آج کا شعر - 3

[ش زاد]

ہو گئی شام تو کشکول اُلٹ کر دیکھا
اتنے سکے تھے کہ لوگوں نے پلٹ کر دیکھا

فیصل عجمی​

 

[مغزل]

کاگا سب تن کھئیو چن چن کھئیو ماس
دو نیناں مت کھیئو انہیں پیا ملن کی آس

 

[ش زاد]

محمود بھائی کاگا سے ہمیں بھی ایک شعر یاد آگیا

آپ کے لیے۔۔۔۔۔۔۔۔۔۔۔۔۔۔۔۔۔۔

تن اُجلا من گادرا بگلا جیسے بھیس
ایسے سے تو کاگا بھلے بہتر با ہر ایک​

 

[فہیم]

کسی کے ہجر میں یوں ٹوٹ کر رویا نہیں کرتے
یہ اپنا رنج ہے اور رنج کا چرچا نہیں کرتے

 

[مغزل]

شکریہ شین زاد،

تن مٹکی ، من دھی ، سرت بلوھن ھار
کبیرا ماکھن کھا گیو چھاچھ پئے سنسار

(کتاب بھگت کبیر، شاعر کبیر داس، مترجم ، منشی لال چند ، مطبوعہ ممبئی)
(جسم کو اگر ایک مٹکا سمجھیں تو دل کو دھی اس جسم کے مٹکے میں دل کے دھی کو ڈال کے عقل کی مدھانی سے بلوھنے والے اس واردات کو کرکے مکھن خود کھا گئے اور لسی بیچارے لوگوں کے لیے رہ گئی)

 

[سارہ خان]

عیب کا دریافت کرنا، ہے ہنرمندی اسد
نقص پر اپنے ہوا جو مطلعِ، کامل ہوا

 

[فہیم]

پر تو خور سے، ہے شبنم کو فنا کی تعلیم
میں بھی ہوں اک عنایت کی نظر ہونے تک

 

[مغزل]

مختصر یہ کے کچھ دنوں سے مجھے
تم سے مل کر خوشی نہیں ہوتی

ثنا اللہ ظہیر

 

[محمداحمد]

مختصر یہ کے کچھ دنوں سے مجھے
تم سے مل کر خوشی نہیں ہوتی

ثنا اللہ ظہیر

بہت خوب

جون ایلیا یاد آگئے۔

گاہے گاہے بس اب یہی ہو کیا
تم سے مل کر بہت خوشی ہو کیا

 

[فرخ منظور]

ہنوز اِک پرتوِ نقشِ خیالِ یار باقی ہے
دلِ افسردہ گویا ہجرہ ہے یوسف کے زنداں کا

(غالب)

 

[زینب]

جو اداس ہین تیرے ہجر میں ،جنہیں بوجھ لگتی ہے زندگی

سر بزم یوں انہین دیکھ کر تیرا منہ چھپانے کا شکریہ '

جو زمانے بھر کا اصول تھا وہ اصول تم نے نبھا دیا

یہی رسم ٹھہرے کی معتبر مجھے بھول جانے کا شکریہ

 

[مغزل]

اگرچہ تجھ سے بہت اختلاف بھی نہ ہوا
مگر یہ دل تری جانب سے صاف بھی نہ ہوا
تعلقات کے برزخ میں ہی رکھا مجھ کو
وہ میرے حق میں نہ تھا اور خلاف بھی نہ ہوا

 

[راجہ صاحب]

افلاس نے بچوں کو بھی تہذیب سکھا دی
سہمے ہوئے رہتے ہیں شرارت نہیں کرتے

 

[فرخ منظور]

[font=&quot]مت گھبرانا دوست، غبارِ ناقہ سے
[font=&quot]ہم نے بھی اس دھول کو برسوں پھانکا تھا[/font]

[font=&quot]اُس کے گھر سے نکل کر ہم نے شام ڈھلے[/font]
[font=&quot]کچھ نہیں یاد کہ کتنے گھروں میں جھانکا تھا

(علامہ طالب جوہری)
[/font][/font]

 

[فہیم]

کناروں پر ساگر کے خزانے نہیں آتے
پھر جیون میں دوست پرانے نہیں آتے

جی لو ان پلوں کو ہنس کر ساتھ ہمارے
پھر لوٹ‌ کے دوستی کے زمانے نہیں آتے

 

[محمداحمد]

ہستی کے مت فریب میں آجائیو اسد
عالم تمام حلقہ دام خیال ہے


​

 

[محمداحمد]

گر کیا ناصح نے ہم کو قید، اچھا یوں سہی
یہ جنونِ عشق کے انداز چھٹ جائیں گے کیا

​

 

[مغزل]

میں اوجھل ہوگئی ماں کی نظر سے
گلی میں آئی جب بارات کوئی ۔۔۔

شہناز نور

 

[مغزل]

کل شب دلِ آوارہ کو سینے سے نکالا
یہ آخری کافر بھی مدینے سے نکالا

اقبال ساجد

 

[مغزل]

ہم کو اس جنگ کے اسباب نہیں ہیں معلوم
ہم تو بس شوقِ شہادت میں چلے آئے ہیں

سید اسد رضوی