آج کا شعر - 3

[فرحت کیانی]

شکوہء ظلمتِ شب سے تو کہیں بہتر تھا
اپنے حصے کی کوئی شمع جلاتے جاتے

احمد فراز

 

[محمداحمد]

دل سےملتی تو ہے اک راہ کہیں سے آکر
سوچتا ہوں یہ تیری راہ گزر ہے کہ نہیں

 

[مغزل]

تقسیم بھائیوں میں ہوا گاؤں کا مکان
آنگن کا سایہ دار شجر کاٹنے کے بعد

( بھارت: بدایوں کے ایک 12 سالہ بچے کی غزل سےایک شعر)

 

[محمداحمد]

تقسیم بھائیوں میں ہوا گاؤں کا مکان
آنگن کا سایہ دار شجر کاٹنے کے بعد

( بھارت: بدایوں کے ایک 12 سالہ بچے کی غزل سےایک شعر)

غزل نہیں پیش کیجے گا محترم؟

آنگن میں‌ گھنے پیڑ کے نیچے تری یادیں‌
میلہ سا لگا دیتی ہیں اچھا نہیں کرتیں

 

[فرخ منظور]

دل گرفتہ ہی سہی بزم سجا لی جائے
یادِ جاناں سے کوئی شام نہ خالی جائے

(فراز)

 

[محمداحمد]

اس زندگی میں اتنی فراغت کسے نصیب
اتنا نہ یاد آ کے تجھے بھول جائیں‌ ہم

 

[فرخ منظور]

بھولے سے مسکرا تو دئیے تھے وہ آج فیض
مت پوچھ ولولے دلِ ناکردہ کار کے

(فیض)

 

[مغزل]

بندگی میں بھی وہ آزادہ و خود بیں ہیں کہ ہم
الٹے پھر آئے ، درِ کعبہ اگر وا، نہ ہوا
غالب۔

 

[زینب]

کہانیاں ہی سہی سب،مبالغے ہی سہی

اگر وہ خواب ہے تعبیر کر کے دیکھتے ہیں

اب اس کے شہر میں‌ٹھہریں کہ کوچ کر جایئں

فراز آو ستارے سفر کے دیکھتے ہیں

 

[فرخ منظور]

بندگی میں بھی وہ آزادہ و خود بیں ہیں کہ ہم
الٹے پھر آئے ، درِ کعبہ اگر واہ نہ ہوا
غالب۔

واہ واہ مغل صاحب بہت خوبصورت شعر ہے لیکن "درِ کعبہ واہ نہیں وا ہے"
میرے ایک دوست کے والد حج پر تشریف لے گئے لیکن کعبہ میں بھیڑ دیکھ کر واپس آگئے حج کیے بغیر اور یہ واقعہ سن کر مجھے غالب کا یہی شعر یاد آگیا -

بندگی میں بھی وہ آزادہ و خودبیں ہیں کہ ہم
الٹے پھر آئے ، درِ کعبہ اگر وا نہ ہوا

 

[محمداحمد]

بندگی میں بھی وہ آزادہ و خود بیں ہیں کہ ہم
الٹے پھر آئے ، درِ کعبہ اگر واہ نہ ہوا
غالب۔

در تو ہمیشہ ہی وا ہوتا ہے، یہ "ہ" یقیناً مغل بھائی نے بے دھیانی میں داغ دی ہے ۔

 

[محمداحمد]

یہ آئینے جو تمھیں کم پسند کرتے ہیں
انہیں خبر ہے تمھیں ہم پسند کرتے ہیں

​

 

[فرخ منظور]

نشاطِ وصل کی جو آرزو تھی
اب اس سے بھی عداوت ہوگئی ہے

آداب!

 

[مغزل]

در تو ہمیشہ ہی وا ہوتا ہے، یہ "ہ" یقیناً مغل بھائی نے بے دھیانی میں داغ دی ہے ۔

بہرت شکریہ ۔۔۔۔۔۔۔ فرخ بھائی اور احمد ۔۔ میں نے مدون کرلیا ہے ۔۔
عجلت میں ہائے ہّوز کا اضافہ ہوگیا ۔۔ میں شرمسار ہوں۔

 

[مغزل]

پھر اس کے بعد گرگیا سونے کا بھاؤ بھی
اک شام اس نے کان سے جھمکا اتارا تھا
اختر رضاسلیمی

 

[فرخ منظور]

بہرت شکریہ ۔۔۔۔۔۔۔ فرخ بھائی اور احمد ۔۔ میں نے مدون کرلیا ہے ۔۔
عجلت میں ہائے ہّوز کا اضافہ ہوگیا ۔۔ میں شرمسار ہوں۔

شکر ہے حائے حطی کا اضافہ نہیں کیا -

 

[فرخ منظور]

دیکھا اسد کو خلوت و جلوت میں بارہا
دیوانہ گر نہیں ہے تو ہشیار بھی نہیں
(اسداللہ خان غالب)

 

[نوید صادق]

اک نقش ہو نہ پائے اِدھر سے اُدھر مرا
جیسا تمہیں ملا تھا میں ویسا جدا کرو

شاعر: شاہین عباس

 

[پیاسا صحرا]

کیسے کہہ دوں کہ بدلتے ھوئے لمحے تم ھو
بے وفا وقت بھی اتنا نہیں جتنے تم ھو
آؤ اس بار کسی شخص کو ضامن کر لیں
میرے نزدیک تو ھر بار بدلتے تم ھو

جاوید قاسم

 

[پیاسا صحرا]

یہ کون دست و گریباں رہا ھے موجوں سے
یہ کیسے نشاں ھیں پانی پہ انگلیوں جیسے

جاوید قاسم