آج کا شعر - 3

[محمد وارث]

تمام عالمِ امکاں ہے اک خیال میں گُم
نہ پا سکے گا زمانہ کبھی خیال کی گرد

(خاطر غزنوی)

 

[شہر زاد]

ہزاروں مشکلیں ہیں دوستوں سے دُور رہنے میں
مگر اِک فائدہ ہے پیٹھ میں خنجر نہیں لگتا​

 

[مغزل]

خرامِ موجہِ‌بادِ‌صبا سے ملتی رہے
تری خبر مجھے ابرِ‌رسا سے ملتی رہے

صائمہ علی (اسلام آباد)

 

[محمد وارث]

لیتا ہوں مکتبِ غمِ دل میں سبق ہنوز
لیکن یہی کہ رفت 'گیا'، اور بُود 'تھا'

(غالب)

 

[مغزل]

وا حسرتا کہ یار نے کھینچا ستم سے ہاتھ
ہم کو حریصِ‌لذتِ آزار دیکھ کر ۔۔۔
اسداللہ خاں غالب

 

[نوید صادق]

ہنگامہء زبونئ ہمت ہے انفعال
حاصل نہ کیجے دہر سے، عبرت ہی کیوں نہ ہو

شاعر: غالب

 

[مغزل]

ڈھانپے کفن نے داغِ عیوبِ برہنگی
ورنہ میں ہر لباس میں ننگِ وجود تھا
چچا غالب

 

[محمد وارث]

ڈھانپے کفن نے داغِ عیوبِ برہنگی
ورنہ میں ہر لباس میں ننگِ وجود تھا
چچا غالب

ڈھانپا کفن نے داغِ عیوبِ برہنگی
میں ورنہ ہر لباس میں ننگِ وجود تھا

 

[فرخ منظور]

ڈھانپے کفن نے داغِ عیوبِ برہنگی
ورنہ میں ہر لباس میں ننگِ وجود تھا
چچا غالب

مغل صاحب صحیح شعر یوں ہے - قبلہ یہ دیوانِ غالب ہے اور یہ غیب سے حضرت غالب کو ملا تھا - ذرا احتیاط کیا کیجیے -

ڈھانپا کفن نے داغِ عیوبِ برہنگی
میں، ورنہ ہر لباس میں ننگِ وجود تھا

 

[محمد وارث]

ایک لطیفہ کسی کتاب میں پڑھا تھا کہ کسی استاد کے سامنے اسکے کسی شاگرد نے غالب کا ایک شعر غلط پڑھ دیا، کہنے لگے، میاں خیال رہے، یہ غالب کا کلام ہے صحیح پڑھو، کوئی قرآن حدیث تھوڑی ہے کہ جیسا جس کے جی میں آئے پڑھ دے

 

[مغزل]

میں ورنہ والی بات درست کہ میری غلطی ہے۔۔ ڈھانپے والا معاملہ حل نہ ہوا کہ میں نے ڈھانپے پڑھا ہے بارہا ۔۔

 

[فرخ منظور]

ایک لطیفہ کسی کتاب میں پڑھا تھا کہ کسی استاد کے سامنے اسکے کسی شاگرد نے غالب کا ایک شعر غلط پڑھ دیا، کہنے لگے، میاں خیال رہے، یہ غالب کا کلام ہے صحیح پڑھو، کوئی قرآن حدیث تھوڑی ہے کہ جیسا جس کے جی میں آئے پڑھ دے

واہ واہ حضور وارث صاحب کہنا تو میں بھی یہی چاہ رہا تھا لیکن فسادِ خلق سے ڈر گیا -

 

[مغزل]

حطیمِ دشت میں بیٹھے ہیں رم گزیدہ لوگ
بغیرِ جنبشِ لب ہم دعا بہ دیدہ لوگ
خرام کرتے ہوئے دل کی خانقاہ میں ہیں
یہ خرقہ پوش ترے، پیرہن دریدہ لوگ

(سیدے) اختر علی انجم (کراچی) المعروف اختر پیا

 

[فرخ منظور]

نہ دید ہے نہ سخن اب نہ حرف ہے نہ پیام
کوئی بھی حیلہء تسکیں نہیں پر آس بہت ہے
امیدِ یار، درد کا رنگ، نظر کا مزاج
تم آج کچھ بھی نہ پوچھو کہ دل اداس بہت ہے

(فیض)

 

[شہر زاد]

ہم کہ روٹھی ہوئی رُت کو بھی منا لیتے ہیں
ہم نے دیکھا ہی نہیں موسم ہجراں جاناں

احمد فراز

 

[محمد وارث]

ملا جو موقع تو روک دوں گا جلال روزِ حساب تیرا
پڑھوں گا رحمت کا وہ قصیدہ کہ ہنس پڑے گا عتاب تیرا

(جوش)

 

[شہر زاد]

چارہ سازوں سے الگ ہے میرا معیار کہ میں
زخم کھاﺅں گا تو کچھ اور سنور جاﺅں گا

احمد ندیم قاسمی

 

[نوید صادق]

ہر ظلم کو مسکرا کے سہنا
تیرا ہی ندیم حوصلہ ہے

شاعر: احمد ندیم قاسمی

 

[حسن علوی]

نہیں منت کشِ تابِ شنیدن داستاں میری
خموشی گفتگو ھے بے زبانی ھے زباں میری

(اقبال)

 

[محمد وارث]

مرے خدا ترے مراسم ان سے کس طرح کے ہیں
وہ لوگ جو خدا بنے ہوئے ہیں زیرِ آسماں

(پیرزادہ قاسم)