آج کا شعر - 4

[کاشفی]

برق ناحق چمن میں ہے بدنام
آگ پھولوں نے خود لگائی ہے
(آنند نارائن ملّا)

 

[کاشفی]

سن کے ٹی وی کی خبر اب عید کر لیتا ہوں میں
ایک مدت ہو گئی ہے چاند کو دیکھا نہیں
(اعجاز حیدر)

 

[کاشفی]

دشنام یا دعا تھی، شکایت کہ شکر تھا
وہ منہ ہی منہ میں چلتے ہوئے کچھ تو کہہ گیا
(داغ رحمتہ اللہ علیہ)

 

[فرخ منظور]

خط میں لکھا تھا "عید کب ہو گی؟
ہم کو تاریخ لکھ کر بھجوائیں"
چونکہ جھگڑا تھا اس لئے ہم نے
لکھ دیا "آپ جب بھی آ جائیں"

(شاعر نامعلوم)

 

[کاشفی]

کچھ دور نہیں ہے وہ زمانہ
بجلی ہوگی نہ آشیانہ

محکم ہے یہ عزمِ باغیانہ
یا میں نہیں یا نہیں زمانہ
(ساغر نظامی)

 

[محمد یعقوب آسی]

شب بیتی چاند بھی ڈوب چلا زنجیر پڑی دروازے پر
کیوں دیر گئے گھر آئے ہو سجنی سے کرو گے بہانہ کیا
(ابنِ انشا)۔

 

[کاشفی]

سُنتے ہو زاہد و ناصح جو ہیں سمجھاتے مجھے
کیا بدل دیں گے یہ اور میں بدل جاؤں گا
(ذوق)

 

[کاشفی]

کیوں نہ لوں نامِ خدا اُس بُت کی صورت دیکھ کر
لوگ کہتے ہیں کہ کلمہ پڑھ کے مرنا چاہیئے
(اکبر الہ آبادی )

 

[جٹ صاحب]

کیوں نہیں آتا میں تیرے سپنوں میں
میرے شکوے بھی عجیب کتنے ہیں

 

[کاشفی]

تبصرہ ہم بھی کریں گے تیرنے والوں پہ آج
گرچہ پانی میں کبھی ہم آج تک اترے نہیں
(حفیظ میرٹھی)

 

[کاظمی بابا]

آج جو عیب کسی پر نہیں کُھلنے دیتے
کب وہ چاہیں گے میری حشر میں رسوائی ہو

 

[سید نصرت بخاری]

احباب کا انتخاب بہت عمدہ اور قابل تحسین ہے۔

 

[کاشفی]

امیر، جاتی جوانی یہ مُجھ سے کہتی ہے
خزاں نہ سمجھو مجھے، آخری بہار ہوں میں
(امیر مینائی)

 

[محمد وارث]

آگہی میں اک خلا موجود ہے
اس کا مطلب ہے خدا موجود ہے

(عدم)

 

[کاشفی]

جفا دیکھو جنازے پر مرے آئے تو فرمایا
“کہو تم بے وفا ٹھہرے کہ اب ہم بے وفا ٹھہرے“
(امیر مینائی)

 

[کاشفی]

باتیں ناصح کی سُنیں، یار کے نظارے کیے
آنکھیں جنت میں رہیں، کان جہنم میں رہے

اُن کے تڑپانے کی طاقت جو نہیں ہم میں نہ ہو
کاش اپنے ہی تڑپنے کی سکت ہم میں رہے
(امیر مینائی)

 

[کاشفی]

ہم بند کئے آنکھ تصّور میں پڑے ہوں
ایسے میں‌کوئی چھم سے جو آجائے تو کیا ہو
(ریاض)

 

[کاشفی]

تہمت نہ کہہ خدا کے لیئے مجھ پہ زاہد
کب میں نے توبہ کی تھی جو توبہ شکن ہوا
(داغ دہلوی رحمتہ اللہ علیہ)

 

[کاشفی]

صبحِ بہار ہے، مجھے ساقی! پلا شراب
سب جانتے ہیں عید کا روزہ حرام ہے
(آتش)

 

[ساقی۔]

یہ بزم مئے ہے یاں کوتاہ دستی میں ہے محرومی
جو بڑھ کر خود اٹھا لے ہاتھ میں وہ جام اسی کا ہے
(شاد عظیم آبادی)