ہے کوئی اہل دل جو خریدے میرا مزاج
میں زخم بیچتا ہوں محبت کے بھاؤ میں
میں زخم بیچتا ہوں محبت کے بھاؤ میں
-
آپﷺ روحِ جہانانِ کُل ہیں تبھی، رب سے ملنے گئے عرش پر جس گھڑی
ایک سکتہ ہر اک شے پہ طاری ہوا، جو جہاں تھی وہیں تھم گئی زندگی
حسیب جمال
ماضی جیسا بھی ہو مت گھبرائیں ,مستقبل کہیں سے بھی ہرا بھرا ہو سکتا ہے اور زندگی کہیں سے بھی شروع ہوسکتی ہے۔
آپ بے بس، کمزور ہیں۔بس امید،صبر اور ہمت سے جڑے رہیں کہ یہی زندگی ہے۔
آپ دیکھنے میں کیسے لگتے ہیں اس بات کا اثر بس چند منٹ تک رہتا ہے مگر آپ کے لب و لہجے کا تاثر ہمیشہ قائم رہتا ہے۔
تنقید اور تعریف دونوں ہی ذہنی نشونما اور بہترین شخصیت کا ایک اہم جز ہیں۔
دونوں کو قبول کیجئے, پودوں کو بڑھنے لئے دھوپ اور بارش دونوں کی ضرورت پڑتی ہے۔
انسان کی اعلیٰ ظرفی کا سب سے خوبصورت پہلو یہ ہے کہ عداوت و مخالفت میں بھی اپنے میعار پرسمجھوتا نہیں کرتا۔
دیکھو یہ میرے خواب تھے، دیکھو یہ میرے زخم ہیں
میں نے تو سب حسابِ جاں بر سر عام رکھ دیا
احمدفراز
چہرے پہ سائے میں بھی خراشیں دکھائی دیں
آئینہء حیات پہ اتنی نظر نہ ہو
اختر عثمان
اردو محفل اور محفلین کیلیے آج کا دن بہت خاص ہے۔
آج استادِ محترم الف عین کی سالگرہ ہے۔
سالگرہ مبارک ہو استادِ محترم
دعا ہے کہ اللہ آپ کو برکت و عافیت والی لمبی عمر عطا کرے۔آمین۔
زندگی اے زندگی ڈھونڈیں گے تجھ کو کس طرح
کو بہ کو تو اس طرح پیہم جو بکھرائی گئی
نمرہ شکیل
نہ تیرا ہجر گوارہ , نہ گوارہ یہ کہ
تو کسی اور کی نسبت سے پکارا جائے
لو ، شام گئی، رات ہے ، کابوس ہے ، میں ہوں
میں صبح کا بھولا ہوں تو گھر کیوں نہیں جاتا
اختر عثمان
میں تو اس واسطے چپ ہوں کہ تماشا نہ بنے
تو سمجھتا ہے مجھے تجھ سے گلا کچھ بھی نہیں
اختر شمار
جانے کیوں تم کو عزیز اس قدر آخر ہیں ظہیرؔ
ٹوٹے پھوٹے سے ، یہ مجبور سے ، ناکام سے لوگ
ظہیرؔاحمد ظہیر
عشق کرتے تھے فقط پاس وفا رکھنے کو
لوگ سچ مچ کے وفادار ہوا کرتے تھے
سلیم کوثر
زندگی ایسی کہانی ہے جو سمٹے تو ظہیرؔ
ایک کتبے پہ دو لفظوں میں خلاصہ نکلے
ظہیرؔ احمد ظہیر
جُدائی کب رہی مُمکن، کسی حالت کوئی صُورت
مجھے، محفل ہو تنہائی، تِرا غم ڈھونڈ لیتا ہے
شفیق خلش
بن تِرے کائنات کا منظر
اک دسمبر کی شام ہو جیسے
درد ٹھہرا ہے آ کے یوں دل میں
عمر بھر کا قیام ہو جیسے
محسن نقوی
نصیحت دل نشیں رکھتا ہوں اُن خاموش آنکھوں کی
مگر بندہ بشر ہوں,رفتہ رفتہ بھول جاتا ہوں
ظفر اقبال
خود کو ترتیب دیا آخرِ کار از سرِ نو
زندگی میں ترا انکار، بہت کام آیا
ظفر اقبال -
لوڈ ہو رہا ہے…
-
لوڈ ہو رہا ہے…
-
لوڈ ہو رہا ہے…