہ علیہ وآلہ وسلم پر درود شریف کی کثرت سے تر رکھیے۔ اللہ عزوجل آپ کا حامی و ناصر ہو۔۔۔
صل اللہ علی النبی الامی وآلہ ، صل اللہ علیہ وسلم۔۔۔
ملک کے حالات دیکھ کر یوں لگتا ہے کہ ہم بحیثیت قوم اپنے راستے سے بھٹک چکے ہیں۔اوپر سے لے کر نیچے تک ایک افراتفری مچی ہے۔
آئیں اپنا محاسبہ کریں، اللہ سے اپنی غلطیوں کی معافی مانگیں اور مغفرت و ہدایت کا سوال کریں۔
اے اللہ! ہمارے احوال کی اصلاح فرما اور ہمارے دلوں کو آپس میں الفت و محبت کی ڈوری سے باندھے رکھ۔ آمین۔۔۔ -
لوڈ ہو رہا ہے…
-
لوڈ ہو رہا ہے…
-
لوڈ ہو رہا ہے…