آج کا شعر - 3

[نوید صادق]

پھر کسی درد نے کروٹ بدلی
اور چپکے سے کہا، اٹھ بیٹھو

شاعر: ظفر اقبال

 

[فرحت کیانی]

ہر بات پہ دیتے ہیں ہم غیروں کا حوالہ
اپنا کوئی آہنگ ، کوئی رنگ نہیں کیا؟

باقی صدیقی

 

[مغزل]

الجھا ہے پاؤں یار کا زلفِ دراز میں
ل۔و آج اپ۔نے دام م۔یں ص۔یّ۔ا د آگ۔یا

 

[محمد وارث]

الجھا ہے پاؤں یار کا زلفِ دراز میں
ل۔و آج اپ۔نے دام م۔یں ص۔یّ۔ا د آگ۔یا

میرے خیال میں مومن کے اس شعر کا دوسرا مصرع کچھ یوں ہے

"لو آپ اپنے دام میں صیّاد آ گیا"

 

[مغزل]

یقینا ایسا ہوسکتاہے ۔۔۔ میں نے بارہا یونہی پڑھا اور بزرگوں سے سنا ہے۔
بہر کیف انسانی غلطی کا احتمال رہتا ہے ۔۔ نشاندہی کیلئے شکریہ


کون اس گھر کی دیکھ بھال کرے
روز اک چیز ٹوٹ جاتی ہے
جون ایلیا !

 

[نوید صادق]

گھول جا دن بھر کا حاصل اس دلِ بے تاب میں
ڈوب جا، اے ڈوبتے سورج! مرے اعصاب میں

شاعر: خورشید رضوی

 

[مغزل]

جتنی مشکل ہے مجھے اتنی ہی آسانی ہے
میرا سامان مری بے سروسامانی ہے

خورشید عالم (مدیر روزنامہ ایکسپریس کراچی)

 

[محمد وارث]

یہ کس کے سوگ میں شوریدہ حال پھرتا ہوں
وہ کون شخص تھا ایسا کہ مر گیا مجھ میں

(رضی اختر شوق)

 

[مغزل]

خود پر حرام نشّہ ِ ‌رفتار کرلیا
جا اے غزال میں نے یہ ایثار کرلیا
لیاقت علی عاصم

 

[محمد وارث]

خود پر حرام نشّہ ِ ‌رفتار کرلیا
جا اے غزال میں نے یہ ایثار کرلیا
لیاقت علی عاصم

بہت خوبصورت شعر ہے، مغل صاحب ہو سکے تو یہ مکمل غزل "پسندیدہ کلام" میں شیئر کر دیں پلیز!

 

[آصف شفیع]

میرے خیال میں مومن کے اس شعر کا دوسرا مصرع کچھ یوں ہے

"لو آپ اپنے دام میں صیّاد آ گیا"

یہ مصرعہ اسی طرح ہے۔" آپ اپنے دام میں آنا" محاورہ استعمال کیا گیا ہے۔

 

[آصف شفیع]

وہ میرے پاس سے گذرے تو آج پھر میں نے
نگاہِ دشت سے ابرِ رواں کو دیکھ لیا
( خورشید رضوی)

 

[محمداحمد]

لبوں پہ رنگِ تبسم نہ دل میں موجِ سُرور
مرے وطن کے غریبوں‌ کی عید کیا ہوگی

​

 

[مغزل]

حسن نے خود کہا مصور سے
پاؤں پر میرے کوئی ہات بنا

غلام محمد قاصر !

 

[نوید صادق]

وہ بھی شائد رو پڑے ویران کاغذ دیکھ کر
میں نے اس کو آخری خط میں لکھا کچھ بھی نہیں

شاعر: ظہور نظر

 

[زینب]

انہیں صدیوں نا بھولے گا زمانہ

یہاں جو حادثے کل ہو گئے

جہنیں ہم دیکھ کر جیتے تھے ناصر

وہ لوگ آنکھوں سے اوجھل ہو گئے

 

[محمد وارث]

قریۂ جاں میں کہاں اب وہ سخن کے موسم
سوچ چمکاتی رہے رنگ گئی باتوں کے

(پروین شاکر)

 

[امیداورمحبت]

جن کے ملنے کی کوئی آس نہیں
عید ان کا خیال لاتی ہے ۔۔۔۔۔۔۔۔۔۔۔۔۔۔۔۔۔۔۔

 

[نوید صادق]

اپنے ہاتھوں کی خراشوں سے پریشان نہ ہو

سیکھتے سیکھتے آئینہ گری آتی ہے

شاعر: نوید صادق

 

[مغزل]

یہ تری یاد کا کرشمہ ہے
دوسرا دن بھی عید کا دن ہے

لیاقت علی عاصم