آج کا شعر - 3

[محمداحمد]

جن کے چہرے ہوں چاند کی صورت
اُن کے دل میں بھی داغ ہوتے ہیں

 

[مغزل]

چمن والوقفس کی قید بے میعاد ہوتی ہے
تمہی آنا تو آجانا ، مرا آنا تو کیا ہوگا
استاد قمر جلالوی

 

[خورشیدآزاد]

ہر وقت کا ہنسنا تجھے برباد نہ کردے
تنہائی کے لمحوں میں کبھی رو بھی لیا کر

(محسن نقوی)

 

[محمداحمد]

دکھ ہی ایسا تھا کہ رویا ترا محسن ورنہ
غم چھپا کر اُسے ہنستے ہوئے اکثر دیکھا

 

[ش زاد]

ہمیں حیرت سے دریا دیکھتا ہے
ہم اپنی موج میں آ ئے ہُوئے ہیں​

پروفیسر یوسف حسن​

 

[مغزل]

لوگوں نے اس کو میری محبت سمجھ لیا
محسن وہ مجھ کو جان سے پیارا تھا اور بس
محسن نقوی

 

[ش زاد]

مِرا جی چاہتا ہے تُم کبھی میری طرف دیکھو
میں اِن بے نُور آنکھوں سے تمھارا دیکھنا ،دیکھوں
تِری آنکھوں میں اب مُجھ کو نظر آنے لگا چہرہ
مُجھے اب کیا ضرورت ہے کہ کوئی آئینہ دیکھوں

ہارون ھمدم """محرومِ بِصارت"""​

 

[محمداحمد]

دیکھنا دہلیز پر ہوگی بہار
زرد پتّوں سے یہ آنگن بھر چکا

لیاقت علی عاصم

 

[ش زاد]

جہاں بانی سے ہے دُشوار تر کارِجہاں بینی
جِگر خوں ہو تو چشمِ دِل میں ہوتی ہے نظر پیدا

اقبال

 

[مغزل]

گھر کی تقسیم کےسوا عاصم
کوئی تقریب میرے گھر نہ ہوئی

لیاقت علی عاصم

 

[ش زاد]

جو کھُلی کھُلی تھیں عداوتیں مُجھے راس تھیں
یہ جو زہر خند سلام تھے مُجھے کھا گئے

 

[مغزل]

فگار پاؤں مرے ، اشک نا رسا میرے
کہیں تو مل مجھے، اے گمشدہ خدا میرے

مصطفیٰ زیدی

 

[محمداحمد]

خدا کی اتنی بڑی کائنات میں ، میں نے
بس ایک شخص کو مانگا مجھے وہی نہ ملا

 

[مغزل]

ضروری تو نہیں‌ہم جھیل کہہ دیں
اگر پانی کہیں ٹھہرا ہوا ہے
مقبول زیدی (سہارنپوری)

 

[فرحت کیانی]

آدمی ٹکڑوں کی صورت میں ہوا ہے منتشر
وحدتِ فکر و نظر والے بشر ملتے نہیں

ظہیر کاشمیری

 

[محمداحمد]

تمھیں‌ سو رُخ نظر آئیں گے اپنے
میں آئینہ ہوں اور ٹوٹا ہوا ہوں

​

 

[طالوت]

انجام پہ پہنچوں گا میں انجام سے پہلے
میری کہانی بھی اب سنائے گا کوئی اور
(آنس معین)
وسلام

 

[محمداحمد]

پھر یوں ہوا کہ درد کی لذت بھی چھن گئی
اک شخص موم سے مجھے پتھر بنا گیا

عبیدالرحمٰن عبید

 

[مغزل]

دیکھے ہیں بہت ہم نے ہنگامے محبت کے
آغاز بھی رسوائی ، انجام بھی رسوائی

 

[محمداحمد]

کل بچھڑنا ہے تو پھر عہدِ وفا سوچ کے باندھ
ابھی آغازِ محبت ہے گیا کچھ بھی نہیں