آج کا شعر۔۔۔۔(2)

[مغزل]

دو ہی باذوق آدمی ہیں عدم
میں ہوا یا مرا رقیب ہوا

 

[گرو جی]

وہ تو بجلی ہے پل بھر میں چلی جائے گی
مسئلہ عوام کا ہے وہ کدھر جائے گی

 

[مغزل]

گرو بھیا خدا کیلئے تھریڈ مت خراب کیجئے ۔۔
یہاں پر اپنی پیڑوڈی مت چسپاں کیجیئے ۔۔۔ امید ہے آپ برا نہ منائیں گے۔
یہاں " آج کا شعر " لکھنا ہے نہ کہ محض لڑی کا پیٹ بھرنا مقصود ہے،

 

[زھرا علوی]

میں اس کا لمحہِ موجود ہوں مگر وہ شخص
فضول وقت سمجھ کر گزارتا ہے مجھے۔۔۔۔۔۔۔۔۔۔

 

[گرو جی]

ہمیں خبر ہے ہوا کا مزاج رکھتے ہو
مگر یہ کیا کہ ذرا دیر کو رکے بھی نہیں

معذرت آئندہ خیال رکھوں گا

 

[محمد وارث]

اوّل اوّل چند دھبّے تھے وفورِ رنگ کے
شدّتِ تخلیقِ فن سے جو جہاں بنتے گئے

(احمد ندیم قاسمی)

 

[فرخ منظور]

رنگ پیراہن کا خوشبو ہے زلف لہرانے کا نام
موسمِ گل ہے تمہارے بام پر آنے کا نام
(فیض احمد فیض)

 

[زینب]

ہم نے دیکھا ہے چراغوں کو حفاظت کے لیے
بجھتے بجھتے بھی ہواؤں سے الجھ پڑتے ہیں

دیکھ فرعون کے لہجے میں تو بات نا کر

ہم تو پاگل ہیں خداؤں سے الجھ پڑتے ہیں

 

[گرو جی]

جان و تن کچھ نہیں ، اک حلقہ ء گرداب سا ہے
عکس امید بھی لہروں‌میں کہیں‌خواب سا ہے
یاد کرنا تو کجا اس کو فراموش کیے
اک مدت ہوئی پلکوں‌پہ مگر آب سا ہے
انجم اعظمی

 

[mfdarvesh]

اب ہوائیں‌کریں گی روشنی کا فیصلہ
جس دیے میں جان ہو گی وہی دیا رہ جائے گا

 

[محمداحمد]

تم بھی بالوں میں لئے برف چلے آئے ہو
میں بھی اک شکوہ ء تاخیر لئے پھرتا ہوں

سجاد ہاشمی

 

[راجہ صاحب]

موتی سمجھ کے شانِ کریمی نے چن لئے
قطرے جو تھے مرے عرقِ انفعال کے

(اقبال)

 

[عیشل]

کبھی کبھی جو تیرے قرب میں گذارے تھے
اب اُن دنوں کا تصوّر بھی میرے پاس نہیں
مجھے یہ ڈر ہے تیری آرزو نہ مٹ جائے
بہت دنوں سے طبیعت میری اداس نہیں​

 

[محمد وارث]

روشن ہے وہ ہر ایک ستارے میں، زلیخا
وہ نور جو تُو نے مہِ کنعان میں دیکھا

(سودا)

 

[فرخ منظور]

سب رقیبوں سے ہوں ناخوش پر زنانِ مصر سے
ہے زلیخا خوش کہ محوِ ماہِ کنعاں ہو گئیں
(غالب، جو رہا نجات کا طالب)

 

[گرو جی]

خبر تحیر عشق سن، نہ جنوں رہا نہ پری رہی
نہ وہ میں رہا، نہ تو رہی، جو رہی سو بے خبری رہی

وہ عجب گھڑی تھی کہ جس گھڑی لیا درس نظام عشق کا
کہ کتاب عقل کی طاق پر جوں‌دھری یونہی دھری رہی

 

[ایم اے راجا]

رنگ لایا ہے یہ آخر میری چاہت کا جنوں
میری پلکوں پہ ستاروں کے سوا کچھ نہیں

میری آنکھوں کی اداسی پہ نہ جاؤ جاناں
میری آنکھوں میں شراروں کے سوا کچھ نہیں​

( گلشن آرا )

 

[مغزل]

خبر تحیر عشق سن، نہ جنوں رہا نہ پری رہی
نہ وہ میں رہا، نہ تو رہی، جو رہی سو بے خبری رہی

وہ عجب گھڑی تھی کہ جس گھڑی لیا درس نظام عشق کا
کہ کتاب عقل کی طاق پر جوں‌دھری یونہی دھری رہی

گرو جی ::: یہ اشعار اس طرح ہیں ۔۔۔

خبرِ تحّیرِ عشق سُن، نہ جنوں رہا، نہ پری رہی
نہ تو تُو رہا، نہ تو میں رہا، جو رہی سو بے خبری رہی

وہ عجب گھڑی تھی کہ جس گھڑی لیا درس نسخہء عشق کا
کہ کتاب، عقل کی طاق پر جو دھری تھی سو وہ دھری رہی

(سراج اورنگ آبادی)

 

[مغزل]

[font="urdu_emad_nastaliq"]تم کو تو قتل بھی جائز ہو بنامِ غیرت
میں اگر شعر بھی کہہ دوں تو بغاوت ٹھہرے[/font]

صائمہ علی زیدی (اسلام آباد)​

 

[مغزل]

خرامِ موجہء بادِ صبا سے ملتی رہے
تری خبر مجھے ابرِ رسا ملتی رہے

صائمہ علی