آج کا شعر - 4

[فرخ منظور]

زنجیر پھر ہلا دی نسیمِ بہار نے
پھر باہر آپ سے ترا دیوانہ ہو گیا

(یگانہ)

 

[فرخ منظور]

پی بھی جا زاہد خدا کا نام لے کر پی بھی جا
بادۂ کوثر کی بھی اِک موج پیمانے میں ہے

(جگر مراد آبادی)

 

[فرخ منظور]

جس طرف وہ شوخ نظریں اُٹھ گئیں
لے اڑی موجِ ہوائے دردِ دل

(جگر مراد آبادی)

 

[فرخ منظور]

جمالِ بے حجاب تھا کہ جلوہ تھا حجاب کا
کلیم برقِ طور تھی کہ تار تھا نقاب کا

(فانی بدایونی)

 

[فرخ منظور]

خوبرویوں سے یاریاں نہ گئیں
دل کی بے اختیاریاں نہ گئیں
عقل صبر آزما سے کچھ نہ ہوا
شوق کی بے قراریاں نہ گئیں
تھے جو ہم رنگ ناز ان کے ستم
دل کی امّیدواریاں نہ گئیں
حسن جب تک رہا نظّارہ فروش
صبر کی شرمساریاں نہ گئیں

(حسرت موہانی)

 

[فرخ منظور]

امیر اس ناز سے ظالم نے دیکھا
نگاہیں بول اٹھیں "وہ لے لیا دل"

(امیر مینائی)

 

[عمران القادری]

لب پہ آتی ہے دعا بن کے تمنا میری
ہو زندگی شمع کی صورت خدایا میری

یہ دعا واقعی میں میرے دل سے نکلی ہے ، کیونکہ اپنے دل کی کیفیت کے حسب حال مجھے اس بہتر شعر ابھی کوئی نہیں‌ملا۔

 

[علی فاروقی]

میرے خدا مجھے اتنا تو معتبر کر دے
میں جس مکان میں رہتا ہوں اس کو گھر کردے

 

[فرخ منظور]

لب پہ آتی ہے دعا بن کے تمنا میری
ہو زندگی شمع کی صورت خدایا میری

یہ دعا واقعی میں میرے دل سے نکلی ہے ، کیونکہ اپنے دل کی کیفیت کے حسب حال مجھے اس بہتر شعر ابھی کوئی نہیں‌ملا۔

صحیح شعر یوں ہے۔

لپ پہ آتی ہے دعا بن کے تمنّا میری
زندگی شمع کی صورت ہو خدایا میری

 

[شاہ حسین]

نظر حیات پر رکھتا ہے مرد دانش مند
حیات کیا ہے حضور سرور و نورد وجود

اقبال

 

[مغزل]

میرے خدا مجھے اتنا تو معتبر کر دے
میں جس مکان میں رہتا ہوں اس کو گھر کردے

درست یوں ہے :

مرے خدا مجھے اتنا تو معتبر کردے
میں جس مکان میں‌رہتا ہوں‌اس کو گھر کردے

میں اپنے خواب سے کٹ کر جیوں تو میرے خدا
اجاڑ دے مری مٹی کو در بدر کردے

افتخار عارف

 

[مغزل]

لگے منہ بھی چڑانے دیتے دیتے گالیاں صاحب
زباں بگڑی تو بگڑی تھی خبر لیجئے دہن بگڑا

خواجہ حیدر علی آتش

 

[مغزل]

کتنے شیریں ہیں تیرے لب،کہ رقیب
گالیا ں کھا کے بے مزہ نہ ہوا

اسداللہ خاں غالب ( دہلوی)

 

[مغزل]

رقعہ ہمیں جو آوے ہے سو تیر میں بندھا
کیا دیجیے جواب اجل کے پیام کا

میر تقی میر

 

[مغزل]

وضو کو مانگ کے پانی خجل نہ کر اے میر
و ہ مفلسی ہے ، تیمم کو گھر میں خاک نہیں

میر تقی میر

 

[مغزل]

ہے کوئی جوہری اشکوں کے نگینوں کا یہاں
آنکھ بازار میں اک جنسِ گراں لائی ہے

میر تقی میر

 

[فرخ منظور]

کنجِ قفس میں ہم تو رہے مصحفی اسیر
فصلِ بہار باغ میں دھومیں مچا گئی

(غلام ہمدانی مصحفی)

 

[فرخ منظور]

قصّۂ دردِ غریبی اس سے پوچھا چاہیے
موسمِ گُل میں جو اپنے آشیاں سے دور ہے

(مصحفی)

 

[فرخ منظور]

از بس کہ تیری ادائیں مجھ کو کڑھاتیاں ہیں
جب دیکھتا ہوں تجھ کو آنکھیں بھر آتیاں ہیں

(مصحفی)

 

[مغزل]

نمو پاکر خس وخاشا ک ہونا
مقدر ہے ہمارا خاک ہونا
یہ موسم کون سا موسم ہے جس میں
گریبا ں چاہتا ہے چاک ہونا

ہزاروں دل کھلے حیرت کے طاہر
میسر ہو اگر ادراک ہونا

ڈاکٹر طاہر عباس، کراچی