آج کا شعر - 4

[محمداحمد]

کچھ اس طرح سے وفا کی مثال دیتا ہوں
سوال کرتا ہے کوئی تو ٹال دیتا ہوں
اُسی سے کھاتا ہوں اکثر فریب منزل کا
میں‌جس کے پاؤں کا کانٹا نکال دیتا ہوں

 

[راجہ صاحب]

سیاہی جیسے گر جاوے دمِ تحریر کاغذ پر
مری قسمت میں یوں تصویر ہے شب ہائے ہجراں‌کی


غالب

 

[مغزل]

سیاہی جیسے گر جائے دمِ‌تحریر کاغذ پر
مری قسمت میں یوں‌ تصویر ہے شبہائےہجراں‌کی
میرزا اسد اللہ خاں غالب

(درست کرلیجیے ۔ شائد فونٹ کا کوئی مسئلہ ہے)

 

[مغزل]

اچھی گزر رہی ہے دلِ خود کفیل سے
لنگر سے روٹی کھاتا ہوں ، پانی سبیل سے

دنیا مرے پڑوس میں آباد ہے مگر
میری دعا سلام نہیں اس ذلیل سے

احمد جاوید
(حمزہ نامہ ،جیو )

 

[راجہ صاحب]

سیاہی جیسے گر جاوے دمِ تحریر کاغذ پر
مری قسمت میں یوں تصویر ہے شب ہائے ہجراں‌کی
میرزا اسد اللہ خاں غالب

(درست کرلیجیے ۔ شائد فونٹ کا کوئی مسئلہ ہے)

مجھے تو نہیں‌ لگا رہا کہ مزید کوئی غلطی ہے

 

[مغزل]

مجھے تو نہیں‌ لگا رہا کہ مزید کوئی غلطی ہے

خیر۔۔ جا نے کیو‌ں‌یہ مجھے یوں‌نظر آرہا ہے ، (اسکرین شوٹ)

 

[راجہ صاحب]

اب دیکھیں‌ محمود بھائی

 

[راجہ صاحب]

وہ کیسے لوگ تھے یا رب جنہوں نے پا لیا تجھ کو
ہمیں‌ تو ہو گیا دشوار اک انسان کا ملنا


نا معلوم

 

[مغزل]

سرِ‌مقتل کسی کا نام بھی لینا نہ تھا ممکن
بس ایک زنجیر توڑی اور زنداں سے نکل آئے
انور کیف (کراچی)

مکمل غزل کچھ دیر میں ۔۔۔

 

[راجہ صاحب]

میں‌ کھلی کتاب کی طرح‌ تیرے دل و نظر میں‌ ہوں
افسوس تو پڑھتا ہے مجھے بے رخی کے ساتھ


نامعلوم

 

[شاہ حسین]

کی محبّت تو سیاست کا چلن چھوڑ دیا ۔
ہم اگر پیار نہ کرتے تو حکومت کرتے

(مولانا کوثر نیازی )

 

[مغزل]

حکمت نہیں حکومت۔ کرتے ۔ مصرع میں تبدیلی کر لیجے شاہ جی، بہت خوب انتخاب ہے واہ

 

[شاہ حسین]

بہت شکریہ جناب مغل صاحب ٹائپنگ کی کوتاہی تھی ۔
توجہ دلانے کا شکریہ ۔

 

[مغزل]

کبھی کبھی کوئی ہوتا نہیں تصور میں
کبھی کبھی دمِ وحشت سکوں بھی ہوتا ہے

لیاقت علی عاصم

 

[راجہ صاحب]

آگہی دامِ شنیدن جس قدر چاہے بچھائے
مدعا عنقا ہے اپنے عالمِ تقریر کا


( غالب )

 

[راجہ صاحب]

دل نہیں، تجھ کو دکھاتا ورنہ، داغوں کی بہار
اِس چراغاں کا کروں کیا، کارفرما جل گیا


( غالب )

 

[راجہ صاحب]

درد مِنّت کشِ دوا نہ ہوا
میں نہ اچھا ہوا، برا نہ ہوا


( غالب )

 

[کاشفی]

کرتے وفا اُمید وفا پر تمام عمر
پر کیا کریں کہ اس کو سرِ امتحان نہیں
(مومن)

 

[راجہ صاحب]

عجب فسونِ خریدار کا اثر ہے کہ ہم
اسی کی آنکھ سے اپنے ہنر کو دیکھتے ہیں


(احمد فراز)

 

[کاشفی]

خیرہ نہ کر سکا مجھے جلوہِ دانشِ فرنگ
سرمہ ہے میری آنکھ کا خاکِ مدینہ و نجف
(شاعر مشرق شمس العارفین حضرت علامہ ڈاکٹر محمد اقبال رحمتہ اللہ علیہ)