آج کا شعر - 5

[حسان خان]

آج وہ کشمیر ہے محکوم و مجبور و فقیر
کل جسے اہلِ نظر کہتے تھے ایرانِ صغیر
(علامہ اقبال)

 

[کاشفی]

ٹوٹے چمک چمک کے ستارے اُمید کے
اک خواب تھا کہ تا بہ سحر دیکھتے رہے
(آرزو لکھنوی)

 

[محمد وارث]

بند ہیں شیشوں میں لاکھوں بجلیاں پگھلی ہوئیں
کب ہیں محتاجِ شرابِ مجلسِ میخانہ ہم

احسان دانش

 

[مدیحہ گیلانی]

ہوئی رو رو کے سحر آج اُسے اور مجھے
کوئی جز شمع انیسِ شبِ ہجراں کب تھا

ہو کے مایوس نہ کیوں دیتے مسیحا بھی جواب
دردِ دل آہ مرا قابلِ درماں کب تھا

منشی درگا پرشاد، لائق

 

[حسان خان]

مژگاں سے گر بچے دل، ابرو کرے ہے ٹکڑے
یہ بات میں نے کہہ کر جب اُس سے داد چاہی
کہنے لگا کہ ترکش جس وقت ہووے خالی
تلوار پھر نہ کھینچے تو کیا کرے سپاہی
(مرزا کامل بیگ کامل)

 

[حسان خان]

تعزیرِ جرمِ عشق ہے بے صرفہ محتسب
بڑھتا ہے اور ذوقِ گنہ یاں سزا کے بعد
(خواجہ الطاف حسین حالی)

جس دل کو قیدِ ہستیِ دنیا سے ننگ تھا
وہ دل اسیرِ حلقۂ زلفِ بتاں ہے اب
(خواجہ الطاف حسین حالی)

 

[کاشف اکرم وارثی]

اُٹھائے ہاتھ دُعا کے لیے تو دل نے کہا
قبولیٌت کا وہ لمحہ کہاں سے لاؤ گے؟

(فاخرہ بتول)

 

[حسان خان]

انیس یوں ہوا حالِ جوانی و پیری
بڑھے تھے نخل کی صورت، گرے ثمر کی طرح
(میر انیس)

 

[حسان خان]

یا رب! چمنِ نظم کو گلزارِ ارم کر
اے ابرِ کرم! خشک زراعت پہ کرم کر
تو فیض کا مبدا ہے، توجہ کوئی دم کر
گم نام کو اعجاز بیانوں میں رقم کر
جب تک یہ چمک مہر کے پرتو سے نہ جائے
اقلیمِ سخن میرے قلمرو سے نہ جائے
(میر انیس)

یا رب عروسِ فکر کو حُسن و جمال دے
ملکِ سخنوری کو دُرِ بے مثال دے
رنگینیِ کلام کو سحرِ حلال دے
آئے قمر کو رشک وہ اوجِ کمال دے
گل کاریاں کروں جو مضامیں کے باغ میں
پھولوں کی بو بہشت سے آئے دماغ میں
(میر انیس)

ایک قطرے کو جو دوں بسط تو قلزم کر دوں
بحرِ موّاجِ فصاحت میں تلاطم کر دوں
ماہ کو مہر کروں، ذروں کو انجم کر دوں
گنگ کو ماہرِ اندازِ تکلم کر دوں
عمر گذری ہے اسی دشت کی سیاحی میں
پانچویں پشت ہے شبیر کی مداحی میں
(میر انیس)

 

[السید کامل عباس الجعفري]

رہتا سخن سے نام قیامت تلک ہے ذوق
اولاد سے تو بس یہی دو پشت، چار پشت

ابراھیم ذوق

 

[غلام مجتبیٰ ملک]

کل شب دلِ آوارہ کو سینے سے نکالا​

یہ آخری کافر بھی مدینے سے نکالا​

(اقبال ساجد)​

 

[غلام مجتبیٰ ملک]

تھی کسی شخص کی تلاش مجھے​

میں نے خود کو ہی انتخاب کیا​

(جون ایلیاء)​

 

[السید کامل عباس الجعفري]

میرا دل بابری مسجد جیسا
اور وہ ہندو شر پسند کوئی !!

 

[محمداحمد]

ویراں ہے مہ کدہ، خم و ساغر اُداس ہیں​

تم کیا گئے کہ روٹھ گئے دن بہار کے​

 

[حسان خان]

جلوہ نہیں ہے نظم میں حسنِ قبول کا
دیواں میں شعر گر نہیں نعتِ رسول کا
(میر تقی میر)

 

[معاویہ وقاص]

وقت اُس حسیں کے پاس کچھ اتنا قلیل تھا
قصہ اک آہ میں بھی سمٹ کر طویل تھا
میں مے کدے کی راہ سے ہو کر نکل گیا
ورنہ سفر حیات کا کتنا طویل تھا

عبدالحمید عدم

 

[حسان خان]

دلِ غمگیں کو سوزِ عشق نے کیا کم جلایا ہے
کہ تو نے ناصحِ بے مغز میرا مغز کھایا ہے
(حسیب الدین احمد سوزاں)

 

[مدیحہ گیلانی]

بیچارگی سی تھی مری آوارگی حفیظ۔۔۔۔۔!
جس طرح کوئی خواب میں اُٹھ کر رواں رہے!
حفیظ جالندھری

 

[محمداحمد]

ہم بھی دشمن تو نہیں ہیں اپنے
غیر کو تجھ سے محبت ہی سہی

غالب

 

[السید کامل عباس الجعفري]

قیامت کو جرمانہٴ شاعری پر
مرے سر پہ میرا ہی دیوان مارا