آج کا شعر - 4

[فرخ منظور]

رات کو یاد ہے وہ آئے تھے
اور کچھ اس کے سوا یاد نہ تھا

(اردو ترجمہ، امیر خسرو)

 

[راجہ صاحب]

سیاہی جیسے گر جاوے دمِ تحریر کاغذ پر
مری قسمت میں یوں تصویر ہے شب ہائے ہجراں‌کی


غالب

 

[شاعر بدنام]

ہستی کا اعتبار بھی غم نے مٹا دیا
کس سے کہوں کہ داغ جگر کا نشان ہے

 

[راجہ صاحب]

وہ کیسے لوگ تھے یا رب جنہوں نے پا لیا تجھ کو
ہمیں‌ تو ہو گیا دشوار اک انسان کا ملنا


نا معلوم

 

[dxbgraphics]

خودی کو کر بلند اتناااااااااااااااااااااااااااااااااااااااااااااااااااااااااااا
کہ اوپر چڑھنے کے بعد اللہ تجھ سے پوچھے ابے گدھے اترے گا کیسے

 

[راجہ صاحب]

بس اتنے ہی جری تھے حریفانِ آفتاب
چمکی ذرا سی دھوپ تو کمروں میں آگئے

سلیم بیتاب

 

[شاعر بدنام]

زندگی یاد بھی آتی ہے تو یوں آتی ہے
جاگ اٹھے کسی وحشی کی تمنا جیسے

// خورشید احمد جامی

 

[کاشفی]

رو کے میں پوچھا کہ مقصد جانتے ہو تم مرا
ہنس کے بولا میں کسی کے کام سے واقف نہیں
یحیٰی امان قلند بخش لکھنؤی - تخلص جراءت

 

[راجہ صاحب]

الگ بیٹھے تھے پھر بھی آنکھ ساقی کی پڑی ہم پر
اگر ہے تشنگی کامِل تو پیمانے بھی آئیں گے
(نامعلوم)

 

[محمداحمد]

سرسری تم جہان سے گزرے
ورنہ ہر جا جہانِ دیگر تھا

میر تقی میر

 

[راجہ صاحب]

لکھتے رہے جنوں کی حکایاتِ خوں چکاں
ہر چند اس میں ہاتھ ہمارے قلم ہوئے
(مرزا غالب)

 

[محمداحمد]

وہ جو تیرے فقیر ہوتے ہیں
آدمی بے نظیر ہوتے ہیں

وہ پرندے جو آنکھ رکھتے ہیں
سب سے پہلے اسیر ہوتے ہیں

زندگی کے حسین ترکش میں
کتنے بے رحم تیر ہوتے ہیں

اے عدم احتیاط لوگوں سے
لوگ منکر نکیر ہوتے ہیں

 

[راجہ صاحب]

میں اداس راستہ ہوں شام کا، مجھے آہٹوں کی تلاش ہے
یہ ستارے سب ہیں بجھے بجھے، مجھے جگنوؤں کی تلاش ہے

وہ جو ایک دریا تھا آگ کا بس راستوں سے گزر گیا
ہمیں کب سے ریت کے شہر میں نہیں بارشوں کی تلاش ہے

 

[محمداحمد]

پرندے کل جہاں نغمہ سرا تھے
وہاں انبار ہے ٹوٹے پروں کا
مجھے دیتے رہے جھوٹی تسلّی
بڑا احسان ہے چارہ گروں کا

(شاعر ۔ نا معلوم)

 

[فرحان دانش]

بھڑک رہی ہےدہشت کی آگ چاروں طرف ۔۔۔
اب اپنے گھر کونہیں دیس کو بچانا ہے۔۔۔

شاعر: فرحان دانش ​

 

[ملائکہ]

قوتِ عشق بھی کیا شے ہے کہ ہو کر مایوس
جب بھی گرنے لگا ہوں تو سنبھالا ہے مجھے

خواجہ حیدر علی آتش

 

[کاشفی]

اُس نے ہنسی ہنسی میں محبت کی بات کی
میں نے عدیم اس کو مکرنے نہیں دیا​

 

[کاشفی]

طے کر چکا ہوں راہ محبت کے مرحلے
اس سے زیادہ حاجت شرح و بیاں نہیں
(راز چاند پوری)​

 

[فرخ منظور]

زندگی سے نپٹ رہا ہوں ابھی
موت کیا ہے مری بلا جانے
(نامعلوم)

 

[کاشفی]

چلو ابن فرید اس بے حسی کے عہد سے نکلو
شگفتہ لب نظر آتا نہیں "چہرہ پس چہرہ"
(ڈاکٹر ابن فرید مرحوم)​