آج کا شعر - 4

[کاشفی]

بس اتنے ہی جری تھے حریفانِ آفتاب
چمکی ذرا سی دھوپ تو کمروں میں آگئے

سلیم بیتاب

بہت خوب محمود مغل بھائی۔۔

 

[کاشفی]

بد کو نہیں بدیوں کو مٹا کر چھوڑو
جنت اسی دنیا کو بنا کر چھوڑو
اشکوں سے محبت کے جنابِ اخگر
دوزخ کو عداوت سے بجھا کر چھوڑو

(اخگر مراد آبادی)

 

[فرخ منظور]

آج کچھ بے سبب اداس ہے جی
عشق ہوتا تو کوئی بات بھی تھی
(ناصر کاظمی)

 

[کاشفی]

بیٹیاں

بیٹیاں

ہر رشتے کو ہر حال میں نبھاتی ہیں بیٹیاں
پھر بھی ان پہ تہمتیں لگاتی ہے یہ دنیا

ماں‌ باپ کی دہلیز پر جنم جب لیتی ہیں بیٹیاں
نہ جانے کیوں غم میں تبدیل ہو جاتی ہیں اس گھر کی خوشیاں

ماں باپ کیوں نہیں‌ سوچتے کچھ دن مہمان ہیں بیٹیاں
چھوڑ وہ دہلیز وہ آنگن اک دن چلی جائیں گی بیٹیاں

اک روز بن ماں ممتا نچھاور کرتی ہیں بیٹیاں
ہر فرض باخوبی انجام دیتی ہیں بیٹیاں

سونا ہو ہر آنگن جو نہ ہو یہ بیٹیاں
بیکار ہے ہر ساون جو جھولے نہ یہ بیٹیان

نہ دفن کرو اے لوگوں کفن میں یہ بیٹیاں
تمہارے ہی جسم کا اک حصہ ہیں یہ بیٹیاں

بند کر دو اے حیوانوں کھیلنا تم انکی عزت سے
تمہی میں‌ سے کسی کی ماں کسی کی بہن ہیں بیٹیاں
(شاعر نامعلوم - کاشفی کی پسندیدہ شاعری)

 

[مغزل]

بیٹے ہیں اپنے باپ کی جاگیر کے رقیب
وہ گھربھی کوئی گھرہے جہاں بیٹیاں نہ ہوں

 

[راجہ صاحب]

مرے شعور کو آوارہ کر دیا جس نے
وہ مرگِ شادی و غم ہی نہیں، کچھ اور بھی ہے


ساحر

 

[فرخ منظور]

الگ بیٹھے تھے پھر بھی آنکھ ساقی کی پڑی ہم پر
اگر ہے تشنگی کامِل تو پیمانے بھی آئیں گے
(نامعلوم)

 

[مغزل]

نئے دیوانوں کو دیکھیں تو خوشی ہوتی ہے
ہم بھی ایسے ہی تھے جب آئے تھے ویرانے میں

احمد مشتاق

 

[خوشی]

تو پیمبر سہی یہ معجزہ کافی تو نہیں
شاعری زیست کے زخموں کی تلافی تو نہیں

 

[Saraah]

غالب ہمیں نہ چھیڑ کہ پھر جوش اشک ہے
بیٹھے ہیں ہم تہیہ طوفاں کیے ہوے​

 

[خوشی]

وقت کٹتا رہا ، تھا عہدِ حضوری کہ فراق
زخم لگتے رہے چاہے کسی عنواں سے لگے

 

[Saraah]

کوئی فراق سی راحت کوئی وصال سا رنج
اسی جنوں نے ہمیں در بدر خراب کیا

 

[مغزل]

خوشی ملی تو کئی درد مجھ سے روٹھ گئے
دعا کرو کہ میں پھر سے اداس ہوجاؤں
پروین شاکر

 

[خوشی]

دور تک چھائے تھے بادل اور کہیں سایا نہ تھا
اس طرح برسات کا موسم کبھی آیا نہ تھا

 

[محمداحمد]

نہ اس طرح کوئی آیا نہ کوئی آتا ہے
مگر وہ ہے کہ مسلسل دیئے جلاتا ہے

سلیم کوثر

 

[کاشفی]

اُس کو تیری طلب ہے تو حیراں نہ ہو
بادِ چنچل کو جلتا دیا چاہیے

(محمد احمد - کراچی پاکستان)

 

[خوشی]

دوستی میں تری در پردہ ہمارے دشمن
اس قدر اپنے پرائے ھیں کہ جی جانتا ہے

 

[راجہ صاحب]

تیرے غموں سے ایک بڑا فائدہ ہوا
ہم نے سمیٹ لی دلِ مظتر میں کائنات

مصطفیٰ زیدی

 

[حسن نظامی]

یہ شاید مضطر ہے ۔۔۔

 

[خوشی]

تو جانتا نہیں مری چاہت عجیب ہے
مجھ کو منا رہا ہے کبھی خود خفا بھیی ہو