آج کا شعر - 4

[کاشفی]

داغ دہلوی رحمتہ اللہ علیہ صاحب کا ایک شعر ملاحظہ ہو۔۔۔

دن گزارے عمر کے انساں ہنستے بولتے
جان بھی نکلے تو میری جاں ہنستے بولتے

ایک اور ملاحظہ کریں۔۔۔۔

اب داغ سا ہمرنگ زمانے میں کہاں ہے
بوڑھوں میں‌وہ بوڑھا ہے جوانوں میں جواں ہے

ایک اور مزید۔۔۔۔

گو ہے عاشق مزاج و شاہد باز
داغ لیکن شراب خوار نہیں

 

[راجہ صاحب]

مری وارفتگی کی زر میں تم تو آ چکے کب کے
مری مانو ” تعارف” کو ”محبت” نام دے ڈالو

نہ تڑپاؤ سلگتی سوچتی معصوم یادوں کو
قریب آؤ، انہیں بھی اک سنہری شام دے ڈالو


​

نسیم اختر

 

[مغزل]

سرمقتل کسی کا نام بھی لینا تھا ناممکن
بس اک زنجیر توڑی اور زنداں سے نکل آئے

انو ر کیف ، کراچی

 

[راجہ صاحب]

مقام ، فیض کوئی راہ میں جچا ہی نہیں
جو کوئے یار سے نکلے تو سوئے دار چلے


(فیض)

 

[ملائکہ]

میں بڑی مشکلوں سے اس دھاگے کو ڈھونڈ کر لائی ہوں

بارش ہورہی ہے یہاں تو



کس نے پٹخا ہاتھ سے ساغر موسم کی بے کیفی پر
اتنا برسا ٹوٹ کے بادل ڈوب چلا میخانہ بھی

 

[محمداحمد]

موسم تھا بے قرار تمھیں سوچتے رہے
کل رات بار بار تمھیں سوچتے رہے
بارش ہوئی تو گھر کے دریچے سے لگ کے ہم
چپ چاپ سوگوار تمھیں سوچتے رہے

 

[راجہ صاحب]

یہ جو آگہی کا سراب ہے یہی سب سے بڑھ کے عذاب ہے
یہ سمجھ وہ عکسِ خیال تھا، کوئی خواب تھا، اسے بھول جا

 

[محمداحمد]

تمھیں بھلا ہی اول تو دسترس میں نہ تھا
جو اختیار بھی ہوتا تو کیا بھلا دیتے

وصی شاہ

 

[راجہ صاحب]

سمجھے ہیں اہلِ مشرق کو شاید قریبِ مرگ
مغرب کے یوں ہیں جمع یہ زاغ و زغن تمام

شیرینئ نسیم ہے سوز و گدازِ میر
حسرت ترے سخن پہ ہے لطفِ سخن تمام

 

[ساقی۔]

دل اکیلا ہے بہت لالئہ صحرا کی طرح
تم نے بھی چھوڑ دیا ہے مجھے دنیا کی طرح


​

 

[راجہ صاحب]

محبت ہی تھی انعامِ محبت
میں جب نکلا غمِ سود و زیاں سے

بہاروں نے فقط دیوانگی دی
کوئی امید ہے تو ہے خزاں سے


سرور عالم راز سرور

 

[ساقی۔]

کس نے بھیگے ہوئے بالوں سے یہ جھٹکا پانی
جھوم کر آئی گھٹا، ٹوٹ کے برسا پانی

رو لیا پھوٹ کے، سینے میں جلن اب کیوں ہے؟
آگ پگھلا کے نکلا ہے یہ جلتا پانی

کوئی متوالی گھٹا تھی، کہ جوانی کی امنگ
جی بہا لے گیا برسات کا پہلا پانی​

 

[زونی]

مسجد تو بنا دی شب بھر میں ایماں کی حرارت والوں نے
من اپنا پرانا پاپی ھے ، برسوں میں نمازی بن نہ سکا


(اقبال)

 

[راجہ صاحب]

تیشے بغیر مر نہ سکا کوہ کن اسد
سرگشتہ خمارِ رسوم و قیود تھا

( غالب )

 

[حسن نظامی]

ضعف نے کر دیا عاجز غالب
ننگ پیری ہے جوانی میری

 

[راجہ صاحب]

دل نہیں، تجھ کو دکھاتا ورنہ، داغوں کی بہار
اِس چراغاں کا کروں کیا، کارفرما جل گیا


( غالب )

 

[مغزل]

میں پہنتا تو ہوں پر لوگ نہیں کہتے لباس
شاید اک جیب و گریباں کے نہیں ہونے سے

حسنین جعفری مرحوم

 

[ملائکہ]

وعدہ وہ کر گئے ہیں کہ آئیں گے خواب میں
مارے خوشی کے نیند نہ آئے تو کیا کروں

 

[آبی ٹوکول]

نہ آنا میری قبر پہ ہمراہ رقیباں
مُردوں کو مسلماں جلایا نہیں کرتے

 

[راجہ صاحب]

کہاں میخانے کا دروازہ غالِب! اور کہا‌ں واعِظ
پر اِتنا جانتے ہیں‌، کل وُہ جاتا تھا کہ ہم نِکلے

​

غالب