آج کا شعر - 5

[عینی مروت]

آبلے پھوٹ کے روتے ہیں مرے پاؤں کے
یوں مرے ضبط سے اشکوں نے بغاوت کی ہے

 

[showbee]

ہر طنز کیا جائے، ہراِک طعنہ دیا جائے
کچھ بھی ہو اب حدِادب میں نہ رہا جائے
تاریخ نے قوموں کو دیا ہے یہی پیغام
حق مانگنا توہین ہے،حق چھین لیاجائے

 

[showbee]

دیکھنے سے پہلے دھو آنکھوں کی گندی پُتلیاں
ورنہ چہرہ ڈھانپ لے گی تُجھ سے اچھائی میری

 

[محمد عادل عزیز]

پتھر برس رہے ہیں تو مجھ پر بھی آئیں گے
میں چپ رہوں مگر بسر اوقات کیسے ہو

شہزاد احمد

 

[showbee]

اب تم بھی تو جی کے تھک رہے ہو
اب میں بھی تو مر کے تھک گیا ہوں

 

[showbee]

ہم نے ایسے اُجاڑ دی جیسے
زندگی باپ کی کمائی ہو

 

[ملائکہ]

ﮨﻢ ﻣﻘﻔﻞ ﺣﻮﯾﻠﯿﻮﮞ ﮐﯽ ﻃﺮﺡ
ﻣﻨﮩﺪﻡ ﮨﻮ ﺭﮨﮯ ﮨﯿﮟ ﺍﻧﺪﺭ ﺳﮯ

شاعر؟؟ بہت اچھا شعر ہے۔۔۔

 

[ملائکہ]

اگر وہ پوچھ لیں ہم سے تمھیں کس بات کا غم ہے
تو پھر کس بات کا غم ہے اگر وہ پوچھ لیں ہم سے۔۔

شاعر: نامعلوم

 

[فرحت کیانی]

شاعر؟؟ بہت اچھا شعر ہے۔۔۔

شاعر نامعلوم. مجهے بهی یونہی کہیں پڑهنے کے بعد یاد رہ گیا.

 

[فرحت کیانی]

ہر چارہ گر کو چارہ گری سے گریز تها
ورنہ ہمیں جو دکه تهے بہت لادوا نہ تهے
(فیض احمد فیض)

 

[showbee]

رعونتوں میں نہ اتنی بھی اِنتہا ہو جائے
کہ آدمی نہ رہے آدمی، خُدا ہو جائے
تعلقات میں گنجائش تو ہوتی ہے
ذرا سی بات پہ کیا آدمی خفا ہوجائے

 

[محمد عادل عزیز]

اب کر کے فراموش تو ناشاد کرو گے
پر ہم جو نہ ہوں گے تو بہت یاد کرو گے

میر تقی میر

 

[محمد عادل عزیز]

پیدا کہاں ہیں ایسے پراگندہ طبع لوگ
افسوس تم کو میر سے صحبت نہیں رہی

میر

 

[showbee]

غم بانٹنے کی چیز نہی پھر بھی دوستو
اِک دوسرے کے حال سے واقف رہاکرو

 

[showbee]

وہ جو روٹھا ہے تواُسے منانے کا قصد چھوڑو
اچھا موقع ہے ، چلو سُدھر جاتے ہیں

 

[showbee]

کوئی خبر خوشی کی کہیں سے ملے منیر
اِن روز و شب میں، ایسا بھی ایک دن کمال ہو

 

[showbee]

راکھ ماضی کی کُریدو نہ پلٹ کر دیکھو
آج کا دِن بھی ہُوا گُم تو وہ کل میں ہو گا

 

[showbee]

جُرم میں کمی کریں بھی تو کیوں
تُم سزا بھی تو کم نہیں کرتے

 

[showbee]

میری خاموشیِ مسلسل کو
اِک مسلسل گلہ سمجھ لیجئے
(جون ایلیا)

 

[showbee]

یہ جو معیار ہیں
یہ ہمارے تمھارے جو معیار ہیں
شب و روز کی اس کسوٹی پہ تُلنے کو لائے گئے
تو کُھلا یہ کہ یہ
بس ہمارے خیالوں اور خواہشوں کا
لگایا ہوا ایک انبار ہیں
(امجد اِسلام امجد)