آج کا شعر - 4

[محمد شعیب خٹک]

جل گئے ہم مگر یہ حیرت ہے، آگ سے کیوں ہنوز قربت ہے
یہ جو غوغائے زہد و طاعت ہے، معصیت کا غبارِ وحشت ہے

 

[کاشفی]

دیدار عام کیجئے پردہ اُٹھائیے
تاچند بندہ ہائے خدا آرزو کریں

مستی میں مجھ سے بے ادبی ہوگی یار سے
مجھ کو گناہگار نہ جام و سبو کریں
(آتش)

 

[محمد شعیب خٹک]

بنام ِزہرہ جبینانِ خطّہء فردوس
کسی کرن کو جگاؤ! بڑا اندھیرا ہے

 

[جٹ صاحب]

کل اپنے مریدوں سے کہا پیر مغاں نے

قیمت میں یہ معنی ہے درناب سے دہ چند

زہراب ہے اس قوم کے حق میں مئے افرنگ

جس قوم کے بچے نہیں خوددار و ہنرمند



علاّمہ اقبال

 

[کاشفی]

ہر سنگ میں شرار ہے تیرے ظہور کا
موسٰی نہیں کہ سیر کروں کوہ طور کا
(سودا)

 

[کاشفی]

مشتاق اس قدر ہوں خدا کے حضور کا
سجدہ کروں جو بت بھی ملے سنگ طور کا
(آتش)

 

[کاشفی]

اس قدر مشتاق ہوں زاہد خدا کے نور کا
بُت بھی بنوایا کبھی میں نے تو سنگ طور کا
(امیر مینائی)

 

[کاشفی]

میں اپنے آپ کو بے اختیار ہی کہہ دوں
خدا گواہ ہے اتنا بھی اختیار نہیں
(جلیل)

 

[کاشفی]

کوئی ایسی بھی ہے صورت ترے صدقے ساقی
رکھ لوں میں دل میں اُٹھا کر ترے مےخانے کو
(جلیل)

 

[کاشفی]

آنکھیں ساقی کی جب سے دیکھی ہیں
ہم سے دو گھونٹ پی نہیں جاتی

سُن لیا جان نے یہ کیا دمِ نزع
کہتی ہے میں ابھی نہیں جاتی
(جلیل)

 

[فرحان دانش]

میرے جیسے بن جاؤ گے جب عشق تمیں ہو جائے گا ۔۔۔
دیواروں سے سر ٹکراؤ گے جب عشق تمہیں ہو جائے گا

 

[کاشفی]

چھپا کے مُنہ کو وہ خوش ہیں خبر نہیں اس کی
نقاب پر بھی ہے جوبن نقاب کے قابل
(جلیل )

 

[فرخ منظور]

ہماری آگہی از خود عذاب ہے ورنہ
فقیہہِ شہر کسی کو عتاب کیا دے گا

(شاہدہ نسرین)

 

[کاشفی]

اے ہوش تجھ کو آنے سے میں روکتا نہیں
ساقی کو تیرے آنے کی لیکن خبر نہ ہو
(شاعر: آئی ڈونٹ نَو)

 

[کاشفی]

میں عکس ہوں آئینہ امکاں میں تمہارا
تم سا جو نہیں کوئی تو مجھ سا بھی نہیں اور
(شاعر: آئی ڈونٹ نَو)

 

[کاشفی]

جانتے ہیں تجھے ہم روزِ ازل سے لیکن
یہ نہیں جانتے کیوں کر تجھے ہم جانتے ہیں
(شاعر: آئی ڈونٹ نَو)

 

[کاشفی]

وفا کا نقش ہے وہ نقش جو مٹ کر اُبھرتا ہے
جنہیں دل سے بھلا دو گے وہ پیہم یاد آئینگے
(شاعر: آئی ڈونٹ نَو)

 

[جٹ صاحب]

جو آنا چاہو ہزار رستے، نہ آنا چاہو تو عُذر لاکھوں
مزاج برہم، طویل رستہ، برستی بارش، خراب موسم

 

[کاشفی]

میں اپنے ہوش میں اے فتنہ گر نہیں نہ سہی
تری خبر تو ہے، اپنی خبر نہیں نہ سہی
(شاعر: آئی ڈونٹ نَو)

 

[محمد وارث]

کیوں حالِ دلِ سوختہ دنیا سے کہیں گے
ہم رسمِ محبت کے مقیّد، سو رہیں گے

(خاکسار)