نتائج تلاش

وہ پرانی فلموں والے سسر ہمیں کیوں نہیں ملے جو کہتے تھے یہ لو بلینک چیک اور نکل جاؤ ہماری بیٹی کی زندگی سے۔

محبت میں تاج محل بنوانا لازمی نہیں، آپ برتن دھو کے بھی دل جیت سکتے ہیں۔

خوش قسمتی تو اُن لوگوں پر ہی ختم ہو جاتی ہے جو جتنا بھی کھا لیں پر موٹے نہیں ہوتے۔

کالی بلی راستہ کاٹ گئی تو ضروری نہیں کہ آپ کے لئے ہی منحوس اور بدشگون ہو، ایسا یہ بلی کے لیے بھی ہوسکتا ہے۔

جب کسی پر برا وقت آتا ہے تو عزیز دوست احباب اس کے پیچھے کھڑے ہوتے ہیں، یقین نہیں آتا تو شادی کا البم دیکھ لیں۔

خیبر پختونخواہ کے معصوم بچے سے استاد کے سوال پر کہ اکبر بادشاہ کی وفات کے بعد کیا ہوا؟ جواب تھا: کہ نہلا دھلا کر دفن کر دیا

ایک عورت کا غم مرد بہت اچھے سے سمجھ سکتا ہے مگر شرط یہ ہے کہ عورت نامحرم ہو۔

کبھی کبھی لگتا ہے کہ تمام پریشانیوں کی وجہ وہ ”میسج“ ہے جو دس لوگوں کو نہیں بھیجا۔

دنیا کے مشکل ترین سوالوں میں ”کیسی لگ رہی ہوں؟“ بھی ہے۔

اگر لوگوں کے دلوں میں زندہ رہنا چاہتے ہیں تو ان سے ادھار لے لیں۔

استخارہ تو ساس اور بہو کا کروانا چاہیئے، مرد بیچارے تو کہیں بھی گزارہ کر لیتے ہیں۔

پاکستانی ہونے کے ناطے ہمارا یہ فرض ہے کہ جہاں دو لوگوں کو جھگڑتے دیکھیں تو برائے مہربانی نیچے بیٹھ جائیں تاکہ پیچھے والوں کو بھی دیکھنے کا موقع مل سکے۔

ہمیشہ دوسروں کی غلطیوں سے سیکھنا چاہیئے، زندگی اتنی نہیں کہ سب ہی غلطیاں ہم خود کریں۔

ہمارے ملک میں حکومتوں کا سب سے اہم مشغلہ کمیٹیاں بنانا ہے اور عوام کا سب سے اہم مشغلہ کمیٹیاں ڈالنا ہے۔

المیہ یہ نہیں کہ ہماری قوم خراب ریموٹ کو زمین پر پٹخ کر یا ایک آدھ طمانچہ رسید کر کے ٹھیک کرنے کی کوشش کرتی ہے بلکہ المیہ یہ ہے کہ ایسا کرنے سے ریموٹ ٹھیک بھی ہو جاتا ہے۔

کچھ لوگ اتنے دکھی گانے سنتے ہیں کہ ان کے پاس بیٹھا بندہ بھی ان کی محبت کو مس کرنے لگا جاتا ہے۔

آج کل کے بچوں کے مارکس ٪ 98.4، ٪98.7، ٪99.1، ٪99.6، ٪99.8 ہمیں تو صرف بخار اتنا ہوتا تھا۔

امریکہ نے ایک مشین بنائی جو چور پکڑتی تھی اور پاکستان میں یہ مشین ہی پندرہ منٹ میں چوری ہو گئی۔

اگر کسی کا اخلاق دیکھنا ہو تو اس کا موبائل چارج سے ہٹا کر اپنا موبائل لگا دیں، تو آپ کو لگ پتہ جانا ہے۔

خواتین کی گفتگو کا پانچواں گیئر، ”بس بہن میرا منہ نہ کھلواؤ!“