آج کا شعر - 5

[showbee]

فلاں کی بہتر تھی غزل فلاں سے
یعنی فلاں کے زخم اچھے تھے فلاں سے
(جون ایلیا)

 

[showbee]

نثار تیری گلیوں کے اے وطن، کے جہاں
چلی ہے رسم کے کوئی نہ سر اٹھا کے چلے
جو کوئی چاہنے والا طواف کو نکلے
نظر چُرا کے چلے، جِسم و جاں بچا کے چلے
ہے اہلِ دل کے لئے اب یہ نظم و بست و کشاد
کے سنگ و خِشت مقید ہیں اور سگ آزاد
بہت ہیں ظلم کے دستِ بہانہ جُو کے لئے
جو چند اہلِ جنوں تیرے نام لیوا ہیں
بنے ہیں اہلِ ہوس مدعی بھی، منصف بھی
کِسے وکیل کریں، کِس سے منصفی چاہیں

 

[کاشفی]

اہلِ ایماں سوز کو کہتے ہیں کافر ہوگیا
آہ یارب رازِ دل ان پر بھی ظاہر ہوگیا
(سید محمد میر سوز دہلوی)

 

[محمد عادل عزیز]

نہ فکرِ معیشیت نہ عشقِ بتاں ہے
مگر جاگتے رات کٹتی ہے ساری

بابائے اردو مولوی عبدالحق
https://www.facebook.com/dardoalam/...7837/529405297160828/?type=1&relevant_count=1

 

[کاشفی]

شبِ وصلت وہ مرے سینہ سے لگ کر مجروح
کہتے ہیں لے ترا باقی کوئی ارماں تو نہیں
(میر مہدی مجروح دہلوی رحمتہ اللہ علیہ)

 

[کاشفی]

آگے سے ذرا اُس ستم آرا کے گذر جائے
جس کو یہ تمنّا ہو کہ بےموت کے مر جائے
(میر مہدی مجروح دہلوی رحمتہ اللہ علیہ)

 

[کاشفی]

محمدﷺ نور ذاتِ کبریا ہے
خدا سے کم ہے اور سب سے سوا ہے

بجز احمدﷺ یہ کس کا مرتبا ہے
کہ ہر اک پیشوا کا پیشوا ہے
(میر مہدی مجروح)

 

[showbee]

کیا کہوں جان کو بچانے میں
جون! خطرہ ہے جان جانے کا
(جون ایلیا)

 

[showbee]

نہیں ہے کوئی جگہ تُو جہاں نہیں
سو تُو وہاں ہے میں جہاں نہیں

 

[showbee]

تم بہت جازب و جمیل سہی
زندگی جازب و جمیل نہیں
مت کرو بحث ہار جاؤ گی
حُسن اتنی بڑی دلیل نہیں

 

[showbee]

رات یوں دل میں تری کھوئی ہوئی یاد آئی
جیسے ویرانے میں چپکے سے بہار آجائے
جیسے صحراؤں میں ہولے سے چلے بادِ نسیم
جیسے بیمار کو بےوجہ قرار آ جائے

 

[showbee]

وہ مطلب سے ملتا تھا
مجھے ملنے سے مطلب تھا

 

[محمد حسین]

میر جی زرد ہوتے جاتے ہو
کیا کہیں تم نے بھی کیا ہے عشق؟

 

[showbee]

میں مکمل نہ ہو سکا آج تک۔۔۔۔۔۔۔۔۔۔۔
اور مجھ میں کوئی کمی بھی نہی

 

[showbee]

اُسی کو بات نہ پُہنچے جسے پُہنچانی ہو
یہ اِلتزام بھی عرضِ ہنر میں رکھا جائے

 

[x boy]

زبردست لڑی ہے
بہت شکریہ

 

[showbee]

غریبِ شہر کے تن پر لباس باقی ہے
امیرِ شہر کے ارماں ابھی کہاں نکلے

 

[showbee]

اے چاند یہاں نہ نِکلا کر
بے نام سے سپنے دیکھا کر
یہاں اُلتی گنگا بہتی ہے
اِس دیس میں اندھے حاکم ہیں
نہ ڈرتے ہیں نہ نادم ہیں
یہ دیس ہے اندھے لوگوں کا
اے چاند یہاں نہ نکلا کر

 

[محمد عادل عزیز]

بگڑے ہوئے تیور ہیں نو عمر سیاست کے
بپھری ہوئی سانسیں ہیں نو مشق نظاموں کی

ساحر لدھیانوی

 

[محمد عادل عزیز]

اے ظلم کے ماتو لب کھولو چپ رہنے والو چپ کب تک
کچھ حشر تو ان سے اٹھے گا کچھ دور تو نالے جائیں گے

فیض احمد فیض