آج کا شعر - 4

[محمداحمد]

ہے عجب فیصلے کا صحرا بھی
چل نہ پڑیے تو پاؤں جلتے ہیں

جون ایلیا

 

[راجہ صاحب]

محبت ایسا دریا ہے
کہ بارش روٹھ بھی جائے
تو پانی کم نہیں‌ ہوتا


امجد اسلام امجد

 

[محمداحمد]

ورنہ دریا ترے گھر تک آتا
آنسوؤں سے کبھی رویا نہیں میں

جاذب قریشی

 

[مغزل]

وہ بھی عالی نصب تھے جو گزرے
یہ بھی عالی نصب گزرتے ہیں

شاہد حمید

 

[کاشفی]

روتا ہوں میں دوستو! مجھے رونے دو
دامن پہ ہے داغِ مُصیبت دھونے دو

اب نزع کی حالت میں وصیّت کیسی
جاؤ بھی، ہٹو، غُل نہ کرو، سونے دو

(شاکر - 1911)

 

[راجہ صاحب]

مرے شعور کو آوارہ کر دیا جس نے
وہ مرگِ شادی و غم ہی نہیں، کچھ اور بھی ہے


ساحر

 

[انیس فاروقی]

پھر دیا پارۂ جگر نے سوال
ایک فریاد و آہ و زاری ہے
پھر ہوئے ہیں گواہِ عشق طلب
اشک باری کا حکم جاری ہے

مرزا غالیب

 

[کاشفی]

پیار سے میں نے جو دیکھا تو وہ فرماتے ہیں
دیکھتے دیکھتے ہوتی ہیں گنہگار آنکھیں
(مرزا حاتم علی مہر)

 

[شاہ حسین]

طور پر طالب دیدار ہزاروں آتے
تم تماشہ نہ بناتے جو تماشائی کا

استاد قمر جلالوی

 

[کاشفی]

اثر ہو سُننے سے کانوں کو، یا نہ ہو ، لیکن
جو فرض تھا وہ ادا کر چکی زباں اپنا

(پنڈت بشن نراین در - متخلص بہ ابر)

 

[شاہ حسین]

اک نہ اک رفعت کے آگے سجدہ لازم ہے تو جوش
آدمی محؤ سجود سر خوباں کیوں نہ ہو ۔
(جوش )

 

[کاشفی]

نہیں بدلتی یہ دُنیا بدلتے رہتے ہیں ہم
کہ ہم کو ہوتے ہیں محسوس راحت و آلام

جو انقلاب ہوا زندگی میں انسان کی
اُسکو کہنے لگے لوگ گردشِ ایّام

(شاعر معلوم نہیں)

 

[شاہ حسین]

اک نہ اک ظلمت سے جب وابستہ رہنا ہے تو جوش
زندگی پر سائیہ زلفِ پریشاں کیوں نہ ہو

(جوش)

 

[کاشفی]

ہوں خواہشیں محدود تو ایذا نہیں‌ہوتی
ارماں جو ہوں‌ کم، زر کی تمنا نہیں‌ ہوتی

قانع کو کسی چیز کی پروا نہیں‌ہوتی
مومن پہ مُسلط کبھی دنیا نہیں‌ ہوتی
(شبیر حسن خاں جوش ملیح آبادی لکھنوی)

 

[ظفری]

ہم سمجھتے تھے ، ہمارے بام و در دُھل جائیں گے
بارشیں آئیں تو ، کائی جم گئی دیوار پر ۔۔۔۔۔۔

 

[شاہ حسین]

ہوں خواہشیں محدود تو ایذا نہیں‌ہوتی
ارماں جو ہوں‌ کم، زر کی تمنا نہیں‌ ہوتی

قانع کو کسی چیز کی پروا نہیں‌ہوتی
مومن پہ مُسلط کبھی دنیا نہیں‌ ہوتی
(شبیر حسن خاں جوش ملیح آبادی لکھنوی)

کاشفی صاحب ذرا غور فرمائیں
کہاں لکھنؤ اور کہاں ملیح آباد

 

[کاشفی]

شاہ بھائی ۔۔۔ملیح آباد ۔۔لکھنؤ - اُترپردیش میں ہے۔۔

 

[شاہ حسین]

تیرے غموں سے ایک بڑا فائدہ ہوا
ہم نے سمیٹ لی دلِ مظتر میں کائنات

مصطفیٰ زیدی

 

[مغزل]

یہ ہم جو عشق میں بیمار پڑتے رہتے ہیں
بس اک سبب ہے تعلق بحال کرنے کا

تلاش کر مرے اندر وجود کو اپنے
ارادہ چھوڑ مجھے پائمال کرنے کا

محسن اسرار
(شور بھی ہے سناٹا بھی)

 

[راجہ صاحب]

تیرے عشق کی انتہا چاہتا ہوں
میری سادگی دیکھ کیا چاہتا ہوں‌


اقبال