نتائج تلاش

سکوں پیام اداؤں کو مہرباں دیکھو سمجھ گئے تو کوئی اور آستاں دیکھو وہی قیامتِ احساس ہے، جدھر جاؤ وہی حکایتِ لبریز ہے، جہاں دیکھو یہ زندگی ہے تمہاری، اگر خرید سکو نہیں تو خیر، وہی راہِ رفتگاں دیکھو یہ رنگ جن میں زمانوں کی آگ لرزاں ہے یہ خوابکارئ جذباتِ رائیگاں دیکھو یہ نرم خواب...

یہ جو ہم کبھی کبھی سوچتے ہیں رات کو رات کیا سمجھ سکے ان معاملات کو آنکھ جب اُٹھے بھر آئے، شعر اب کہا نہ جائے کیسے بھول جائیے ، بھولنے کی بات کو اے بہارِ سرگراں! تو خزاں نصیب ہے اور ہم ترس گئے تیرے التفات کو

شاعر: محبوب خزاں کتاب: اکیلی بستیاں انتخاب: نوید صادق

میرے دل میں بھی جگہ تو نے بنا لی دنیا شہر تو شہر تھا، صحرا نہیں چھوڑا تو نے

مرے بغیر کہانی نہیں بنے گی مگر جسے جنوں ہے اسے داستاں بدلنے دو

نجانے عکسِ غزل جا بسا کہاں اختر غزل سرائی تو ملزوم ہے ملاپ کے ساتھ

غزل کہتے ہوئے تیرا سراپا سوچتا ہوں ذرا تو سوچ تو میں تجھ کو کتنا سوچتا ہوں

اک غزل اور ہو گئی اختر اور اک اضطراب نکلا ہے

ترا نقشِ قدم تا حشر لو دیتا رہے گا ہمارے پاس اب اس کے سوا کیا رہ گیا ہے ہم اب کشکول ہاتھوں میں لئے پھرتے ہیں اختر کہ دریوزہ گری اپنا حوالہ رہ گیا ہے

چراغِ جسم! ادھر بات سن ہوا کی ذرا یہ شعلگی، یہ تپِ ہست ہے ذرا کی ذرا

رہی ہے ساتھ ہر ہر گام پر پرچھائیں تیری سفر سارا ہی تیری ہمرہی میں طے ہوا ہے

مہاجروں کے لئے ہر زمیں نہیں حبشہ یہ کیا ضرور کہ ہر بادشہ نجاشی ہو کسی سے بات بھی سرگوشیوں میں کرتا ہوں مبادا سن کے ہواؤں کی دلخراشی ہو

اک نقشِ کفِ پا ہوں سرِ جادہء سطوت پھر نقشِ کفِ پا بھی کسی کفش نشیں کا

کب ہم نے بھیک مانگ کے کھایا نہیں ہے رزق؟ کس روز اپنے ہاتھ سے کاسے جدا ہوئے؟

سرِ کوئے خرابی سر بسر بنتے رہیں گے تری تکمیل تک ہم ٹوٹ کر بنتے رہیں گے مکاں کے منہدم ہونے کا کوئی غم نہیں ہے مکیں باقی رہے تو اور گھر بنتے رہیں گے

مگر اپنے بھی اب گنتی کے دم خم رہ گئے ہیں کوئی آشفتہ سر باقی نہیں، ہم رہ گئے ہیں

تری نظر کے طلسمِ غزل سے گزرا ہوں میں ٹوٹ پھوٹ میں کیسے عمل سے گزرا ہوں مرا کمال کہ لُو کو صبا کیا میں نے مرا نصیب کہ ہر بار تھل سے گزرا ہوں

کوئی لکھتے ہوئے تھکتا نہیں اس عمر کے پرچے کسی سے ممتحن اوراق سادہ چھین لیتا ہے

تو وہ گھر بھی جلا دے گا ہمارے! تو غصہ ہے خس و خاشاک پر بھی!

کچھ ہم ترے معیار پہ پورے نہیں اترے کچھ تو بھی کہ مشہور تھا جیسا، نہیں نکلا پوشاک رفو کار کے کیا کہنے ہیں اختر اک تار گریبان میں اپنا نہیں نکلا