کتابچۂ لطائف و مزاحیہ تحاریر (بلا تبصرہ - احباب صرف اپنا تاثر دیں۔ شکریہ)

[شعیب گناترا]

اکثر اوقات خواتین اتنی توجہ اور دلچسپی سے ٹی وی پر ڈرامے دیکھتی ہیں کہ اگر ہیروئن کے سر پر ڈانڈا لگ جائے تو یاداشت ان کی چلی جاتی ہے۔

 

[شعیب گناترا]

قسم سے ایک ساتھ سارے گناہ یاد آ جاتے ہیں جب بیگم صاحبہ یہ کہتی ہے کہ ”تم بیٹھو تم سے کچھ بات کرنی ہے۔“

 

[شعیب گناترا]

پاکستانی اگر پاکستان میں کسی جگہ کی خوبصورتی کو بیان کرتے ہیں تو یوں کہتے ہیں؛ ”اس جگہ جاؤ لگتا ہی نہیں کہ آپ پاکستان میں ہو۔“

 

[شعیب گناترا]

بیوی اگر آنکھوں میں آنسو بھر کر کہے آپ مجھ سے بالکل محبت نہیں کرتے تو دو گھنٹے ڈائیلاگ مار کر یقین دلانے سے بہتر ہے، نئے سوٹ کے پیسے دےدیں۔

 

[شعیب گناترا]

ایک عورت کے لیے اس سے بڑھ کر خودکشی کا جواز اور کیا ہو سکتا ہے کہ دوسری عورت نے بھی اس ہی رنگ، ڈئیزائن کے کپڑے پہنے ہوں۔

 

[شعیب گناترا]

کئی لڑکیاں صرف اس لئے برقعہ لیتی ہیں کہ استری کرتے ہوئے انہیں موت پڑتی ہے۔

 

[شعیب گناترا]

کچھ عظیم لوگ ایسے بھی ہیں کہ اگر ان کا موبائل اون نہ ہو رہا ہو تو بیٹری نکال کے چاٹ کر اون کر لیتے ہیں۔

 

[شعیب گناترا]

زندگی میں رشتے دار بات کرنا پسند نہیں کرتے، مرنے کے بعد منجھی ہلا ہلا کے کہتے ہیں؛ ”بول نا بولدا کیوں نہیں!“

 

[شعیب گناترا]

اگر کسی جگہ ایک سے زیادہ انتظاری قطاریں ہونے کی صورت میں آپ ایک قطار چھوڑ کر دوسری میں جا کر کھڑے ہوں تو پہلے والی قطار تیزی سے چلنا شروع ہوجاتی ہے۔

 

[شعیب گناترا]

خواتین کی گفتگو کا پانچواں گیئر،
”بس بہن میرا منہ نہ کھلواؤ!“

 

[شعیب گناترا]

اگر کسی کا اخلاق دیکھنا ہو تو اس کا موبائل چارج سے ہٹا کر اپنا موبائل لگا دیں، تو آپ کو لگ پتہ جانا ہے۔

 

[شعیب گناترا]

امریکہ نے ایک مشین بنائی جو چور پکڑتی تھی اور پاکستان میں یہ مشین ہی پندرہ منٹ میں چوری ہو گئی۔

 

[شعیب گناترا]

آج کل کے بچوں کے مارکس ٪ 98.4، ٪98.7، ٪99.1، ٪99.6، ٪99.8 ہمیں تو صرف بخار اتنا ہوتا تھا۔

 

[شعیب گناترا]

کچھ لوگ اتنے دکھی گانے سنتے ہیں کہ ان کے پاس بیٹھا بندہ بھی ان کی محبت کو مس کرنے لگا جاتا ہے۔

 

[شعیب گناترا]

المیہ یہ نہیں کہ ہماری قوم خراب ریموٹ کو زمین پر پٹخ کر یا ایک آدھ طمانچہ رسید کر کے ٹھیک کرنے کی کوشش کرتی ہے بلکہ المیہ یہ ہے کہ ایسا کرنے سے ریموٹ ٹھیک بھی ہو جاتا ہے۔

 

[شعیب گناترا]

ہمارے ملک میں حکومتوں کا سب سے اہم مشغلہ کمیٹیاں بنانا ہے اور عوام کا سب سے اہم مشغلہ کمیٹیاں ڈالنا ہے۔

 

[شعیب گناترا]

ہمیشہ دوسروں کی غلطیوں سے سیکھنا چاہیئے، زندگی اتنی نہیں کہ سب ہی غلطیاں ہم خود کریں۔

 

[شعیب گناترا]

پاکستانی ہونے کے ناطے ہمارا یہ فرض ہے کہ جہاں دو لوگوں کو جھگڑتے دیکھیں تو برائے مہربانی نیچے بیٹھ جائیں تاکہ پیچھے والوں کو بھی دیکھنے کا موقع مل سکے۔

 

[شعیب گناترا]

استخارہ تو ساس اور بہو کا کروانا چاہیئے، مرد بیچارے تو کہیں بھی گزارہ کر لیتے ہیں۔

 

[شعیب گناترا]

اگر لوگوں کے دلوں میں زندہ رہنا چاہتے ہیں تو ان سے ادھار لے لیں۔