آج کا شعر - 4

[فرخ منظور]

جب ہوا شب کو بدلتی ہوئی پہلو آئی
مدتوں اپنے بدن سے تری خوشبو آئی
(نامعلوم)

 

[راجہ صاحب]

میں نے مانا کہ کچھ نہیں غالب
مفت ہاتھ آئے تو بُرا کیا ہے

 

[انیس فاروقی]

ہم ہوئے تم ہوئے کہ میر ہوئے
انکی زلفوں‌ کے سب اسیر ہوئے

 

[کاشفی]

پڑھتا ہے کوئی شعر، کوئی سُنتا ہے
منہ تکتا ہے کوئی، کوئی سر دُھنتا ہے

اربابِ نگاہ، رو لتے ہیں موتی
اندھا نقاد، کنکری چُنتا ہے!

(مرزا یگانہ چنگیزی لکھنوی)

 

[فرخ منظور]

چاند سے شکوہ بہ لب ہوں کہ سُلایا کیوں تھا
میں کہ خورشیدِ جہاں تاب کی ٹھوکر سے اٹھا
(مصطفیٰ زیدی)

 

[کاشفی]

ہے اندازِ رہبری کچھ ایسا
رہزن بھی ہیں راہبر سے خائف

(افتخار راغب)

 

[فرخ منظور]

یہ کس خلش نے پھر اس دل میں آشیانہ کیا
پھر آج کس نے سخن ہم سے غائبانہ کیا
غمِ جہاں ہو، رخِ یار ہو کہ دستِ عدو
سلوک جس سے کیا ہم نے عاشقانہ کیا

(فیض)

 

[سیدہ شگفتہ]

زندگی

ملکہ شہرِ زندگی تیرا
شُکر کسِ طور سے ادا کیجئے
دولتِ دل کا کچھ شمار نہیں
تنگ دستی کا کیا گلہ کیجے


جو ترے حُسن کے فقیر ہوئے
ان کو تشویشِ روزگار کہاں؟
درد بیچیں گے گیت گائیں گے
اِس سے خوش وقت کاروبارکہا ں؟

جام چھلکا توجم گئی محفل
مِتّت لُطفِ غم گسار کسے؟
اشک ٹپکا تو کِھل گیا گلشن
رنجِ کم ظرفیِ بہار کسے؟


خوش نشیں ہیں کہ چشم و دل کی مراد
دَیر میں ہے نہ خانقاہ میں ہے
ہم کہاں قسمت آزمانے جائیں
ہر صنم اپنی بارگاہ میں ہے


کون ایسا غنی ہے جس سے کوئی
نقدِ شمس و قمر کی بات کرے
جس کو شوقِ نبر د ہو ہم سے
جائے تسخیرِ کائنات کرے​

السلام علیکم

بہت شکریہ انیس فاروقی بھائی ۔

 

[سیدہ شگفتہ]

بہت شکریہ انیس فاروقی صاحب۔ اور سیدہ شگفتہ تصدیق ہو گئی کہ فیض کا ہی کلام ہے۔
کتاب: دستِ تہِ سنگ، نظم زندگی

بہت شکریہ فرخ بھائی ، آج مجھے اپنا نسخہ دستیاب ہوا ہے میں اپنے پاس بھی نسخہ میں دیکھ لیا ہے ، چند مستند نام ایسے ہیں جن کے ذریعے سے تصدیق کر لیتی ہوں اگر تصدیق کرنے کی ضرورت پیش آئے اور اصل کتابی متن سے تصدیق کرنا فوری طور پر ممکن نہ ہو ۔

 

[شاہ حسین]

گیا شیطان مارا ایک سجدے کے نہ کرنے سے
اگر لاکھوں برس سجدے میں سر مارا تو کیا مارا

استاد ذوق

 

[راجہ صاحب]

نہ کوئی آنکھ اٹھتی ہے، نہ کوئی جام ملتا ہے
ابھی تو میکدہ ہم کو برائے نام ملتا ہے

(عدم)

 

[مغزل]

کچھ لوگ کئی لفظ غلط بول رہے ہیں
اصلاح مگر ہم بھی اب اصلا نہ کریں‌گے

جون ایلیا

 

[فرخ منظور]

پھر نہ کیجے مری گستاخ نگاہی کا گلہ
دیکھیے آپ نے پھر پیار سے دیکھا ہے مجھے
(ساحر لدھیانوی)

 

[مغزل]

نظر ان کی زباں ان کی کسے میں معتبر سمجھوں
نظر کچھ اور کہتی زبا ں کچھ اور کہتی ہے

تمھاری برق رفتاری بجا اے قافلہ والو
مگر رفتارِ میرِ کارواں کچھ اور کہتی ہے

استاد قمر جلالوی

 

[کاشفی]

کیوں خوش ہیں دُشمن ناکامیوں پر
ناکامیاں ہیں قسمت کی باتیں
(کشفی ملتانی)

 

[مغزل]

دہ ہی باذوق آدمی ہیں عدم
میں ہوا یا مرا رقیب ہوا

عبد الحمید عدم

 

[کاشفی]

آنکھیں ملا کے آنکھوں سے تونے ہٹائیں جب
محسوس یہ ہوا کہ مرا دل نکل گیا
(سعید احمد اعجاز)

 

[راجہ صاحب]

دل نہیں، تجھ کو دکھاتا ورنہ، داغوں کی بہار
اِس چراغاں کا کروں کیا، کارفرما جل گیا


( غالب )

 

[راجہ صاحب]

دل نہیں، تجھ کو دکھاتا ورنہ، داغوں کی بہار
اِس چراغاں کا کروں کیا، کارفرما جل گیا


( غالب )

 

[شاہ حسین]

ہاں نمازوں کا اثر دیکھ لیا پچھلی رات
میں اِدھر گھر سے گیا تھا کہ اُدھر تو آئی

مصطفیٰ زیدی